ရခိုင်ရွာသား (၃) ဦးက ရိုဟင်ဂျာ ဆိုင်ကယ်ကယ်ရီသမား တစ်ဦးကို ဓါးထောက်၍ လုယက်
RB News
13.11.2017
ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် ဖရုံချောင်းကျေးရွာမှ ရိုဟင်ဂျာ ဆိုင်ကယ် ကယ်ရီသမား တစ်ဦးကို ရခိုင်ရွာသား (၃) ဦးက ဓါးထောက်၍ လုယက်ခဲ့ကြောင်း သတင်းရရှိပါသည်။
နိုဝင်ဘာလ (၁၂) ရက်နေ့ ညနေ ၅း၃၀ နာရီခန့် အချိန်တွင် ဘူးသီးတောင်မြို့နယ် စိမ့်ညှင်းပြားကျေးရွာမှ မိမိ၏ နေအိမ်ရှိရာ ဖရုံချောင်းကျေးရွာသို့ ပြန်လာနေသည့် ဆိုင်ကယ် ကယ်ရီသမားတစ်ဦးဖြစ်သူ ဟာဖေဇုလ်ကရီးမ် (ဘ) ဦးဘုလ္လာ (အသက် ၂၁ နှစ်) ကို ဂူတာပြင်ကျေးရွာအုပ်စု ငှက်ပျောချောင်း ရခိုင်ရွာမှ ရခိုင်ရွာသာ (၃) ဦးက ဓါးထောက်၍ လုယက်ခဲ့ကြောင်း ဒေသခံတစ်ဦးက RB News သို့ပြောပါသည်။
ဆိုင်ကယ် ကယ်ရီသမား ဖြစ်သူ ဟာဖေဇုလ်ကရီးမ် ထံမှ ဓါးထောက်၍ လုယက်ခဲ့သည့် ရခိုင်ရွာသားများက ရွှေဆွဲကြိုး တစ်ကုံး၊ ရွှေလက်စွပ် တစ်ကွင်းနှင့် ငွေကျပ် နှစ်သောင်း လုယက်သွားခဲ့ကြောင်း သိရှိရသည်။
