MYARF
RB News
20.4.2015

မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်း၊ လောင်းဒုံ ကျေးရွာ အခြေစိုက် နယ်ခြားစောင့် ရဲတပ်ဖွဲ့ ကင်းစခန်းမှ နယ်ခြားစောင့်ရဲ များကို ငါးခူရ စခန်း (နယ်မြေ ၅) မှ ရဲမှူးက မတရားသဖြင့် ငွေညှစ်ခြင်း၊ ဖမ်းဆီး ရိုက်နှက်ခြင်း ကဲ့သို့သော သောင်းကျန်းမှုများ ဆက်လက် မပြုလုပ်ရန် ဆုံးမခဲ့သော်လည်း လောင်းဒုံ ကင်းစခန်းမှ နယ်ခြားစောင့်ရဲများက ရဲမှူး၏ အဆုံးအမကို လိုက်နာ နာခံခြင်း မရှိဘဲ ဆက်လက် သောင်းကျန်းလျက် ရှိကြောင်း သတင်း ရရှိပါသည်။

လောင်းဒုံ ကျေးရွာ ကင်းစခန်းမှ နယ်ခြားစောင့် ရဲများသည် ၎င်းကျေးရွာနှင့် အနီးအနားရှိ ကျေးရွာများသို့ သွားရောက်ပြီး ဒေသခံ ရွာသားများကို မတရားဖမ်းဆီး ရိုက်နှက်ခြင်း၊ ငွေညှစ်ခြင်းများ နေ့စဉ်နှင့် အမျှ ပြုလုပ်နေသည်ကို ငါးခူရ စခန်း (နယ်မြေ ၅) မှ ရဲမှူးက သိရှိသွား၍ ဧပြီလ (၁၅) ရက်နေ့တွင် လောင်းဒုံ ကျေးရွာ ကင်းစခန်းသို့ လာရောက်ပြီး လောင်းဒုံ ကင်းစခန်းမှ နယ်ခြားစောင့်ရဲ များကို ရိုက်နှက်၍ နောက်နောင် ထိုသို့ မပြုလုပ်ရန် ဆုံးမခဲ့သည်။

သို့သော်လည်း နယ်ခြားစောင့် ရဲများသည် ရဲမှူး၏ ဆုံးမမှုကို လိုက်နာခြင်း မရှိဘဲ ဧပြီလ (၁၆) ရက်နေ့ ည ၉ နာရီတွင် လောင်းဒုံ ကျေးရွာအုပ်စု၊ ကြိုက်ချောင်းရွာသို့ သွားရောက်ပြီး ရာသီဥတု ပူပြင်းလွန်း၍ အိမ်ရှေ့ လမ်းမဘေးတွင် ရပ်၍ လေညှင်းခံနေသည့် မော်လ၀ီ နိုရူ (ဘ) ဦးမာမတ်ရှော်ဖီ (အသက် ၃၅ နှစ်) ကို ဖမ်းဆီးပြီး ကင်းစခန်းသို့ ခေါ်ဆောင် သွားကာ ညမထွက်ရ အချိန်တွင် အပြင်ထွက်သည်ဟု လုပ်ကြံ စွပ်စွဲ၍ ငွေကျပ် ၅ သိန်း တောင်းရာ မော်လ၀ီ နိုရူက ညမထွက်ရ အမိန့်မှာ ည ၁၁ နာရီမှ နံနက် ၄ နာရီထိသာ ဖြစ်ကြောင်း၊ ၎င်းသည် ည ၉ နာရီ အချိန်တွင် အပြင်ရောက် နေခြင်း ဖြစ်သည်ဟု ပြန်လည် ပြောဆိုသဖြင့် နယ်ခြားစောင့် ရဲများက လူမဆန်စွာ ရိုက်နှက်ခဲ့သည်။ နောက်ဆုံးတွင် နယ်ခြားစောင့် ရဲများ၏ ရိုက်နှက် ညှဉ်းပန်း နှိပ်စက်မှုကြောင့် ငွေကျပ် နှစ်သိန်း ပေး၍ လွတ်မြောက် လာခဲ့သည်ဟု ဒေသခံ တစ်ဦးက RB News သို့ပြောသည်။

အဆိုပါ နယ်ခြားစောင့် ရဲများသည် ဧပြီလ (၁၇) ရက်နေ့ ည ၈ နာရီ အချိန်တွင် ငါးစာကြူး ကျေးရွာအုပ်စု၊ ပန်းမြောင်ရွာရှိ ၂၀၁၄ ခုနှစ် မီးဘေးသင့် ဒုက္ခသည်များထံ သွားရောက်ပြီး ရှောမ်ရှုလ်အာမီးန် (ဘ) ဦးဖော်ဇိလ်အာမတ် (အသက် ၂၅ နှစ်) ကို ဆိုင်တွင် ထိုင်နေစဉ် ဖမ်းဆီး ခေါ်ဆောင် သွားပြီး ဘင်္ဂလားဖုန်း ရှိသည်ဟု စွပ်စွဲ၍ ရိုက်နှက်နေသဖြင့် ၎င်း၏ အစ်ကို ဖြစ်သူ မော်လ၀ီက ၎င်းအား ရွေးယူလာရန် သွားရာ မော်လ၀ီကိုလည်း ရိုက်နှက်ခဲ့သည်။ ညီအစ်ကို နှစ်ဦးစလုံးကို နယ်ခြားစောင့် ရဲများက လူမဆန်စွာ ရိုက်နှက်နေခြင်းကို မခံနိုင်တော့၍ နောက်ဆုံးတွင် ငွေကျပ် နှစ်သိန်း ငါးသောင်း ပေးမှသာ ပြန်လည် လွတ်မြောက်လာခဲ့သည်။

လောင်းဒုံ ကင်းစခန်းမှ နယ်ခြားစောင့် ရဲများသည် လမ်းသွားလမ်းလာများကို အကြောင်းမဲ့ စစ်ဆေးခြင်း၊ ရိုက်နှက်ခြင်း၊ ငွေ၊ ပစ္စည်းများ လုယက်ခြင်း၊ ဆိုင်ကယ် စီးသူများကို ဦးထုပ်မဆောင်း၊ လိုင်စင်ပါ၊ သုံးယောက်စီး စသည်ဖြင့် အကြောင်း အမျိုးမျိုးပြ၍ ငွေညှစ်ခြင်းများ အမြဲတစေ ပြုလုပ်လျက် ရှိသည်ဟု ဒေသခံများက ပြောပါသည်။

20.4.2015

ရခိုင်ပြည်နယ် ကျောက်တော် မြို့နယ်မှာ အစိုးရတပ်နဲ့ AA ရက္ခိုင့် တပ်မတော်တို့ ပြီးခဲ့တဲ့ ရက်ပိုင်းက တိုက်ပွဲ ဖြစ်ပွားခဲ့တဲ့နေရာ အနီးတဝိုက်က ကျေးရွာလေးရွာက ဒေသခံ ၄၅၀ လောက်ဟာ မလှမ်းမကမ်းရှိ စပါးဆိပ် ကျေးရွာကို ထွက်ပြေး တိမ်းရှောင်နေကြ ရပါတယ်။

စစ်ဘေး ဒုက္ခသည်တွေဟာ စပါးဆိပ်ကျေးရွာက စာသင်ကျောင်းမှာ ခိုလှုံနေပြီး စားနပ်ရိက္ခာ အကူအညီတွေလိုအပ်နေတယ်လို့ ဒုက္ခသည်တွေကို ကူညီဆောင်ရွက်ပေးနေတဲ့ ကျောက်တော်မြို့ခံ ကိုဇော်ဝင်းက ပြောပါတယ်။

"ရွာလေးရွာ ခန့်မှန်းခြေအိမ်ခြေ ၁ဝဝ ကျော်လောက်ရှိတယ်၊ လူဦးရေ ၄ဝဝ ကျော်ရှိတယ်၊ ရွာသူရွာသားတွေက သူတို့ကို စာသင်ကျောင်းထဲမှာ ထားရတယ်လို့ပြောတယ်"

တိုက်ပွဲဖြစ်ပွားရာ နေရာအနီးအနားက ကုလားကျ၊ ဒန်ချောင်း၊ ပင်လုံ၊ အောင်လံချောင်းကျေးရွာက ဒေသခံတွေဟာ စပါးဆိပ်ကျေးရွာထံ မနေ့ကရောက်ရှိလာတာဖြစ်တယ်လို့ သိရပါတယ်။

အဲဒီစစ်ဘေးဒုက္ခသည်တွေကို အကူအညီပေးဖို့အတွက် ကျောက်တော်မြို့ခံတွေက စစ်ဘေးဒဏ်သင့် ထောက်ပံ့ရေးကော်မတီတစ်ရပ်ကို ဒီနေ့ ဖွဲ့စည်းလိုက်ပြီး မနက်ဖြန်မှာ စပါးဆိပ်ကျေးရွာထံ သွားရောက်ကူညီကြမှာဖြစ်ပါတယ်။

အစိုးရတပ်မတော်နဲ့ ရက္ခိုင့်တပ်မတော် AA တို့ဟာ ပြီးခဲ့တဲ့ ဧပြီလ ၁၇ ရက်နေ့နဲ့ ၁၈ ရက်နေ့တို့မှာ ကျောက်တော်မြို့နယ် စပါးဆိပ်ကျေးရွာအုပ်စုအတွင်းမှာ လက်နက်ကြီးတွေနဲ့ အပြန်အလှန်ပစ်ခတ်ပြီး ရခိုင်ပြည်နယ်မှာဖြစ်ပွားခဲ့တဲ့ တိုက်ပွဲတွေအထဲမှာ အပြင်းထန်ဆုံးနဲ့ အချိန်အကြာမြင့်ဆုံး တိုက်ပွဲတွေဖြစ်ကြောင်း ရက္ခိုင့်တပ်မတော် က သတင်း ထုတ်ပြန်ခဲ့ပါတယ်။

