နောက်ဆုံးသတင်း/ဆောင်းပါးများ

ဘူးသီးတောင် အကျဉ်းထောင်တွင် မတရားသဖြင့် အကျဉ်းကျခံနေရသူ များကို တွေ့ဆုံရန် မောင်တောမှ မိသားစုဝင် ဒေသခံ ၄၀ ဦးကို ခေါ်သွားရန် အာဏာပိုင်များစီစဉ်

Rohingya Eye
RB News
18.2.2017

မောင်တော ။ ။ ရခိုင်ပြည်နယ်၊ မောင်တောမြို့နယ်မှ ဒေသခံ ရိုဟင်ဂျာ ၄၀ ဦးကို ဘူးသီးတောင် အကျဉ်းထောင်တွင် မတရားသဖြင့် အကျဉ်းကျခံနေရသည့် မောင်နှမ၊ ဆွေမျိုးသားချင်းများနှင့် တွေ့ဆုံနိုင်ရန် စီစဉ်ပေးလျက် ရှိကြောင်း သတင်းရရှိပါသည်။ 

မောင်တောမြို့နယ် အုပ်ချုပ်ရေးမှူး၏ ညွန်ကြားချက်ဖြင့် သက်ဆိုင်ရာ ကျေးရွာအုပ်ချုပ်ရေးမှူးများက ဖေဖော်ဝါရီလ (၁၇) ရက်နေ့ ညနေ ၅ နာရီ အချိန်တွင် အမျိုးသမီး ၁၇ ဦး၊ အမျိုးသား ၂၃ ဦး တို့ကို မြို့နယ် အုပ်ချုပ်ရေးမှူးထံ အပ်နှံခဲ့သည်။ မြို့နယ် အုပ်ချုပ်ရေးမှူးက အဆိုပါ ဒေသခံ ၄၀ ဦး၏ စားဝတ်နေရေး အတွက် မြို့မကညင်တန်း အုပ်ချုပ်ရေးမှူး ဦးအဒူရာမန်ကို တာဝန်ပေးအပ်လိုက်သဖြင့် မောင်နီရွာရှိ မူလတန်းကျောင်းတွင် နေရာထိုင်ခင်း စီစဉ်ပေးထားပြီး၊ ရွသားများက စားသောက်ရေးအတွက် ကူညီဆောင်ရွက် ပေးကြောင်း ဒေသခံများက RB News သို့ပြောသည်။ 

အဆိုပါ ဒေသခံ ၄၀ ဦးကို ယနေ့ ဖေဖော်ဝါရီလ (၁၈) ရက်နေ့တွင် ဘူးသီးတောင်မြို့နယ် အကျဉ်းထောင်တွင် မတရားသဖြင့် အကျဉ်းကျခံနေရသည့် မောင်နှမ၊ ဆွေမျိုးသားချင်းများနှင့် တွေ့ဆုံနိုင်ရန် အတွက် သက်ဆိုင်ရာ အာဏာပိုင်များက ပို့ဆောင်ပေးမည် ဖြစ်ကြောင်း သိရှိရသည်။ 

ဒေသခံ ၄၀ ဦးတွင် ဦးရှည်ကျကျေးရွာ၊ ကျားခေါင်းတောင်ကျေးရွာ တို့မှ အများဆုံးဖြစ်ပြီး၊ သရက်အုပ် ကျေးရွာမှလည်း အနည်းငယ် ပါဝင်သည်ဟု ဒေသခံများက ပြောပါသည်။ 

“နိုင်ငံတကာက ဝေဖန်မှုတွေ များလာတော့ ဟန်ပြအနေနဲ့ ဓါတ်ပုံရိုက်ပြီး နိုင်ငံတကာကို လှည့်စားဖို့ အတွက် ဖြစ်မှာပါ” ဟု မြို့ခံတစ်ဦးက ဝေဖန်ပြောဆိုသည်။




Comment ရေးရန်

Rohingya Exodus