ကုလ လုံခြုံရေးကောင်စီ အဖွဲ့ဝင်များ ရောက်ရှိနေချိန်တွင် ပြသရန် မြို့နယ်အုပ်ချုပ်ရေးမှူးက ကျေးရွာအုပ်ချုပ်ရေးမှူးထံမှ ငွေယူ၍ ရွာသားများအား ဆိတ်များ ထောက်ပံ့

RB News

30.4.2018

မောင်တော ။ ။ ရခိုင်ပြည်နယ်၊ မောင်တောမြို့နယ် အုပ်ချုပ်ရေးမှူးက ကျောက်လှေကားနှင့် ပန်းတောပြင် ကျေးရွာများတွင် ဒေသခံများ စားသုံးရန် ဆိတ်များ ထောက်ပံ့ပေးခဲ့သည်။ 

ဧပြီလ (၂၉) ရက်နေ့တွင် မောင်တောမြို့နယ် အုပ်ချုပ်ရေးမှူး ဦးမြင့်ခိုင်က ကျောက်လှေကားကျေးရွာနှင့် ပန်းတောပြင် ကျေးရွာအုပ်ချုပ်ရေးမှူးများမှ တဆင့် ဒေသခံရွာသူရွာသားများ စားသုံးရန် ဆိတ်များ ထောက်ပံ့ပေးခဲ့သည်။ 

မြို့နယ် အုပ်ချုပ်ရေးမှူး ဦးမြင့်ခိုင် ထောက်ပံ့ပေးခဲ့သည့် ဆိတ်များအတွက် ကျေးရွာအုပ်ချုပ်ရေးမှူးများက တစ်ကောင်လျှင် ငွေကျပ် နှစ်သောင်းငါးထောင်စီ ပေးသွင်းခဲ့ရကြောင်း ဒေသခံတစ်ဦးက RB News သို့ပြောသည်။ 

ကုလသမဂ္ဂ လုံခြုံရေးကောင်စီ အဖွဲ့ ကိုယ်စားလှယ်များ ရောက်ရှိလာပါက အစိုးရက လိုသမျှ ထောက်ပံ့ပေးနေကြောင်း၊ စားသုံးရန် ဆိတ်များပင် ထောက်ပံ့နေကြောင်း ပြောဆိုရန် သက်ဆိုင်ရာ အုပ်ချုပ်ရေးမှူးများမှတဆင့် ရွာသူရွာသားများကို မှာကြားထားကြောင်း အဆိုပါ ဒေသခံကပြောပါသည်။ 

မြို့နယ် အုပ်ချုပ်ရေးမှူးက ကျေးရွာအုပ်ချုပ်ရေးမှူးများထံမှ ငွေယူ၍ ထောက်ပံ့သည့် ဆိတ်များမှာ ကျန်းမာရေး ချို့တဲ့သည့် ဆိတ်များ ဖြစ်ပြီး တစ်ရက် နှစ်ရက်အတွင်း သေဆုံးနိုင်ကြောင်း ခန့်မှန်းပြောဆိုနေကြသည်။ 

ရွှေဇားကျေးရွာတွင်လည်း ကျေးရွာတာဝန်ခံ ဦးမော်နိရ်အပါအ၀င် ဒေသခံ (၄) ဦးကို အစိုးရ အလိုကျ လိမ်လည်ပြောဆိုနိုင်ရင် ဒေသခံခံ အာဏာပိုင်များက လျှို့ဝှက်စီစဉ် ထားကြောင်း ကျေးရွာတာဝန်ခံနှင့် နီးစပ်သူ တစ်ဦးက ပြောသည်။