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် တောင်ပိုင်း ၀ရကျွန်း ကျေးရွာအုပ်စု၊ ဒိုးဒန်း ဇာတိ ဖြစ်သူ ဦးအဒူဆောလာမ် (ပဲချေ) သည် ယခုအခါ ဘူးသီးတောင် မြို့နယ် အမှတ် (၄) ရပ်ကွက် တွင် နေထိုင်လျက် ရှိသည်။ ၎င်းသည် ယခင် စစ်အစိုးရ လက်ထက်တွင် ရ.၀.တ အတွင်းရေးမှူး အဖြစ် တာဝန် ထမ်းဆောင်ခဲ့သူ ဖြစ်သည်။ ထိုတာဝန် ထမ်းဆောင်စဉ် ကာလ အတွင်း ရွာသူရွာသားများကို အ လွန် ညှဉ်းပန်း နှိပ်စက်ခဲ့သူ ဖြစ်သည်ဟု ဒေသခံများက ဆိုသည်။ အလွန်ဆင်းရဲသည့် အမျိုးသမီး တစ်ဦးကို မုဒိန်းကျင့်ခဲ့ခြင်းကြောင့် ငွေကြေး မြောက်မြားစွာ ကုန်ကျခဲ့ပြီး နောက်ဆုံးတွင် အလုပ်မှ ထုတ်ပယ်ခြင်း ခံခဲ့ရသည်။ ထိုအချိန်မှစ၍ ရွာတွင် မနေရဲတော့ပဲ ဘူးသီးတောင် မြို့ပေါ်တွင် အိမ်ငှား ၍ ပြောင်းရွှေ့ နေ ထိုင်လာခဲ့သည်။

ဘူးသီးတောင် မြို့ပေါ်သို့ ရောက်ရှိလာပြီးနောက် ၎င်းတာဝန် ထမ်းဆောင်စဉ်က ရွာသားများ ညှဉ်းပန်း နှိပ် စက် ငွေညှစ်စဉ် မိတ်ဆွေဖြစ်ခဲ့သည့် ရဲများနှင့် ပြန်လည် ပူးပေါင်း၍ ရွာသားများနှင့် ပတ်သက်၍ လုပ်ကြံ သတင်းများ ဖန်တီး၍ ရဲတပ်ဖွဲ့မှ တဆင့် ထောက်လှမ်းရေး (၁၈) အထိ ပေးပို့ကာ ၎င်းအလုပ်ပြုတ်စဉ်က ပါဝင်ခဲ့သူများဟု ယူဆရသူများကို ဂလဲ့စား ချေခဲ့သည်။ ၎င်း၏ လုပ်ကြံသတင်းများ ဖန်တီးမှုကြောင့် ရာဂ ဏန်း နီးပါးရှိသော အပြစ်မဲ့ ရွာသားများ နိုင်ငံမှ ထွက်ပြေးခဲ့ရသည်။ ဆယ်ဂဏန်းကျော် အသတ်ခံခဲ့ရ သည်။ မတရားသဖြင့် ဖမ်းဆီး ထောင်ချခြင်း ခံနေရသူများလည်း များစွာ ရှိနေသည်ဟု ဒေသခံများက ပြော ပါသည်။ ထိုစဉ်က ထောက်လှမ်းရေး (၁၈) မှ အပြစ်မဲ့ ဒေသခံ ရိုဟင်ဂျာများကို RSO ခေါင်းစဉ် တပ်ကာ မတရား ဖမ်းဆီး ညှဉ်းပန်း နှိပ်စက်နေသည့် အချိန် ဖြစ်သည်ဟု ဆိုသည်။ ၎င်းသည် နည်းအမျိုးမျိုးဖြင့် ဒေသ ခံ ရွာသားများကို ဒုက္ခပေးကာ ရဲများ၏ ပွဲစားကြီး ဘ၀သို့ ရောက်ရှိခဲ့သည်။ ဤမျှမက ဌာန ပေါင်းစုံသို့လည်း ၀င်ရောက် နေရာယူခဲ့ပြီး အမှုကြီး/ငယ် လိုက်ရာတွင်လည်း ဥပဒေ ပါရဂူဘွဲ့ရ တရားလွှတ်တော် ရှေ့နေ တစ်ဦးပမာ ဖြစ်လာခဲ့သည်။ လယ်ယာမြေ အမှု၊ ရဲအမှု၊ မ.ယ.က အမှု၊ တရားမမှု၊ ရာဇ၀တ်မှု၊ အမှုဟူသမျှ တွင် မှားသည် ဖြစ်စေ၊ မှန်သည်ဖြစ်စေ ၎င်းက လိုက်ပေးလျှင် အနိုင်ရကို ရရမည်ဟု ကြွေးကြော်ကာ ထင်ရှားလာခဲ့သည်။

တစ်စုံတစ်ဦးက(အထူးသဖြင့်၎င်း၏ ဆွေမျိုးသားချင်းတစ်ဦးဦးက)အခြားသူတစ်ဦးဦးနှင့်အဆင် မပြေ ဖြစ်ခဲ့ လျှင် ၎င်းထံ တိုင်ကြားပါက အတိုင်ခံရသူကို ရဲစခန်း ဂိတ်စာရေး ထံတွင် မှတ်တမ်းပင် မတင်ဘဲ ရဲစခန်းမှ တံဆိပ်တုံးဖြင့် စာရွက် တစ်ရွက်ယူဆောင်လာပြီး နို့တစ်စာ ကဲ့သို့ ပြုလုပ်ကာ ဆင့်ခေါ်၍ ငွေ ညှစ်လေ့ရှိ ရာ ဘူးသီးတောင်မြို့နယ်ရှိ ကျေးရွာ အများအပြား ဆင်းရဲ ချမ်းသာမရွေးတို့၏ မျက်ရည်စာများဖြင့် ငွေ သိန်း ထောင်ပေါင်း များစွာ ပိုင်ဆိုင်သူ ဖြစ်လာသည်ဟု ဒေသခံများက ပြောပါသည်။

နယ်ခြားစောင့် ရဲတပ်ဖွဲ့ ဖွဲ့စည်းပြီးနောက် ရဲစခန်းများ၏ လုပ်ပိုင်ခွင့် လျော့နည်းလာသည့် အခါ ၎င်း၏ ဇာတိ ကျေးရွာ အပိုင်ရှိ လေးမြို့ နယ်ခြာစောင့် ရဲတပ်ဖွဲ့ စခန်း အမှတ် (၂၁) ၏ စခန်းမှူးနှင့် ပူးပေါင်း ၍ ဒေသခံ ရွာသားများ ထံမှ မတရားသဖြင့် ငွေညှစ်သည့် အလုပ်ကို ဆက်လက် လုပ်ကိုင်လာသည်ဟု ဆိုသည်။ ဧပြီလ (၈) ရက်နေ့တွင် လေးမြို့ စခန်း (၂၁) မှ စခန်းမှူး၏ တာဝန်ပေးအပ်ချက် အရဟု ဆိုကာ လုပ်ကြံ၍ ဖန်တီးထားသည့် အမှုများ ရင်ဆိုင်နေရသူများ ထံမှ ကျေးရွာ အုပ်ချုပ်ရေးမှူး စရိတ်၊ စခန်းမှူး စရိတ်၊ စာရေး စာချုပ် စရိတ်နှင့် ရုံးစရိတ်ဟု ခေါင်းစဉ်များ တပ်ကာ ငွေညှစ်ရာ အမှု ဖန်တီးခံရသူများ က ငွေကြေး အချို့ ပေးလိုက်သော်လည်း ကျန်သည့် ငွေများကို နေ့စဉ် နံနက် တစ်ကြိမ်၊ ညနေ တစ်ကြိမ် လာရောက်၍ ထောင်ကျမည်ဟု ဆိုကာ အမျိုးမျိုး ခြိမ်းခြောက်သဖြင့် မတတ်နိုင်သည့် ဆင်းရဲသား များမှာ ၎င်းတို့ လုပ်ကိုင် စားသောက်သည့် ကျွဲ၊ နွားများကိုပင် ရောင်းချ၍ ပေးလိုက်ရကြောင်း ဒေသခံများက RB News သို့ပြောသည်။ ငွေကြေး လုံးဝ မတတ်နိုင်သည့် ဆင်းရဲသားများကို ၎င်းက ငွေထုတ်ချေး ပြီး ငွေတစ် သိန်း အတွက် စပါးတင်း ၁၀၀ အတိုးယူလျက် ရှိသည်ဟု ဆိုသည်။ ၎င်းက ငွေချေးသူများကို ၁၀၀ ကျပ်တန် တံဆိပ်ခေါင်း ကပ်ထားသည့် စာချုပ် အလွတ်တွင် လက်ဗွေနှိပ် ခိုင်းသည်ဟု ဆိုသည်။ မည်သည့်စာမှ မရေးထားသည့် စာချုပ်တွင် လက်ဗွေနှိပ်ခိုင်းသည့် အတွက် ငွေကြေး မတတ်နိုင်၍ လက်ဗွေနှိပ်ပေးခံရ သူများက အလွန်စိုးရိမ်လျက် ရှိကြသည်။

(၁) ၀ါရကျွန်း ကျေးရွာအုပ်စု၊ ခြင်းချောင်း ကျေးရွာမှ ငါးရောင်း၍ အသက်မွေးဝမ်းကျောင်း ပြုသူ ဦးမာမတ်၏ သားနှင့် ကျောက်ရိုင်း ကျေးရွာအုပ်စု တိကုပ်ရွာနေ ဦးအလီအာမတ်၏ သမီးတို့ လူငယ် သဘာဝ ချစ် ကြိုက်နေသည်ကို တရားမ၀င် ပေါင်းသင်းနေသည်ဟု လုပ်ကြံ၍ ယောက်ျားလေး ဘက်မှ ငွေကျပ် ၄ သိန်းနှင့် မိန်းကလေးဘက်မှ ငွေကျပ် ၄ သိန်း -- စုစုပေါင်း ငွေကျပ် ၈ သိန်း ညှစ်ယူ

(၂) ၀ါးရကျွန်း ကျေးရွာအုပ်စု၊ ခြင်းချောင်းရွာမှ ဦးဂူရာဖူတူနာ၏ သမီးနှင့် မော်လ၀ီအဒူရော်ဟိမ်း၏ သားဖြစ်သူ ၉ တန်း ကျောင်းသားတို့ ချစ်ကြိုက်နေသည်ဟု အမှုဖန်တီး၍ နှစ်ဖက်သော မိဘများကို အမျိုး မျိုး ပြောဆိုကာ မိန်းကလေး ဖြစ်သူ၏ ဖခင်ထံမှ ငွေကျပ် ၅ သိန်း ညှစ်ယူခဲ့သည်။ ထို့အပြင် ထပ်မံ ၍ ငွေ ကျပ် ၃ သိန်း တောင်းခံနေသဖြင့် မိန်းကလေး၏ ဖခင် ဖြစ်သူ ဦးဂူရာဖူတူနာမှ တိမ်းရှောင်နေရ သည်ဟု ဆိုသည်။

