နောက်ဆုံးသတင်း/ဆောင်းပါးများ

ရွတ်ထားတဲ့ လိပ်စာက

၁၉၄၅ ခုနှစ်တွင် Akyab Island ၌ ရိုက်ကူးထားသည့်ပုံ (ဓါတ်ပုံ - villagehistorypics)


ရွတ်ထားတဲ့ လိပ်စာက

ရေးသားသူ - မိုးသင်းဝေဇံ
RB ကဗျာ
25.2.2017

(၁)

အရှေ့ စူးစူးဘက်သို့ ..
ဝင်ခွင့်မပြုတဲ့ သိစိတ်တွေက ကြိုလင့်နေတယ်
အရေပြားပေါ်က ဘာသာစကားက ဖြတ်သန်းခွင့်မပြုဘူး နံနက်ရယ်
မပိုင်ဆိုင်တော့တဲ့ အရွယ်လွန်လိုခြင်းက
တို့ မြို့လေးရဲ့  ကမ်းထိပ်မှာ..
Akyab တဲ့

ထင်းရှာတဲ့ မြို့အနောက်ဘက်က ကလေးတွေက ဒီကမ်းခြေတွေမှာ ရှိခဲ့ဖူးတယ်..
အဝါရောင်ယန္တရာကြီးတွေ၊ တူချက်တွေအောက်မှာ အမှုန့်ဖြစ်သွားရတဲ့ ဘုရားကျောင်းတွေက ဝတ်ပြုသံတွေ..
မြစ်ရဲ့ ကြမ်းပြင်အောက်မှာ..
မြို့လယ်ရဲ့ ကတ္တရာလမ်းမပေါ်မှာ
ကလေးရဲ့ ဦးနှောက်ဟာ
ဆတ်ဆတ်ခုန်လို့ သူ့ အမေကို လိုက်ရှာနေတယ်..

ပိုက်သည်ရပ်ကွက်က အဘွားအိုဟာ
ကျမ်းစာကိုရင်ထဲပွေ့ဖက်လို့ ..

မီးခိုးတွေအူပြီး အပွတ်လိုက်ထွက်ခဲ့ဖူးတဲ့ စက်ရုံတွေ
မြို့ရဲ့ မြောက်ဘက်လွင်ပြင်မှာ အချိန်တွေကို ရပ်တန့်လို့ ..

ရွတ်ထားတဲ့ လိပ်စာက အရှေ့စူးစူးဘက်..
သိုဝှက်နေတယ်…

(၂)

မပြီးပြတ်သေးတဲ့ အက်ဆေးဟာ တို့မြို့လေးအကြောင်းပေါ့
ရထားလမ်းကြောင်းဟာ ပြည်တော်သာ၊ဘုမေ၊ရေချမ်းပြင်ဆီ ဖြတ်သန်းသွားတယ် မဆုံးလိုက်ဘူး
သဲချောင်းက စီးဝင်လာတဲ့ ချောင်းဟာ
လမ်းခုလပ် မြေဖို့ခံလိုက်ရတယ်
မဆုံးလိုက်ဘူး
လက်တစ်ဖက်စာ မပြည့်တဲ့ ရှေးဟောင်းဘုရားကျောင်းတွေ
၂၀၁၂ မှာ ရေတွက်လို့ မရတဲ့ အမှုန့်တွေ ဖြစ်သွားတယ်
စစ်တွေကို ကျတဲ့ လောင်မီးဟာ
ဘဂ္ဂဒက်လို ကင်မရာရဲ့ မှန်ဘီးလူးမှာ
မီးခိုးငွေ့တွေ အပြည့်
ကင်မရဲ့ မှန်ဘီးလူးမှာ အနီရောင်တွေ အပြည့်..

မပြီးပြတ်သေးတဲ့ အက်ဆေး တို့မြို့လေးအကြောင်းပေါ့
နွေဦးရောက်ရင် လက်ပံပွင့်တွေနဲ့ အတူမြင်ရတဲ့ ရေခဲချောင်းသည်တွေ
ကာကီရောင် ဖော့ဦးထုတ်နဲ့ အပြိုင်အဆိုင်
လမ်းပေါ်က ဆန်ကွဲတွေကို ကောက်ယူနေတဲ့ ကြေးနီရောင်ကလေးတွေ
ကမ်းနားလမ်းမှာ အပြိုင်အဆိုင် ယဉ်ကျေးမှု သုံးရောင်ခြယ်တဲ့ ရူပတောင်မှာ
တရုတ်မုန့်တွေ ဒီအချိန်ဆို လှမ်းထားတယ်
မဆလာနံ့ဟာ ညနေဆို
ဗီဒီယိုရုံတွေရဲ့ အော်သံတွေနဲ့ အတူတူ သင်းလို့
စစ်တွေကို ကျတဲ့ လောင်မီးဟာ
ထရိုင်လို သတင်းထောက်ရဲ့ မှတ်စုစာအုပ်မှာ
အရေအတွက်တွေ အပြည့်
ကျဆုံးနေတဲ့ သူတွေအပြည့်..

(၃)

ရွတ်ထားတဲ့ လိပ်စာဟာ တို့မြို့လေးနဲ့တူပါရဲ့
ဒါ တို့မြို့မဟုတ်ဘူး
တလင်းပြင်လို့ မြို့တော်ရဲ့ အလယ်တစ်ခြမ်းဟာ မှောင်မည်းနေတယ်
မြို့ဟာ လူအိုရုံရဲ့ညလို…
သက်ပြင်းသံ တရှဲရှဲနဲ့…..

ရွတ်ထားတဲ့ လိပ်စာဟာ တို့မြိ့လေးနဲ့တူပါရဲ့
ဒါ တို့မြို့မဟုတ်ဘူး...။

#မိုးသင်းဝေဇံ

Comment ရေးရန်

Rohingya Exodus