ဘူးသီးတောင် တင်းမေရွာသား ရိုဟင်ဂျာ နှစ်ဦးထံမှ ငွေကျပ် သိန်း ၂၀ စီ ညှစ်၍ မရသဖြင့် တောင်ဘဇာ နယ်မြေစခန်း၌ ချုပ်နှောင်ထား
MYARF
RB News
18.3.2017
ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် မြောက်ပိုင်း တင်းမေရွာမှ အပြစ်မဲ့ ရွာသား (၁၁) ဦးကို နယ်ခြားစောင့်ရဲများက ဖမ်းဆီးပြီး (၉) ဦးကို ငွေညှစ်၍ ပြန်လည် လွှတ်ပေးပြီးနောက် ငွေကြေးတတ်နိုင်သူ နှစ်ဦးထံမှ ငွေကျပ် သိန်း ၂၀ စီ မရသည့် အတွက်ဟု နယ်မြေစခန်းသို့ ပို့ဆောင်၍ ချုပ်နှောင် ထားကြောင်း သတင်းရရှိပါသည်။
ဘူးသီးတောင်မြို့နယ် အထက်ပိုင်း (မြောက်ပိုင်း) ကျောင်းတောင် ကျေးရွာ အခြေစိုက် နယ်ခြားစောင့်ရဲတပ်ဖွဲ့ စခန်းမှ နယ်ခြားစောင့်ရဲများသည် တင်းမေကျေးရွာမှ ၎င်းတို့၏ သတင်းပေးများ ဖြစ်သော ရော်ဖိခ် (ဘ) ဦးနူအစ္စလာမ်၊ ဆီးရာဇ် (ဘ) ဦးဆိဒိတ်ခ်၊ ရာဟာမောတ် (ဘ) ဦးမေရ်အလီနှင့် အစ္စမိုင်လ် (ဘ) ဦးရှားကဲရ်တို့နှင့် ပူးပေါင်း၍ မတ်လ (၁၄) ရက်နေ့ နေ့လည် ၃း၃၀ နာရီအချိန်တွင် တင်းမေကျေးရွာသို့ သွားရောက်ပြီး အပြစ်မဲ့ ရွာသား (၁၁) ဦးကို ဖမ်းဆီး၍ ကျောင်းတောင် နယ်ခြားစောင့်ရဲတပ်ဖွဲ့ စခန်းသို့ ခေါ်ဆောင်သွားခဲ့သည်။
၎င်းတို့နှင့်အတူ ကျေးရွာတာဝန်ခံ ဦးဟာမီဒုလ္လာကိုလည်း ခေါ်ဆောင်သွားခဲ့သည်။ ဖမ်းဆီးသွားသူ (၁၁) ဦးမှ (၉) ဦးကို ငွေညှစ်၍ ညနေပိုင်းတွင် ပြန်လည်လွှတ်ပေးခဲ့ကြောင်း ဒေသခံများက RB News သို့ပြောသည်။
ငွေမည်မျှ ညှစ်ခံရသည်ကို ငွေညှစ်ခံရသူ (၉) ဦးက ထုတ်ဖော်ပြောကြားခြင်း မရှိကြောင်း ဒေသခံများက ဖြည့်စွက်ပြောပါသည်။
ကျန်သည့် နှစ်ဦးဖြစ်သည့် ဦးနူရုလ်အာမီးန် (ဘ) ဦးကာလူ (အသက် ၄၃ နှစ်) နှင့် ဦးအာဘူလ်ဟာရှိမ်း (ဘ) ဦးအဒူလ်ဟာကိမ်း (အသက် ၅၃ နှစ်) တို့မှာ ငွေကြေးချမ်းသာသူများ ဖြစ်သည်ဟု ဆိုကာ နယ်ခြားစောင့်ရဲများက တစ်ဦးထံမှ ငွေကျပ် သိန်း ၂၀ စီ တောင်းခံခဲ့ရာ နှစ်ဦးစလုံးက မိမိတို့မှာ မည်သည့် အပြစ်မှ မရှိသဖြင့် ငွေကျပ် သိန်း ၂၀ စီ မပေးနိုင်ဟု ငြင်းဆန်ခဲ့ကြသည်။
ငွေကျပ် သိန်း ၂၀ စီ ပေးရန် ငြင်းဆန်သဖြင့် အကြမ်းဖက်သမားများနှင့် ဆက်နွယ်နေသူများစု ဆိုကာ တောင်ဘဇာ နယ်ခြားစောင့်ရဲတပ်ဖွဲ့ စခန်း (နယ်မြေ ၉) သို့ ပို့ဆောင်လိုက်ကြောင်း သိရှိရသည်။
၎င်းတို့နှစ်ဦးလုံးကို ယခုအချိန်ထိ တောင်ဘဇာ နယ်ခြားစောင့်ရဲတပ်ဖွဲ့ စခန်း၌ ချုပ်နှောင် ထားပြီး၊ ကျေးရွာတာဝန်ခံ ဦးဟာမီဒုလ္လာကိုမူ လူမဆန်စွာ ရိုက်နှက်၍ ယင်းနေ့ ညနေပိုင်းတွင် ပြန်လည် လွှတ်ပေးခဲ့ကြောင်း ဒေသခံများက ပြောပါသည်။
တင်းမေရွာမှ အထက်ပါ သတင်းပေး (၄) ဦးသည် ကျေးရွာသို့ နယ်ခြားစောင့်ရဲတပ်ဖွဲ့၊ စစ်တပ်ရောက်လျှင် ၎င်းတို့နှင့် ပူးပေါင်း၍ ရွာသားများကို ညှဉ်းပန်းနှိပ်စက်လေ့ရှိသည်။ ထိုသို့ ပြုလုပ်ရခြင်း အကြောင်းရင်းမှာ ကျေးရွာတာဝန်ခံ ဦးဟာမီဒုလ္လာကို အပြစ်ရှာဖွေ၍ တာဝန်မှ ရပ်စဲစေပြီး ၎င်းတို့ထဲမှ တစ်ဦးဦး ကျေးရွာတာဝန်ခံ ဖြစ်လာရန် ဆိုသည့် ရည်ရွယ်ချက်ဖြင့် ဖြစ်သည်ဟု ဒေသခံများက သုံးသပ်နေကြသည်။