(၃) ၀ါးရကျွန်း ကျေးရွာအုပ်စု၊ ခြင်းချောင်းရွာမှ လမ်းဘေးတွင် ဈေးရောင်းသည့် ဦးအဒူလ္လာ (ခ) ဦးအာဇော လာ (ဘ) ဦးနူရာမတ်ကို ဦးအဒူဆော်လာမ် (ပီချေ) က ၎င်း၏ ငါးကန်မှ ငါးခိုးသည်ဟု လုပ်ကြံ စွပ်စွဲ၍ စခန်းမှူးထံ တိုင်ကြားမည်ဟု ခြိမ်းခြောက်၍ ဧပြီလ (၁၀) ရက်နေ့ ညနေ (၅) နာရီ အချိန်က ငွေကျပ် ၃ သိန်း ညှစ်ယူခဲ့သည်။

ဦးအဒူဆော်လာမ် (ပီချေ) ၏ ၀ါးရကျွန်း ကျေးရွာသို့ ခရီးစဉ် တစ်ခေါက်တွင် ဒေသခံ ရွာသားများကို မတရား သဖြင့် အမှုများဆင်ကာ ငွေကျပ် ၂၂ သိန်း နီးပါး ညှစ်ယူသွားခဲ့သည်ဟု ဒေသခံများက RB News သို့ပြော သည်။ ၀ါးရကျွန်း ကျေးရွာအုပ်စု အုပ်ချုပ်ရေးမှူးသည် အမြဲတစေ သောက်စား မူးယစ်နေသူ တစ် ဦး ဖြစ်သောကြောင့် ဦးအဒူဆော်လာမ် (ပီချေ) သည် မြို့ပေါ်မှ ရွာထဲသို့လာ၍ ယခုကဲ့သို့ ဗိုလ်ကျ စိုး မိုးနိုင်ခြင်း ဖြစ်သည်ဟု ဒေသခံများက ဆိုသည်။

မအေးအေးမာ

ဗွီအိုအေမြန်မာပိုင်း

19.4.2015

MYARF
RB News
18.4.2015

မောင်တော ။ ။ ရခိုင်ပြည်နယ်၊ မောင်တော မြို့နယ် တောင်ပိုင်း သင်္ဘောကွဲ ကျေးရွာတွင် နယ်ခြားစောင့် ရဲကင်းစခန်း ဆောက်လုပ်ရန် ဒေသခံ တစ်ဦး၏ မြေနေရာကို သိမ်းဆည်း ပြီးနောက် လျော်ကြေး ပေးမည်ဟု ပြောဆို ခဲ့သော်လည်း လျော်ကြေး မပေးခဲ့ကြောင်း သတင်း ရရှိပါသည်။

မတ်လ (၁၅) ရက်နေ့က မောင်တောမြို့နယ် တောင်ပိုင်း သင်္ဘောကွဲ ကျေးရွာရှိ နယ်ခြားစောင့် ရဲတပ်ဖွဲ့ ကင်းစခန်းတွင် နယ်ခြားစောင့်ရဲများ အချင်းချင်း သေနတ် ပစ်ခတ်၍ နယ်ခြားစောင့်ရဲ (၃) ဦး သေဆုံးခဲ့ရပြီးနောက် ၎င်းရဲကင်းစခန်းကို အခြားနေရာသစ် တစ်ခုသို့ ပြောင်းရွှေ့၍ ဆောက်လုပ်ခဲ့သည်။ စခန်းသစ် ဆောက်လုပ်သည့် နေရာမှ သင်္ဘောကွဲ ကျေးရွာမှ ဦးအဒူလော်တီ (ဘ) ဦးနိုရာ ပိုင်ဆိုင်သော စားကျက်မြေ ဖြစ်သည်။

စခန်း ဆောက်လုပ်စဉ် အင်းဒင် ကျေးရွာ အခြေစိုက် နယ်ခြားစောင့် ရဲတပ်ဖွဲ့မှ ရဲမှူးက မြေပိုင်ရှင် ဖြစ်သူ ဦးအဒူလော်တီကို ကာလ ပေါက်ဈေး အတိုင်း လျော်ကြေး ပေးသွားမည်ဟု ပြောဆိုခဲ့သည်။ ယခုအခါ စခန်း ဆောက်လုပ် ပြီးစီးသွားသော်လည်း မြေပိုင်ရှင် ဖြစ်သူ ဦးအဒူလော်တီကို လျော်ကြေးငွေ တစ်ကျပ် တစ်ပြားမှ မပေးကြောင်း ဒေသခံ တစ်ဦးက RB News သို့ပြောသည်။

RFA မြန်မာပိုင်း

16.4.2015

ရခိုင်ပြည်နယ် မောင်တောမြို့မှာ သင်္ကြန် ရေပက်ခံ ထွက်တဲ့ မြို့ခံ လူငယ်တွေနဲ့ နယ်ခြားစောင့် ရဲတပ်ဖွဲ့တို့ အကြား ရိုက်နှက်မှုတွေ ဖြစ်ပွားခဲ့မှုနဲ့ ပတ်သက်လို့ နယ်ခြားစောင့်ရဲ ၂၁ ဦးကို ဖမ်းဆီးထားပြီး  တရားစွဲဆိုဖို့ ပြင်ဆင် နေပါတယ်။

ဒီဖြစ်စဉ်နဲ့ ပတ်သက်လို့ ရခိုင်ပြည်နယ် လုံခြုံရေးနဲ့ နယ်စပ် ရေးရာ ဝန်ကြီး ဗိုလ်မှူးကြီး ထိန်လင်း ကိုယ်တိုင် မောင်တော မြို့ကို သွားရောက် စစ်ဆေး ခဲ့ကြောင်း ရခိုင်ပြည်နယ် အရေးပေါ် ညှိနှိုင်း ပေါင်းစပ်ရေး အဖွဲ့က ဦးသန်းထွန်းက ပြော ပါတယ်။

"မနေ့က ရခိုင်ပြည်နယ် အစိုးရ အဖွဲ့က လုံခြုံရေး ဝန်ကြီး ဗိုလ်မှူးကြီး ထိန်လင်း ဦးဆောင်ပြီးတော့ မောင်တောမြို့ ကိုသွားပါတယ်၊ အဲဒီ့ နယ်ခြားစောင့် ရဲတပ်ဖွဲ့ဝင် ၂၁ ဦးကို ဖမ်းချုပ် ထားတယ်၊ ပြည်သူ လူထုရဲ့ ထွက်ဆိုချက် အရ သူတို့ကို တရား စွဲဆို သွားမယ်၊ မောင်တောမှာ မော်တော်ကား မှန်တစ်စင်းကို ရိုက်ခွဲ သွားတယ်၊ နောက်အိမ်တွေ ကိုလည်း ဒုတ်တွေနဲ့ ရိုက်တဲ့ ကိစ္စတွေ အတွက် အဲဒီ့ ၂၁ ရောက်အဖွဲ့က တောင်းပန် ပေးရမယ်"
ပြီးခဲ့တဲ့ ဧပြီလ ၁၄ ရက်နေ့က မောင်တောမြို့ခံ လူငယ် ၃၀ ကျော်တို့ ဘူးသီးတောင်မြို့ကို ကားနှစ်စီးနဲ့ ရေပက်ခံ ထွက်ပြီး ညနေပိုင်း မောင်တောမြို့ကိုအပြန်မှာ စကားများ ရန်ဖြစ်ရာက ရုန်းရင်း ဆန်ခတ် ဖြစ်ပွားခဲ့တာပါ။

နယ်ခြားစောင့် ရဲတပ်ဖွဲ့ဝင် တွေဟာ အဲဒီနေ့ ည ၈ နာရီလောက်မှာ မောင်တောမြို့ အထိ လာရောက်ပြီး အမှတ် (၃) ညောင်ပင်လှ ရပ်ကွက်မှာ ကားပေါ်က လူငယ်တွေကို နံပါတ်တုတ်တွေ၊ သေနတ်ဒင် တွေနဲ့ ရိုက်နှက် ခဲ့တာကြောင့် လူငယ် ၅ ယောက်ထက် မနည်း ပွန်းပဲ့ ဒဏ်ရာတွေ ရရှိခဲ့ပြီး မြို့ခံတွေကိုလည်း ရိုင်းပြ စော်ကားခဲ့ကြောင်း သိရပါတယ်။

မနက်ဖြန် နှစ်ဆန်း တစ်ရက်နေ့ မှာတော့ မောင်တော မြို့နယ်လုံး ဆိုင်ရာ သက်ကြီး ပူဇော်ပွဲ အခမ်းအနား မှာ မောင်တောမြို့ နယ်ခြားစောင့် ရဲတပ်ဖွဲ့မှူး ဦးတင်ကိုကို ကိုယ်တိုင် မောင်တောမြို့ခံ လူထုကို တောင်းပန်မယ်လို့ လည်း သိရပါတယ်။

15.4.2015

မြန်မာနိုင်ငံ တဝှမ်း နှစ်သစ်ကူး ကာလမှာ ငြိမ်းချမ်း ပျော်ရွှင်စွာနဲ့ သင်္ကြန် ပွဲတော် ဆင်နွှဲနေချိန်မှာ နိုင်ငံ အနောက်ဘက် နယ်စပ် မောင်တောမြို့မှာတော့ နယ်ခြားစောင့် ရဲတပ်ဖွဲ့ဝင်တွေနဲ့ ဒေသခံ ရခိုင်လူငယ်တွေ အကြား ခိုက်ရန် ဖြစ်ပွားရာကနေ လူစုလူဝေး ဖြစ်လာတဲ့ အတွက် တပ်ကနေ ဝင်ရောက် ထိန်းသိမ်း ခဲ့ရတဲ့ အခြေအနေ အထိ ရောက်ခဲ့ပါတယ်။

