နောက်ဆုံးသတင်း/ဆောင်းပါးများ

ဘူးသီးတောင် အထက ကျောင်းအုပ်ကြီး၏ လူမျိုးရေး ခွဲခြားမှုကြောင့် ကျောင်းသား/သူ အချို့ ကျောင်းတက်ချင်စိတ်ပင် မရှိတော့ဟု ဒေသခံများပြော

MYARF
RB News
28.1.2018

ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် အခြေခံပညာအထက်တန်းကျောင်းမှ ကျောင်းအုပ်ကြီး၏ လူမျိုးရေး ခွဲခြားဆက်ဆံမှုကြောင့် ကျောင်းသားကျောင်းသူ အချို့ ကျောင်းတက် ပညာသင်ယူချင်စိတ် မရှိတော့ဟု ဘူးသီးတောင်မြို့နယ်မှ ဒေသခံများက ပြောပါသည်။

ဘူးသီးတောင်မြို့နယ် အခြေခံပညာအထက်တန်းကျောင်း ကျောင်းအုပ်ကြီး ဦးစံအောင်ကျော်သည် ရသေ့တောင်မြို့နယ် ဇာတိသား ဖြစ်ပြီး၊ ၂၀၁၆ ခုနှစ်တွင် ဘူးသီးတောင်မြို့နယ် အခြေခံပညာအထက်တန်းကျောင်းသို့ ကျောင်းအုပ်ကြီး ရာထူးဖြင့် ပြောင်းရွှေ့လာခဲ့သည်။ 

၎င်း တာဝန်ယူပြီးနောက် လူမျိုးရေးခွဲခြားဆက်ခံခြင်းများ နေ့စဉ်နှင့်အမျှ တိုးလာပြီး၊ ၎င်းကိုယ်တိုင် ကျောင်းသားကျောင်းသူများကို ကုလားကျောင်းသား၊ ဘင်္ဂလီကျောင်းသား၊ တိုင်းရင်းသားကျောင်းသား စသည့် အသုံးအနှုန်းများ သုံး၍ ခွဲခြားဆက်ဆံနေသည်။

၎င်း ပြောင်းရွှေ့မလာမီက ယခုကဲ့သို့ ပြောင်းပြောင်းတင်း ခွဲခြားဆက်ဆံခြင်း မရှိခဲ့ဟု ဒေသခံများက RB News သို့ပြောပါသည်။ ၎င်းပြောင်းလာပြီးမှ ပိုဆိုးလာသည်ဟု ဆိုသည်။

ပညာရေးစုံညီပွဲတော် ကျင်းပခဲ့ရာ ယင်းအခမ်းအနားတွင် ဖိတ်ကြားခြင်းခံရသည့် ရိုဟင်ဂျာ မြို့မိမြို့ဖများ၊ ကျောင်းသားမိဘများ ရှေ့မှောက်တွင်ပင် “ဘင်္ဂလီကုလားဆိုး အကြမ်းဖက်သမားမျာကြောင့်” ကျောင်းများ ကာလ အတော်ကြာ ပိတ်ထားခဲ့ရသည်ဟု သုံးနှုန်း ပြောဆိုခြင်းကြောင်း လူမျိုးစုံ ဘာသာစုံ တက်ရောက် ပညာသင်ကြားနေသည့် ကျောင်းတစ်ကျောင်းအတွင်း ကျောင်းသားကျောင်းသူများ စိတ်ဝမ်းကွဲခြင်း၊ အမုန်းပွားခြင်း စသည်တို့ ပိုမို ဖြစ်ပေါ်လာမည်ကို ကျောင်းသားမိဘများ အထူးစိုးရိမ်လျက် ရှိနေကြသည်။

ယခုကဲ့သို့ လူမျိုးဘာသာ ခွဲခြားခြင်းများကြောင့် ကျောင်းသားကျောင်းသူ အချို့ ကျောင်းတက် ပညာသင်ချင်စိတ်ပင် မရှိတော့ဟု ပြောဆိုနေကြောင်း ကျောင်းသားမိဘများက ပြောပါသည်။

ကျောင်းသားမိဘများက ကျောင်းအတွင်း ကျောင်းအုပ်ကြီးအား ဆရာကျင့်ဝတ်နှင့် အညီ ပြောဆိုရန်၊ ကျောင်းသားကျောင်းသူများ အတွက် စံပြပုဂ္ဂိုလ်တစ်ဦး အဖြစ်နေထိုင်ရန်၊ ကျောင်းသားကျောင်းသူများ အကြား ချစ်ကြည်ရင်းနှီး ပိုမိုတိုးပွားစေရန် အတွက် သက်ဆိုင်ရာ ပညာရေးမှူးက ညွန်ကြားပေးရန် တောင်းဆိုနေကြသည်။  




Comment ရေးရန်

Rohingya Exodus