မောင်တော မြောတောမှ ဒေသခံတစ်ဦးထံမှ နယ်ခြားစောင့်ရဲများက ငွေညှစ်

RB News

18.5.2018

မောင်တော ။ ။ ရခိုင်ပြည်နယ်၊ မောင်တောမြို့နယ် သရက်အုပ်ကျေးရွာ အခြေစိုက် နယ်ခြားစောင့်ရဲတပ်ဖွဲ့ စခန်းမှ စခန်းမှူးနှင့် အဖွဲ့က မြောတောင်ကျေးရွာမှ ဒေသခံတစ်ဦးထံမှ ငွေကျပ် နှစ်သိန်းခွဲ ညှစ်ယူခဲ့သည်။

ယနေ့ မေလ (၁၈) ရက်နေ့ နေ့လည် ၁ နာရီအချိန်တွင် သရက်အုပ်ကျေးရွာ အခြေစိုက် နယ်ခြားစောင့်ရဲတပ်ဖွဲ့ ကင်းစခန်းမှ စခန်းမှူး အပါအ၀င် နယ်ခြားစောင့်ရဲ (၆) ဦးသည် မြောတောင်ကျေးရွာသို့ ရောက်ရှိလာပြီး ဦးဟာမိတ်ဟူစိန်း (ဘ) ဦးနုရ်အာမတ် (အသက် ၄၅ နှစ်) ကို ခေါ်ဆောင်သွားပြီး ငွေကျပ် နှစ်သိန်းခွဲ ညှစ်ယူပြီးနောက် ပြန်လည် လွှတ်ပေးခဲ့ကြောင်း ဒေသခံတစ်ဦးက RB News သို့ပြောသည်။ 

ဦးဟာမိတ်ဟူစိန်းသည် ရွက်ညိုတောင် အခြေစိုက် နယ်ခြားစောင့်ရဲတပ်ဖွဲ့ စခန်းမှူး (ရဲမှူး) ကို မတ်လမှစ၍ မေလအထိ တစ်လလျှင် ငွေကျပ် တစ်သိန်းစီ ပေး၍ ၎င်း၏ ရွာအနီးအနားရှိ သစ်ပင်များကို ခုတ်လှဲ၍ သစ်ခွဲသည့် လုပ်ငန်းလုပ်ကိုင်နေသူ ဖြစ်သည်။ 

ယခု အဆိုပါ ရဲမှူး ပြောင်းသွားသောကြောင့် သရက်အုပ်မှ စခန်းမှူးက “ဒီလုပ်ငန်းက ငါ့ဧရိယာအတွင်းမှသာ ရှိတာကြောင့် ငါ့ကိုသာ ငွေပေးရမယ်” ဟု ဆိုကာ ပြောဆို၍ ငွေညှစ်ခဲ့ခြင်း ဖြစ်သည်။