အင်္ဂါနေ့ ညနေက ဘူးသီးတောင်မြို့ကနေ သင်္ကြန် ရေကစားပြီး မောင်တောမြို့ကို ကားနဲ့ ပြန်လာတဲ့ ဒေသခံ လူငယ်တွေနဲ့ နယ်ခြားစောင့်တပ်ဖွဲ့တို့ အကြား ရိုက်နှက်မှု ဖြစ်ရာကနေ လူစု လူဝေး ဖြစ်ပွားခဲ့တဲ့ အထိ ပြသနာ ကြီးကျယ်ခဲ့ရပါတယ်။

မောင်တော အဝင် သုံးမိုင်ဂိတ်မှာ မိန်းခလေးတွေကို ရေပက် ကစားရာကနေ ကိုယ်ထိ လက်ရောက် စော်ကားမှုတွေရှိလာတာကို ဟန့်တားခဲ့တဲ့ ရခိုင် လူငယ်တွေကို နယ်ခြားစောင့် တပ်ဖွဲ့ဝင်တွေက ရိုက်နှက်ခဲ့ကြောင်းနဲ့ အဲဒီ့နောက်မှာ မောင်တော မြို့ထဲကို နောက်ထပ် တပ်ဖွဲ့ဝင် လေးဆယ်ခန့်က ကားသုံးစီးနဲ့ ချက်ချင်း ဝင်ရောက်လာပြီး ကားတွေကို ရိုက်ခွဲခဲ့သလို မဆိုင်သူတွေကို ရိုက်နှက်ခဲ့တယ်လို့ အဲဒီ ပဋိပက္ခမှာ ကိုယ်တိုင် ပါဝင်ခဲ့တဲ့ ဒေသခံ လူငယ် တစ်ဦးက ဘီဘီစီကို ပြန်ပြောပြပါတယ်။

ဒီကိစ္စနဲ့ ပတ်သက်လို့ အတည်ပြုချက် ရယူဖို့ ခရိုင် အုပ်ချုပ်ရေးမှူး၊ မြို့နယ် အုပ်ချုပ်ရေးမှူးနဲ့ နယ်ခြားစောင့် တပ်ဖွဲ့ တာဝန်ရှိသူတွေကိုပါ ဖုန်းဆက်မေးဖို့ ဘီဘီစီက ကြိုးစားခဲ့ပေမယ့် ပြန်လည် ဖုန်းဖြေကြားတာမျိုး မရှိခဲ့ပါဘူး။

မြို့နယ် ရဲစခန်းကို ဆက်သွယ် မေးမြန်းခဲ့တဲ့အခါမှာလည်း ဖုန်းကိုင်သူ ရဲက ဒီကိစ္စကို သူတို့ ဘာမှ မသိဘူးလို့ ပြန်ဖြေခဲ့ပါတယ်။

အဲဒီလို ပဋိပက္ခတွေ ဖြစ်ခဲ့အပြီး မောင်တောမြို့တွင်းမှာ လူ နှစ်ရာလောက် လူစုလူဝေးနဲ့ စုရုံး ရောက်ရှိလာခဲ့ပါတယ်။

အဲဒီနောက်မှာ ဒေသအခြေစိုက် ဗျူဟာမှူး ကိုယ်တိုင် ည ၁၀ နာရီကျော်လောက်မှာ အင်အား ၂၀ ခန့်နဲ့ မောင်တောမြို့ထဲကို ရောက်ရှိလာပြီး အခြေအနေကို ထိန်းသိမ်းခဲ့ရပါတယ်။

မောင်တောမြို့မှာ နေထိုင်နေကြတဲ့ ရခိုင် တိုင်းရင်းသားတွေဟာ လူနည်းစု ဖြစ်ပြီး ခုလို ပြဿနာတွေ ပေါ်ပေါက်ခဲ့တဲ့ အတွက် စိုးရိမ်မှုတွေလည်း တိုးပွားနေတယ်လို့ သိရပါတယ်။

MYARF
RB News
13.4.2015

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် အုပ်ချုပ်ရေးမှူး ရုံးမှ ၀န်ထမ်းများ၊ ဘုရားအောင်ပ ကျေးရွာ အုပ်ချုပ်ရေးမှူး တို့ပူးပေါင်း၍ ဒေသခံ တစ်ဦး ထံမှ ငွေညှစ်ခဲ့ပြီး၊ တပ်မတော် သားများ ဈေးရောင်း၍ ပြန်လာသည့် သားအဖ နှစ်ဦးထံမှ လုယက်ခဲ့ကြောင်း သတင်း ရရှိပါသည်။

ဘူးသီးတောင် မြို့နယ် အုပ်ချုပ်ရေးမှူး ရုံးမှ ဒု-ဦးစီးမှူး၊ စာရေး ဦးမောင်မြဇံနှင့် ဘုရားပြင် အောင်ပ ကျေးရွာ အုပ်ချုပ်ရေးမှူး ဦးမောင်ချမ်းသာ တို့သည် ဧပြီလ (၁၁) ရက်နေ့ နေ့လည် ၁၂ နာရီ အချိန်တွင် ဘုရားပြင် အောင်ပ ကျေးရွာမှ ဦးဒိလ်မာမတ် (ဘ) ဦးဇော်ဘောရ်မျာ၏ နေအိမ်သို့ သွားရောက်ပြီး ခွင့်ပြုချက် မရဘဲ အိမ်ခြံဝင်း အတွင်းမှ သစ်ပင်တစ်ပင် ခုတ်ခဲ့သည်ဟု ဆိုကာ အိမ်ထောင်စု စာရင်း သိမ်းယူသည့် အပြင် ဦးဒိလ်မာမတ်ကိုလည်း အုပ်ချုပ်ရေးမှူး ဦးမောင်ချမ်းသာ၏ နေအိမ်သို့ ခေါ်ဆောင်သွားပြီး ကြိုးဖြင့် ချည်နှောင် ထားခဲ့သည်။ ထို့နောက် ၎င်းတို့ သုံးဦးက မိမိ အိမ်ခြံဝင်း ဖြစ်သော်လည်း မပိုင်ဆိုင်ကြောင်း၊ ဘင်္ဂလီများမှာ မည်သည့် ပစ္စည်းမှ ပိုင်ဆိုင်ခြင်း မရှိကြောင်း၊ တိုင်းရင်းသား များသာ ပိုင်ဆိုင်ကြောင်း စော်ကား ပြောဆိုပြီး ငွေကျပ် ငါးသိန်း တောင်းခဲ့ကြသည်။ နောက်ဆုံးတွင် ဦးဒိလ်မာမတ် ထံမှ ငွေကျပ် တစ်သိန်း ညှစ်ယူ၍ ပြန်လည် လွှတ်ပေးခဲ့ကြောင်း ဒေသခံ တစ်ဦးက RB News သို့ပြောသည်။

ဧပြီလ (၁၁) ရက်နေ့တွင်ပင် ဘုရားပြင် အောင်ပ ကျေးရွာမှ ဦးအဒူဇော်လိလ် (ဘ) ဦးအဒူဆော်လာမ်က ၎င်း၏ အိမ်မှာ ဟောင်းနွမ်း၍ ပျက်စီး နေသဖြင့် အိမ်ပြန်လည် မွမ်းမံရန် မြို့နယ် အုပ်ချုပ်ရေးမှူး ရုံးသို့ သွားရောက်၍ ခွင့်ပြုချက် တောင်းခံရာ မြို့နယ် အုပ်ချုပ်ရေးမှူးရုံးမှ ဦးစီးမှူးက ငွေကျပ် တစ်သိန်း ငါးသောင်း တောင်းခဲ့သည်။ သို့သော်လည်း ဦးအဒူဇော်လိလ်က ဦးစီးမှူး တောင်းခံသည့် ငွေကို မပေးနိုင်သဖြင့် ခွင့်ပြုချက် မရခဲ့ကြောင်း အဆိုပါ ဒေသခံက ပြောပါသည်။

ဘူးသီးတောင် မြို့နယ် တောင်ပိုင်း၊ ဖရုံချောင်း ကျေးရွာမှ ဦးကာမာလ် (ဘ) ဦးအီဆုဖ် (အသက် ၄၂ နှစ်) နှင့် ၎င်း၏ သားဖြစ်သူ တို့သည် ဘူးသီးတောင် မြို့နယ်မှ အ၀တ်အထည်များ ၀ယ်ယူပြီးနောက် ကျေးရွာ အုပ်ချုပ်ရေးမှူး ထံမှ ရွာထွက် လက်မှတ် ရယူပြီး ရွာများအတွင်းသို့ လည်ပတ်၍ ရောင်းကာ အသက်မွေးဝမ်းကျောင်း ပြုကြသည်။ ဧပြီလ (၁၂) ရက်နေ့တွင် ၎င်းတို့ သားအဖ နှစ်ဦးသည် ဖရုံချောင်း တောင်ကြားလမ်းမှ တဆင့် မောင်တောမြို့နယ် တောင်ပိုင်း ဥဒေါင်း ကျေးရွာသို့ သွားရောက်၍ ဈေးရောင်းပြီး အိမ်ပြန်နေစဉ် နံနက် ၁၁ နာရီခန့် အချိန်တွင် တောင်ထိပ်သို့ ရောက်သောအခါ တပ်မတော်သားများက ဖမ်းဆီးပြီး ဈေးရောင်း၍ ရငွေ ကျပ် တစ်သိန်း နှစ်သောင်း၊ ငါးသောင်းတန် လက်ပတ်နာရီ တစ်လုံး၊ သုံးသောင်းတန် Giffini အင်္ကျီတစ်ထည်၊ ရှစ်ထောင်တန် ရွှေရွက်ဝါ လုံချည် ၃ ထည် တို့ကို လုယက်ပြီး ၎င်းတို့ သားအဖ နှစ်ဦးတို့ကို ပြန်လည် လွှတ်ပေးခဲ့ကြောင်း ဒေသခံ တစ်ဦးက RB News သို့ပြောသည်။

13.4.2015

ဘင်္ဂလားဒေ့ရ်ှနဲ့ မြန်မာ နှစ်နိုင်ငံ ဆက်ဆံရေး ပိုမို တိုးတက် ကောင်းမွန် လာရေးအတွက် အခင်း အကျင်း သစ်တွေ စတင်ဖို့ ဘင်္ဂလားဒေ့ရှ် အစိုးရက ကမ်းလှမ်း လိုက်ပါတယ်။

မြန်မာနိုင်ငံဟာ ဘင်္ဂလားဒေ့ရှ် အတွက် အာဆီယံ နိုင်ငံတွေနဲ့ ဆက်စပ်ဖို့ အဓိကကျတဲ့ ပေါင်းကူးနေရာမှာ ရှိနေပေမဲ့ ဘင်္ဂလားဒေ့ရ်ှနဲ့ ထိတွေ့မှု အနည်းဆုံး ဖြစ်နေကြောင်း၊ ဒါပေမဲ့ နှစ်နိုင်ငံရဲ့လတ်တလော နဲ့ ရှေ့အနာဂတ် ထိတွေ့ ဆက်ဆံမှု တွေဟာ အရှိန်အဟုန် မြင့်မား လာလိမ့်မယ်လို့ ယုံကြည်ကြောင်း ဘင်္ဂလားဒေ့ရှ် နိုင်ငံခြားရေး ၀န်ကြီး မာမွတ်အလီက ဒါကာမြို့မှာကျင်းပတဲ့ ဘင်္ဂလားဒေ့ရှ်၊ အိန္ဒိယ၊ မြန်မာ သုံးနိုင်ငံ ဆွေးနွေးပွဲမှာ ပြောကြား ခဲ့ပါတယ်။

ဘင်္ဂလားဒေ့ရှ် အနေနဲ့ အသင့်ချုပ်ပြီး အဝတ်အထည် ၊ ဆေးဝါး၊ သားရေထည်ပစ္စည်း၊ ဘိလပ်မြေ၊ ဂုန်လျှော်၊ စိုက်ပျိုးရေး ပစ္စည်းတွေကို မြန်မာနိုင်ငံဘက် တင်ပို့နိုင်ကြောင်း၊ အလားတူ မြန်မာနိုင်ငံဘက်က စိုက်ပျိုးရေး ထွက်ကုန်တွေနဲ့ သဘာဝ သယံဇာတ တွေကိုလည်း ဘင်္ဂလားဒေ့ရ်ှကို တင်ပို့နိုင်ကြောင်း၊ အခု အခါ မြန်မာနိုင်ငံက နိုင်ငံခြား ရင်းနှီး မြှုပ်နှံမှုတွေ ဖွင့်ပေးနေတဲ့ အတွက် ဘင်္ဂလားဒေ့ရှ် အနေနဲ့ကလည်း သင့်တော်တဲ့ ကဏ္ဍမှာ လာရောက် မြှုပ်နှံလိုကြောင်း၊ စွမ်းအင် ကဏ္ဍမှာလည်း အကျိုးတူ ပူးပေါင်း ဆောင်ရွက်လိုကြောင်း ဘင်္ဂလားဒေ့ရှ် နိုင်ငံခြားရေး ဝန်ကြီးက ပြောကြားခဲ့ပါတယ်။

ပြီးခဲ့တဲ့ ဖေဖေဝါရီလက ဘင်္ဂလားဒေ့ရ်ှဝန်ကြီးချုပ်ရဲ့ စွမ်းအင်အကြံပေးအဖွဲ့ဟာ မြန်မာနိုင်ငံကို လာရောက်ခဲ့ပါတယ်။

အဲ့ဒီ သုံးနိုင်ငံဆွေးနွေးပွဲမှာ မြန်မာအရပ်ဘက်အဖွဲ့အစည်းတစ်ခုဖြစ်တဲ့ တမ္ပဒီပအဖွဲ့ ညွှန်ကြားရေးမှူး ဒေါက်တာ ခင်ဇော်ဝင်းက ဘင်္ဂလားဒေ့ရ်ှမှာရှိနေတဲ့ ရိုဟင်ဂျာ ခေါ် မွတ်စလင်တွေရဲ့ နိုင်ငံသားဖြစ်မှုနဲ့ ပတ်သက်ပြီး မြန်မာ့ လူ့ဘောင်မှာ နှစ်ပိုင်းကွဲနေရာမှာ တချို့က အလယ်အလတ် အမြင်ရှိပြီး၊ တချို့ကတော့ ပြင်းထန်တဲ့ သဘောထား ရှိကြတယ်လို့ ပြောဆိုကြောင်း bdnews24 ဘင်္ဂလားဒေ့ရှ် သတင်းဌာနက ဖေါ်ပြပါတယ်။

MYARF
RB News
11.4.2015

မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်း လောင်းဒုံ ကျေးရွာ အခြေစိုက် နယ်ခြားစောင့် ရဲတပ်ဖွဲ့ တပ်ကြပ် တစ်ဦးနှင့် ရခိုင်ရွာသား တစ်ဦး တို့ပူးပေါင်း၍ အပြစ်မဲ့ ဒေသခံ ရိုဟင်ဂျာ တစ်ဦးကို ဖမ်းဆီး ရိုက်နှက်ပြီး ငွေကျပ် ၃ သိန်း ညှစ်ယူခဲ့ကြောင်း သတင်း ရရှိပါသည်။

မောင်တော မြို့နယ် မြောက်ပိုင်း လောင်းဒုံ ကျေးရွာ အခြေစိုက် နယ်ခြားစောင့် ရဲတပ်ဖွဲ့ ကင်းစခန်းမှ တပ်ကြပ် တစ်ဦးသည် ၎င်းကျေးရွာအုပ်စု စေတီပြင် ရခိုင်ရွာမှ ဇေယျာအောင် (ဘ) ဦးအောင်မြင့်နှင့် ပူးပေါင်း၍ ဧပြီလ (၉) ရက်နေ့ ည ၇ နာရီ အချိန်တွင် လောင်းဒုံ ကျေးရွာအုပ်စု စေတီပြင်ရွာမှ ဦးဇာဖော်ရ်အာလောမ် (ဘ) ဦးမာမတ်ဟူစိန်းကို လမ်းသွားနေစဉ် အကြောင်းမဲ့ ဖမ်းဆီး၍ ကင်းစခန်းသို့ ခေါ်ဆောင်သွားပြီး ချုပ်နှောင် ထားခဲ့သည်။ ထို့နောက် ၎င်းအား ၂၀၁၂ ခုနှစ် ဇွန်လ အရေးအခင်းတွင် ပါဝင်ခဲ့သည်ဟု လုပ်ကြံ စွပ်စွဲကာ ညလုံးပေါက် လူမဆန်စွာ ရိုက်နှက်ခဲ့သည်။

၎င်းကို ရိုက်နှက် နေစဉ် နယ်ခြားစောင့် ရဲတစ်ဦးက “ငါတို့ တပ်ထဲဝင်တာ လစာရဖို့ အတွက် မဟုတ်ဘူး။ မင်းတို့ ကုလားတွေကို ဒီနိုင်ငံထဲက မောင်းထုတ်ဖို့သာ ဖြစ်တယ်” ဟု ပြောဆိုခဲ့ကြောင်း သိရသည်။ ဧပြီလ (၁၁) ရက်နေ့ နံနက် (၄) နာရီ အချိန်တွင် ၎င်းထံမှ ငွေကျပ် ၃ သိန်း ညှစ်ယူ၍ ပြန်လည် လွှတ်ပေးခဲ့ကြောင်း ဒေသခံ တစ်ဦးက RB News သို့ပြောသည်။

နယ်ခြားစောင့် ရဲများ၏ လူမဆန်စွာ ရိုက်နှက်မှုကြောင့် ဦးဇာဖောရ်အာလောမ်၏ မျက်နှာနှင့် ဦးခေါင်းတို့တွင် ပြင်းထန်စွာ ဒဏ်ရာ ရရှိခဲ့ပြီး၊ လည်ပင်းလည်း လှုပ်မရဖြစ်နေသည့် အပြင် စကားပင် ကောင်းမွန်စွာ မပြောနိုင်တော့ကြောင်း အဆိုပါ ဒေသခံက ပြောပါသည်။

ဇေယျာအောင် ဆိုသည့် ရခိုင်ရွာသားသည် လောင်းဒုံ ကျေးရွာ နယ်ခြားစောင့် ရဲကင်းစခန်းတွင် နယ်ခြားစောင့် ရဲများနှင့် အမြဲအတူ နေထိုင်ပြီး နယ်ခြားစောင့် ရဲများနှင့် ပူးပေါင်း၍ ဒေသခံ ရိုဟင်ဂျာများကို မတရား ညှဉ်းပန်း နှိပ်စက်မှုများတွင် အမြဲ ပါဝင်နေသူ တစ်ဦး ဖြစ်သည်ဟု ဆိုသည်။

MYARF
RB News
11.4.2015

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် ညောင်ချောင်း ကျေးရွာ အခြေစိုက် နယ်ခြားစောင့် ရဲတပ်ဖွဲ့နှင့် စ.ရ.ဖ တို့က အပြစ်မဲ့ ဒေသခံများ ထံမှ အကြောင်းမဲ့ ငွေညှစ်ခဲ့ကြောင်း သတင်း ရရှိပါသည်။

ဧပြီလ (၁၀) ရက်နေ့ ည ၁၂း၃၀ နာရီ အချိန်တွင် ဘူးသီးတောင် မြို့နယ်၊ ညောင်ချောင်း ကျေးရွာ အခြေစိုက် နယ်ခြားစောင့် ရဲတပ်ဖွဲ့မှ ရဲအုပ်အပါဝင် နယ်ခြားစောင့်ရဲ (၇) ဦးတို့သည် ၎င်းကျေးရွာအုပ်စု၊ ရွှေထား ကျေးရွာသို့ သွားရောက်ပြီး နံနက် ၁ နာရီထိ ကင်းလှည့်၍ အပြစ်မဲ့ ဒေသခံများကို ဖမ်းဆီးရန် ကြိုးစားသော်လည်း တစ်ဦးကိုမှ ဖမ်းဆီး မရနိုင်ခဲ့ပေ။ ထို့နောက် နံနက် ၁း၃၀ နာရီခန့် အချိန်တွင် အဆိုပါ နယ်ခြားစောင့်ရဲ များသည် ဒုအိုးသည်မ ကျေးရွာသို့ သွားရောက်ပြီး ဦးဟိုက်ရုလ်အာမီးန် (ဘ) ဦးဇာဖောရ် (အသက် ၃၀ နှစ်) ၏ နေအိမ်သို့ ၀င်ရောက်၍ ဦးဟိုက်ရုလ်အာမီးန်ကို အကြောင်းမဲ့ ဖမ်းဆီး ခေါ်ဆောင် သွားပြီး လူမဆန်စွာ ရိုက်နှက်ကာ ငွေကျပ် တစ်သိန်း ညှစ်ယူခဲ့ကြောင်း ဒေသခံ တစ်ဦးက RB News သို့ပြောသည်။

ဧပြီလ (၁၀) ရက်နေ့ ညနေ ၄ နာရီ အချိန်တွင် ဘူးသီးတောင် မြို့နယ် ညောင်ချောင်း ကျေးရွာတွင် တာဝန်ကျ နေသည့် စ.ရ.ဖ တပ်ဆွယ်မှူး ဇော်ဇော်နိုင်သည် ဘုရားပြင်အောင်ပ ကျေးရွာအုပ်စု၊ ရပ်ကွက် (၈) မှ ရာအိမ်မှူး ဦးရှာကဲရ် (ဘ) ဦးမူဇဲရ် (အသက် ၄၀ နှစ်) နှင့် ပူးပေါင်း၍ ဘုရားပြင်အောင်ပ ကျေးရွာအုပ်စု၊ ရပ်ကွက် (၈) မှ ဦးအဒူရော်မန် (ဘ) ဦးဟာဘီ (အသက် ၃၀ နှစ်) ကို ဖမ်းဆီးပြီး တစ်ဖက်နိုင်ငံသို့ တရားမ၀င် သွားရောက်ခဲ့သည်ဟု လုပ်ကြံ စွပ်စွဲကာ ငွေကျပ် တစ်သိန်း ညှစ်ယူခဲ့ကြောင်း ဒေသခံ တစ်ဦးက ပြောပါသည်။ ဦးအဒူရော်မန်သည် တစ်ဖက်နိုင်ငံသို့ သွားရောက်ခဲ့ခြင်း မရှိဘဲ မောင်တောမြို့သို့သာ သွားရောက်၍ အလုပ်လုပ်ခဲ့ခြင်း ဖြစ်သည်ဟု သိရသည်။

သိဂီထိုက်

ဗွီအိုအေမြန်မာပိုင်း

11.4.2015

မနေ့တုန်းက ကျင်းပခဲ့တဲ့ ထိပ်သီး ခေါင်းဆောင် ၆ ဦးရဲ့ ဆွေးနွေးပွဲ အတွင်း မှာတော့ ဖွဲ့စည်းပုံပါ အချက်အလက် အချို့ ပြင်ဆင်ရေး ကိစ္စရပ်တွေကို ဆွေးနွေးနိုင် ခဲ့ကြတာမို့ နောက်တကြိမ် လုပ်မယ့် ဆွေးနွေးပွဲဟာ ပိုပြီး အရေးကြီး လိမ့်မယ်လို့ ဆွေးနွေးပွဲ တက်ရောက်သူ တဦးဖြစ်တဲ့ တိုင်းရင်းသား ကိုယ်စားလှယ် ဒေါက်တာ အေးမောင်က ဗွီအိုအေကို ပြောပါတယ်။ မသိဂီထိုက်က တင်ပြ ပေးထားပါတယ်။

လက်ရှိ ပဋိပက္ခတွေ လျှော့ချဖို့နဲ့ ရွေးကောက်ပွဲ အောင်မြင်ဖို့ နိုင်ငံရေး တည်ငြိမ်မှု ရဖို့ ဆွေးနွေးကြရင်း၊ ဖွဲ့စည်းပုံပါ အချက်အလက် အချို့ ပြင်ဆင်ဖို့ လိုအပ်ချက်တွေ ရှိ်တယ် ဆိုတာကို အပြန်အလှန် ဆွေးနွေး ခဲ့ကြတယ် လို့ ဒေါက်တာအေးမောင် က ပြောပါတယ်။ ပြင်ဆင်ရာမှာ နှစ်ဘက် စလုံးက အလျှော့အတင်း လုပ်သွားဖို့ လိုအပ်ချက် ကိုလည်း ဆွေးနွေး ပြောဆို ခဲ့ကြတယ်လို့ ဆိုပါတယ်။

“တိုင်းရင်းသား အများစု လိုလားတဲ့ ကိုယ်ပိုင် ပြဌာန်းခွင့်နဲ့ အုပ်ချုပ်ခွင့် ဆိုတဲ့ ကဏ္ဍကို ဖွဲ့စည်းပုံက ဘယ်လောက် အထိ ဖြေလျှော့ ပေးနိုင်မလဲ ဆိုတဲ့ ကဏ္ဍကို ကာကွယ်ရေး ဦးစီးချုပ် တို့ဘက်က စဉ်းစားတဲ့ အခါ မှာတော့ဖြင့်- အရေးကြီး အဆိုမှာ ပါခဲ့တဲ့ အတိုင်းပါပဲ၊ ဇယား (၁) က ပြည်ထောင်စုရဲ့ ဥပဒေပြုပိုင်ခွင့် တော်တော်များများကို ဇယား (၂) ကို ပြောင်းပေး။ နောက် Resourcing Sharing လုပ်သင့်သလောက်ကို လုပ်ပေး။ နောက် …တနည်းအားဖြင့် ဇယား (၁) နဲ့ (၅) ကို အခြေခံဥပဒေပုဒ်မ ၄၃၆ (ခ) ပါအတိုင်း referendum မလုပ်ဘဲနဲ့ decentralize လုပ်သင့်သလောက်လုပ်ပြီး အချိန်ကာလကလည်း အင်မတန် တိုတောင်းတာမို့လို့ ဆောင်ရွက်ပေးရုံနဲ့ ကျနော်တို့လိုလားတဲ့ ဖွဲ့စည်းပုံကြီးတခုဟာ အကျိုးရှိရှိနဲ့ အားလုံးအတွက် အဆင်ပြေနိုင်တယ်ဆိုတဲ့ သဘောမျိုးနဲ့ ချဉ်းကပ်တဲ့အခါမှာ ကျနော်တို့အားလုံးကတော့ ထပ်မံဆွေးနွေးပြီးမှ ၄၃၆ (က) ပါ အချို့ပုဒ်မများကိုလည်း အသေးစိတ်နီးပါးလောက် သူ့ဘက် ကိုယ့်ဘက် ပြောင်းလဲဖို့ ညှိနှိုင်းပြီးမှ ကိုယ်တောင်းချင်တာ- ကိုယ်ပြောင်းချင်ပေမယ့်လို့ ပြောင်းသင့်မှပြောင်း၊ ကိုယ်မပြောင်းချင်ပေမယ့်လည်း ပြောင်းသင့်ရင်ပြောင်း စသဖြင့်ပေါ့- ကိုယ့်ဘက် သူ့ဘက်ကို အလျှော့အတင်းနဲ့ ဆွေးနွေးဖို့လိုအပ်တယ်၊ အထွေထွေသဟဇာတဖြစ်ရေး မူဘောင်တခုအောက်မှာ သွားသင့်တယ်ဆိုတာမျိုးနဲ့ အပြန်ပြန်အလှန်လှန် ဆွေးနွေးကြတာ နှစ်နာရီ မိနစ်နှစ်ဆယ်လောက် ရောက်ပါတယ်။”

တက်ရောက်သူ ခေါင်းဆောင်တွေအကြား ပိုပြီး ရင်းနှီးနွေးထွေးအောင်လို့ ဆွေးနွေးပွဲပုံစံကို ပြောင်းလဲသွားဖို့၊ ဆွေးနွေးပွဲမူဘောင်ချမှတ်ဖို့ ကိစ္စတွေကို ဒေါ်အောင်ဆန်းစုကြည်ဘက်က ဆွေးနွေးခဲ့တယ်လို့လည်း သိရပါတယ်။

“ဒေါ်အောင်ဆန်းစုကြည်အခြမ်းဘက်ကို ရောက်တဲ့အခါမှာ ဆွေးနွေးပွဲ မူဘောင်တခုတော့လိုပါတယ်၊ ဆွေးနွေးပွဲ ပုံသဏ္ဍန်လေးကလည်း အလှမ်းကွာဝေး နေတဲ့အခါမှာ ပိုပြီး ရင်းနှီးချစ်ကြည်ပြီးမှ နွေးထွေးတဲ့ပုံစံလေးဖြစ်အောင် နီးနီးကပ်ကပ် ဆွေးနွေးတဲ့ပုံစံလေး ဖန်တီးပေးပါ၊ အဲဒါမျိုးလေးနဲ့ချဉ်းကပ်မှ ဆွေးနွေးမှုရဲ့ frame-work တခု ပုံစံလေးနဲ့ ဘာပြီးရင်ဘာဆွေးနွေးမယ်၊ ဘာအကြောင်းအရာကို အဓိကထားမယ်-စသဖြင့် ပိုပြီး ထိထိရောက်ရောက် လေးနဲ့ အကွက်စိတ်စိတ်လေး ဆွေးနွေးသွားကြရအောင်ဆိုတဲ့သဘောနဲ့ တင်ပြပါတယ်။”

အခုဆွေးနွေးပွဲဟာ ဦးတည်ချက်ကို ခြုံငုံအောင် ဆွေးနွေးနိုင်ခဲ့ပြီး အကျိုးရှိတဲ့ဆွေးနွေးမှု၊ အောင်မြင်တဲ့ ဆွေးနွေးမှုတရပ်ဖြစ်တယ်လို့လည်း ဒေါက်တာ အေးမောင်က သူ့အမြင်ကို ပြောခဲ့ပါတယ်။

“ကျနော်တို့သုံးသပ်တာက ဒီ ဒုတိယတကြိမ်ဆွေးနွေးပွဲဟာ အင်မတန် အရေးကြီးပါတယ်။ ပထမတကြိမ် ဆွေးနွေးပွဲကနေ ဦးရဲထွဋ်တင်ပြသလိုပါပဲ၊ ယုံကြည်မှုနဲ့ နွေးထွေးမှု ခံစားကြရပါတယ်။ အပြန်အလှန် ပွင့်ပွင့်လင်းလင်း တင်ပြကြတာပါ။”

ဖွဲ့စည်းပုံပြင်ရေးအပါအ၀င် နိုင်ငံရေးပြဿနာရပ်တွေကို ဖြေရှင်းဖို့ သမ္မတ၊ ပြည်ထေင်စုလွှတ်တော်နာယက၊ ကာကွယ်ရေးဦးစီးချုပ်တို့နဲ့ လေးပွင့်ဆိုင် ဆွေးနွေးလိုကြောင်း ဒေါ်အောင်ဆန်းစုကြည်က ကနဦး တင်ပြတောင်းဆိုခဲ့တာပါ။ ပြည်ထောင်စုလွှတ်တော်ကတော့ ၆ ပွင့်ဆိုင် ဆွေးနွေးဖို့ လူထပ်တိုး အဆိုပြုခဲ့ပေမယ့် ဒီမတိုင်ခင်ကတော့ ၄၈ ဦးတဲ့၊ ၄၄ ဦးပါ စတဲ့ နိုင်ငံရေးဆွေးနွေးမှုတွေကိုပဲ အစိုးရဘက်က ပြင်ဆင် လုပ်ခဲ့တာပါ။ အခု ၆ ပွင့်ဆိုင် ဆွေးနွေးမှုအတွင်းမှာလည်း ဒီထက်လူတိုးဖို့ သမ္မတဘက်က အဆိုပြုတာတွေရှိခဲ့ပါတယ်။

“တိုင်းရင်းသားကဏ္ဍနဲ့ပတ်သက်လို့ ညှိနှိုင်းတင်ပြကြတဲ့အခါမှာ ပြည်ထောင်စု လွှတ်တော်နာယကကြီးတို့ဘက်ကတော့ဖြင့် လက်ရှိ (၆) ဦးပါ အခြေအနေဟာ အင်မတန် ကျစ်လျစ်ပြီးမှ ထိရောက်တဲ့ဆွေးနွေးဘက်ဖြစ်ကြောင်းနဲ့ ဒီထက်မက တိုးချဲ့လာရင်လည်းပဲ ဒီကဏ္ဍ၊ ဒီ frame အတွင်းမှာပဲ ဆွေးနွေးမှာဖြစ်တဲ့အကြောင်း၊ သမ္မတကြီးတို့ဘက်က အထူးသဖြင့် တိုင်းရင်းသားကဏ္ဍမှာ ထပ်မံတိုးချဲ့စေချင်တဲ့သဘော ဒေါ်အောင်ဆန်းစုကြည်တို့ဘက်ကလည်း ခြောက်ဦးပဲ ထိရောက်စွာ ဆွေးနွေးနိုင်မယ့်သဘောကို တင်ပြပါတယ်။”

ဖွဲ့စည်းပုံနဲ့ပတ်သက်လို့ ကာကွယ်ရေးဦးစီးချုပ်ရဲ့သဘောထားမှာတော့ မပြင်သင့်တဲ့ ကာလမှာ မပြင်ဘဲ ဆက်သွားသင့်တယ်ဆိုတဲ့ အမြင်ရှိပေမယ့် လိုအပ်ရင် ပြင်ရမယ် ဆိုတာကိုလည်း သဘောပေါက်နားလည်တာ တွေ့ရတယ် လို့ ဒေါက်တာအေးမောင်က ပြောပါတယ်။ ဆွေးနွေးပွဲအသေးစိတ်နဲ့ ပတ်သက်လို့ ခေါင်းဆောင်တွေအကြား အပြန်အလှန် လျှိ့ဝှက်ထားမယ်ဆိုပေမယ့်လည်း ပွင့်လင်းမြင်သာမှုရှိတဲ့ ဆွေးနွေးပွဲဖြစ် ပါတယ်လို့ ဒေါက်တာ အေးမောင်က ပြောခဲ့ပါတယ်။

“ဒေါ်အောင်ဆန်းစုကြည်လည်း တင်ပြပါတယ်။ ‘ဦးအေးမောင်က ၁၂ ပါတီရဲ့ mandate နဲ့ ဒီဆွေးနွေးပွဲကို ပါလာတဲ့ပုဂ္ဂိုလ်ဖြစ်တဲ့အခါမှာ ဒီဆွေးနွေးပွဲရဲ့ ရလဒ် အသေးစိတ်နီးပါးလောက်ကို ၁၂ ပါတီကို ပြန်တင်ပြရမယ့်တာဝန် သူ့မှာရှိတယ်။ အဲဒါကြောင့် ဆွေးနွေးပွဲမှာ တကယ်တန်း ပေါက်ကြားနိုင်တာဟာ ဦးအေးမောင် တစ်ယောက်ပဲ ရှိတယ်။ သို့သော်လည်းပဲ ဦးအေးမောင်ဘက်က ပေါက်ကြားတာဟာ တာဝန်အရ ပေါက်ကြားတာဖြစ်တယ်၊ မပေါက်ကြားပါနဲ့လို့ ပိတ်လို့လည်းမရဘူး။ ဒါမျိုးသူ ဆွေးနွေးပါတယ်။ အဲဒီအခါမှာ ဒိထက်မက လူပုဂ္ဂိုလ်များလာလို့ ရှိရင် ပေါက်ကြားတဲ့လမ်းကြောင်းဟာ ပိုပြီးတော့ရှိမယ်။ ကျမတို့ကတော့ ကျမတို့ပါတီရဲ့ mandate အရ ဆွေးနွေးတာဖြစ်တဲ့အခါမှာ လုံးဝ မပေါက်ကြားဘူး၊ အာမခံရဲတယ်။’ - အဲဒါမျိုး ကျနော်တို့ အမြင်ချင်းဖလှယ်ကြတဲ့အခါမှာ ဒီ ခြောက်ဦးပါ ဆွေးနွေးပွဲရဲ့ ပွင့်ပွင့်လင်းလင်း ပြောရလို့ရှိရင် အခြေအနေအကြောင်းအရပ်ရပ်ကို ပြည်သူသိအောင် ကျနော်တို့ ဆွေးနွေးပွဲကြီးရလဒ်၊ ဆွေးနွေးပွဲကြီး အောင်မြင်နိုင်ခြေ အားလုံးကို ပြန်လှန်သုံးသပ်နိုင်အောင် ကျနော်တို့ဘက်က ပွင့်လင်းမှု ရှိလာပါတယ်။”

ဆွေးနွေးပွဲကိုတော့ သမ္မတ ဦးသိန်းစိန်၊ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်း စုကြည်၊ ပြည်သူ့လွှတ်တော်ဥက္ကဋ္ဌ သူရဦးရွှေမန်း၊ အမျိုးသားလွှတ်တော် ဥက္ကဋ္ဌ ဦးခင်အောင်မြင့်နဲ့ လွှတ်တော်တွင်း တိုင်းရင်းသားပါတီတွေကို ကိုယ်စား ပြုတဲ့ ဒေါက်တာအေးမောင်တို့ ၆ ဦး ဟာ ဧပြီလ (၁၀) ရက်နေ့က နှစ်နာရီကျော်လောက် အပြန်အလှန် ဆွေးနွေးခဲ့ကြတာပါ။ နောက်တကြိမ် ဆွေးနွေးပွဲကိုတော့ သင်္ကြန်အပြီး လွှတ်တော်တွေ ပြန်စမယ့်ကာလမှာ ထပ်လုပ်ဖို့ စီစဉ်ထားကြပါတယ်။

ဗွီအိုအေမြန်မာပိုင်း

10.4.2015

အများ စောင့်မျှော်နေကြတဲ့ ခြောက်ပွင့်ဆိုင် ထိပ်သီး ဆွေးနွေးပွဲ မကြာခင်ကပဲ ပြီးဆုံးသွား ခဲ့ပါတယ်။ နောက်တကြိမ် ဆွေးနွေးပွဲ အတွက် မူဘောင် ချမှတ် ခဲ့ကြတယ်လို့ သိရပါတယ်။ ထိပ်သီး ဆွေးနွေးပွဲ ပြုလုပ်နေရာ နေပြည်တော် သမ္မတ အိမ်တော်ဝင်း အတွင်း ခန်းမမှာ ကိုယ်တိုင် သတင်းရယူနေတဲ့ ဗွီအိုအေ သတင်းထောက် ကိုစည်သူကို ဆွေးနွေးပွဲနဲ့ ပတ်သက်လို့ ကိုသားညွန့်ဦးက ဆက်သွယ် မေးမြန်း ထားပါတယ်။

ကိုသားညွန့်ဦး။ ။ ကိုစည်သူရေ ဒီခြောက်ပွင့်ဆိုင် ထိပ်သီးဆွေးနွေးပွဲပေါ့။ ဒီဆွေးနွေးပွဲက အခုပြီးသွားပြီ ဆိုတော့ ကိုစည်သူကလည်း အဲ့ဒီ့သတင်းယူနေတော့ သူတို့ဆွေးနွေးပွဲ ဘာတွေ ဆွေးနွေးဖြစ်လဲ။ နောက် သတင်းစာရှင်းလင်းပွဲ လုပ်တယ်လည်း ကြားပါတယ်။ ဘာတွေများ ထူးခြားတဲ့အချက်တွေ တွေ့ရလဲ။

ကိုစည်သူ။ ။ ဟုတ်ကဲ့ဗျ။ ဒီနေ့ ခြောက်ပွင့်ဆိုင် ဆွေးနွေးပွဲ အပြီးမှာ ပြန်ကြားရေး ဝန်ကြီး ဦးရဲထွဋ်က သတင်းစာရှင်းလင်းပွဲ လုပ်ပါတယ်။ သူကတော့ ဆွေးနွေးပွဲ အသေးစ်ိတ်ကိုတော့ သူပြောပိုင်ခွင့်မရှိလို့ မပြောသွားပါဘူး။ အဲ့တော့ ချုပ်ပြီးပြောရရင် ဒီဆွေးနွေးပွဲက မပြီးပြတ်သေးဘူး။ လာမယ့် သင်္ကြန်အပြီးမှာ ဆွေးနွေးပွဲတွေကို ဆက်ပြီးတော့ လုပ်သွားဦးမယ်လို့ ဦးရဲထွဋ်က ဒီလိုပြောသွားပါတယ်ဗျ။

ပြန်ကြားရေးဝန်ကြီးဦးရဲထွဋ်

"ဒီဆွေးနွေးပွဲအတွင်းမှာ တက်ရောက်လာတဲ့ ပုဂ္ဂိုလ်များ၊ ပါဝင်ဆွေးနွေးတဲ့ ပုဂ္ဂိုလ်များ အနေနဲ့ အချက်သုံးချက်ကို ကျနော်တို့ ဆွေးနွေးပြီးတော့မှ သဘောတူခဲ့ပါတယ်။ တစ်ကတော့ ဆွေးနွေးပွဲ ရဲ့ framework ပေါ့ ဆွေးနွေးပွဲ အပေါ် အခြေခံပြီး ဆွေးနွေးရမယ့် အကြောင်းအရာတွေ အပေါ်မှာ သဘောတူခဲ့ပါတယ်။ ဒုတိယ အချက်ကတော့ ကျနော်တို့ ဆွေးနွေးပွဲ ကျင်းပမယ့် ပုံစံ Format ကို သဘောတူခဲ့ပါတယ်။ တတိယအချက်ကတော့ နောက်တကြိမ် ထပ်ပြီးတော့ တွေ့ဆုံမယ့် အချိန်သတ်မှတ်ချက်ကို ကျနော်တို့ သဘောတူခဲ့ပါတယ်။

ဆွေးနွေးမယ့်အကြောင်းအရာတွေကတော့ Framework ကိုတော့ အသေးစိတ် ကျနော် ပြောလို့မရပါဘူး။ အဓိကအားဖြင့် အကြောင်းအရာ အရ ပြောရမယ်ဆိုရင်တော့ ကျနော်တို့ ဖွဲ့စည်းပုံ အခြေခံဥပဒေ ပြင်ဆင်ရေး၊ နောက်တခါ ငြိမ်းချမ်းရေး ကိစ္စနဲ့ လွတ်လပ်ပြီး တရားမျှတတဲ့ ရွေးကောက်ပွဲ ကျင်းပခြင်းနဲ့ ရွေးကောက်ပွဲလွန် ကာလ တည်ငြိမ်အေးချမ်းရေး ကိစ္စများနဲ့ပတ်သက်ပြီးတော့မှ ဒါဆွေးနွေးဖို့ ကျနော်တို့ သဘောတူခဲ့ကြပါတယ်။ အသေးစိတ် Framework ကတော့ ကျနော် ပြောလို့မရပါဘူး။

ဒုတိယတချက်က နောက်တကြိမ် ကျနော်တို့ ပြန်လည်တွေ့ဆုံဖို့ကိုတော့ သင်္ကြန်ကာလအတွင်း လွှတ်တော်များ ရပ်နားထားပြီးနောက်ပိုင်း လွှတ်တော်များ ပြန်လည်စတင်ချိန်မှာ အားလုံးအဆင်ပြေတဲ့အချိန်ကို သတ်မှတ်ပြီးတော့မှ တွေ့ဆုံဖို့ ကျနော်တို့ သဘောတူခဲ့ကြပါတယ်။

အဲ့ဒီ့တော့ နှစ်နာရီကျော် တွေ့ဆုံတဲ့ ဆွေးနွေးမှုအတွင်းမှာ ပါဝင်တက်ရောက်တဲ့ ပုဂ္ဂိုလ်များအနေနဲ့ ညီအကို မောင်နှမ စိတ်ဓာတ်နဲ့ လွတ်လွတ်လပ်လပ် ပွင့်ပွင့်လင်းလင်း ဆွေးနွေးခဲ့ပါတယ်။ ဆွေးနွေးပွဲပြီးတဲ့အခါမှာလည်း ဒီဆွေးနွေးပွဲဟာ အောင်မြင်တဲ့ ဆွေးနွေးပွဲဖြစ်တယ်လို့ အားလုံးက သဘောတူခဲ့ကြပါတယ်။ ဒီလောက်ပါပဲ။"

ဒါကတော့ ပြန်ကြားရေးဝန်ကြီးဦးရဲထွဋ် သတင်းစာရှင်းလင်းပွဲမှာ ပြောဆိုသွားတာပါ။

ကိုသားညွန့်ဦး။ ။ အဲ့တော့ ကိုစည်သူရေ။ ဒီဆွေးနွေးပွဲကျင်းပပြီး သတင်းစာ ရှင်းလင်းပွဲ လုပ်တဲ့အခါမှာ ကိုစည်သူတို့ သတင်းထောက်တွေအနေနဲ့ ခန်းမအတွင်း ဝင်ပြီး သတင်းယူခွင့်၊ သတင်းဓာတ်ပုံရိုက်ခွင့်၊ ရတယ်ဆိုတော့ ဆွေးနွေးပွဲရဲ့ အခင်းအကျင်း အနေအထား၊ သူတို့ခေါင်းဆောင်တွေချင်း ဆက်ဆံရေး အနေအထား ဘယ်လိုမြင်ရလဲ ခင်ဗျ။

ကိုစည်သူ။ ။ ဟုတ်ကဲ့ပါ။ ဒီနေ့ ခြောက်ပွင့်ဆိုင်ဆွေးနွေးပွဲ က နေ့လည် နှစ်နာရီလောက် မှာ စပါတယ်။ နေ့လည် နှစ်နာရီ မတိုင်ခင်မှာ ခြောက်ပွင့် ခေါင်းဆောင်တွေက ရောက်လာပါတယ်။ တစ်ယောက်ချင်း၊ တစ်ဦးချင်းစီ လာတဲ့ သဘောပါ။ ပြီးတော့ နောက်ဆုံးမှာ သမ္မတ ဦးသိန်းစိန် ရောက်လာတယ်။ သမ္မတဦးသိန်းစိန် ရောက်လာပြီးတာနဲ့ သူတို့က အခန်းတခုထဲ ကနေပြီးတော့ ဆွေးနွေးပွဲ လုပ်မယ့်အခန်းထဲ ဝင်သွားပါတယ်။

ဆွေးနွေးပွဲ လုပ်တဲ့ အခန်းပုံစံကတော့ ထိုင်ခုံတွေက တယောက်နဲ့တယောက် အတော်လေးကို အလှမ်းဝေးတဲ့ အနေအထားမျိုးနဲ့ ဒီစက်ဝိုင်းပုံစံ စီထားတာ ကို တွေ့ရပါတယ်။ သေချာတာကတော့ သူတို့က သိပ်ပြီး နီးနီးကပ်ကပ် ဆွေးနွေး တာမျိုး မဟုတ်ပဲနဲ့ ခပ်လှမ်းလှမ်းကနေ ဆွေးနွေးတဲ့ သဘောမျိုးပါခင်ဗျ။

ဒါပေမဲ့ ဒီဆွေးနွေးပွဲက ဦးရဲထွဋ်ကတော့ သတင်းစာရှင်းလင်းပွဲမှာ ဆွေးနွေးပွဲမှာ ပါဝင်တဲ့သူတွေဟာ တယောက်နဲ့တယောက် ညီအကို မောင်နှမတွေလိုပဲ ရင်းရင်းနှီးနှီး နွေးနွေးထွေးထွေး ဆက်ဆံရေး ရှိခဲ့တယ်လို့ ဦးရဲထွဋ် ကတော့ ပြောသွား ပါတယ်။ ဒါပေမဲ့ တကယ်တမ်း ဆွေးနွေးတဲ့ အခင်းအကျင်းပုံစံ ကတော့ လူတယောက်နဲ့ တယောက်က အတော်လေးကို အလှမ်းဝေးတဲ့ သဘောမျိုး ကျနော်တို့ တွေ့ခဲ့ရပါတယ်ခင်ဗျ။

ကိုသားညွန့်ဦး။ ။ အခု ဒီဆွေးနွေးပွဲလည်း ပြီးသွားပြီ ဆိုတော့ ခေါင်းဆောင်ခြောက်ဦး ထဲက တချို့ခေါင်းဆောင်တွေများ သတင်းစာ ရှင်းလင်းပွဲ လုပ်တာ။ သတင်းထောက်တွေကို လက်ခံတွေ့ဆုံတာ နောက် ဒီဆွေးနွေးပွဲနဲ့ပတ်သက်လို့ ပြောတာ ဆိုတာရော ရှိလားခင်ဗျ။

ကိုစည်သူ။ ။ သမ္မတပြောရေးဆိုခွင့်ရှိတဲ့ ဦးရဲထွဋ်ကတော့ သူ အကြမ်းဖျင်းပြောလို့ရတဲ့ ခြုံငုံပြီးပြောလို့ရတာတွေကို သတင်းစာရှင်းလင်းပွဲ လာလုပ်တာကလွဲရင် ကျန်တာ မရှိပါဘူးခင်ဗျ။ ဒေါ်အောင်ဆန်းစုကြည်ရဲ့ အိမ်ကိုတော့ သတင်းထောက်တချို့ သွားပြီးတော့ စောင့်နေကြတယ်လို့သိရတယ်။ ဒါပေမဲ့ ဒေါ်အောင်ဆန်းစုကြည် က ရောက်လာပြီးတော့ တစုံတရာ ဘာမှ ပြောသွားတာ မရှိပါဘူးခင်ဗျ။ ဒီတိုင်းရင်းသား ကိုယ်စားလှယ် အနေနဲ့ ဆွေးနွေးပွဲကို လာတက်တဲ့ ဒေါက်တာအေးမောင်ကလည်း ဒီဆွေးနွေးပွဲရဲ့ ရလာဒ်ကို တိုင်းရင်းသားတွေကို ပြန်ပြီးတင်ပြရမှာမို့ ဒီသတင်းမီဒီယာတွေကို သူအခု မပြောနိုင်သေးပါဘူးလို့ သူက ပြောထားပါတယ်ဗျ။ ဆိုတော့ သတင်းစာ ရှင်းလင်းပွဲသဘောမျိးကတော့ ဦးရဲထွဋ် တယောက်တည်းကပဲ ဆွေးနွေးပွဲ အကြောင်းကို ခြုံငုံပြီးပြောတာ ရှိပါတယ်ခင်ဗျ။ ကျန်တာ မရှိပါဘူးဗျ။

ထိပ်သီးဆွေးနွေးပွဲ ပြုလုပ်နေရာ နေပြည်တော် သမ္မတ အိမ်တော်ဝင်း အတွင်း ခန်းမမှာ ကိုယ်တိုင် သတင်းရယူနေတဲ့ ဗွီအိုအေသတင်းထောက် ကိုစည်သူကို ဆွေးနွေးပွဲနဲ့ ပတ်သက်လို့ ကိုသားညွန့်ဦးက ဆက်သွယ်မေးမြန်းထားတာပါ။