ကလေးဆိုးကြီးများ
ဌေးလွင်ဦး
RB News
29.10.2012
ကလေးဆိုးကြီးများ- ဆိုသည်မှာ၊ နွဲ့ဆိုးဆိုးတတ်သော ကလေးများကို ခေါ်ဆိုခြင်းမဟုတ်၊ အနိုင်ရသောအခါ အနိုင်ကျင့်တတ်သော အကျင့်မကောင်းသည့် ကလေးကြီးများ-၊ သို့မဟုတ်- မိမိထက်ငယ်သည့် သူတို့အား စကားနိုင်လု အနိုင်ကျင့်ရခြင်းအား နှစ်မြို့တတ်သည့် ခပ်ပေါပေါ- ခပ်နှမ်းနှမ်း ကျပ်မပြည့်သည့် သူများကို ခေါ်ဆိုခြင်း ဖြစ်သည်။
ဤထက်မြင်သာစေရန် - ရပ်ကွက်ထဲတွင်-၊ စာသင်ကျောင်းတွင် မကြာခဏ ကြုံရတတ်သည် ပမာဖြင့် ပုံဆောင် လိုသည်။ ဥပမာ- အတန်းထဲတွင် အင်အားနည်းသည့် (အသက် ငယ်သည့်၊ ဥစ္စာပစ္စည်း ဆင်းရဲသည့်) သူ့အား အနိုင်ကျင့် အနိုင်လိုချင်သည့် သူ့ထက် အင်အားကြီးသည့် အခြား ကလေးတစ်ဦးက - ထိုအင်အားနည်းသူ ကိုယ်တိုင် မခံယူလို့ မခံချင်သည့် အမည်နာမဖြင့် ခေါ်ဝေါ်သည်။ ထိုအခါ ထိုအနှိမ်ခံရသူက သူ့အားထိုကဲ့သို့ မနှိမ်ရန်ပြောဆိုသည်။- ထိုသို့ အကြိမ်ကြိမ်ပြောဆိုသော်လည်း- အင်အားကြီးသူက မိမိ၏ စရိုက်ကို မပြင်ဘဲ လျှက်- အဲ့လိုခေါ်တော့ ဘာဖြစ်လဲကွာ-၊ ခေါ်တယ်၊ ခေါ်တယ် ဟု ဆက်လက်၍ အနိုင်ကျင့်သည်။--- ထိုကဲ့သို့ အချင်းအရာများ- တွေ့ကြုံ ဘူးသူတိုင်း- ကျွန်ုပ်ဆိုလိုသော “ကလေးဆိုးကြီး” ဟူသည့် ဝေါ်ဟာရ၏ အဓိပ္ပါယ် အား ခံစားခြင်ဆင်နိုင်မည်ဟု ထင်မိသည်။
ထိုသို့ ဆင်ခြင်မိသူတိုင်း၊ ဆင်ခြင်တတ်သူတိုင်း မိမိသည် မြန်မာနိုင်ငံ၏ လက်ရှိအနေအခြေ၌ မြန်မာနိုင်ငံသား ဖြစ်နေရသည်ကို အင်မတန် နဖူးစာဆိုး၍ ဤဘ၀၌ ဤနိုင်ငံတွင် လူ လာဖြစ်ရလေခြင်းဟု ယူကြုံးမရ ဖြစ်ရ ပေမည်။ အဘယ်ကြောင့်ဆိုသော်- ကျွန်ုပ်တို့ မွေးဘွားရာ မြန်မာနိုင်ငံ၌ လူကြီးလူကောင်းဟူ၍ ရှာမတွေ့နိုင် တော့ပါ။ အကျင့်ယုတ်၊ သန္ဓေမကောင်းသည့် ကလေးဆိုးတို့၏ စိတ်စရိုက်တို့အား တန်ဘိုးရှိသူတို့က ရွံရှာ စက်စုတ် ကြသည်သာ ဖြစ်၏။
သမ္မတကြီးဟု နေရာယူထားသူ ကိုယ်တိုင်က- ရခိုင်နယ်မှ မွတ်ဆလင်များအား၊ ထိုမွတ်ဆလင်များ မခံယူလို၊ မခံစားလိုသော အမည်နာမ ဖြစ်သည့် “ဘင်္ဂလီ၊ ဘင်္ဂလီ”ဟု ခေါ်ဆိုနေပေသည်။ အနိုင်ကျင့်ခံရသူက ထိုသို့ မခေါ်ဆိုပါနဲ့ ကျွန်ုပ်တို့တွင် အမည်ရှိပါသည်ဟု အကြိမ်ကြိမ် မေတ္တာရပ်ခံသည်ကိုပင် - ခေါ်တော့ ဘာဖြစ်လဲ ကွာ၊ ခေါ်တယ်၊ ခေါ်တယ်- ဟု ဆက်လက်ကြုံးဝါးလျှက် တွင်တွင်ကြီး ခေါ်ဆိုနေလျှက်ပင်---၊ (အင်မတန် စိတ်ဓါတ် မြင့်မြတ်သူဟု၊ ခေါင်းဆောင် ဖြစ်ထိုက်သူဟု သတ်မှတ်ရမည်လော၊)
ဒီကြားထဲ တိုင်းပြည်လူထုက အားထားပါသည်ဟု ပြောဆိုနေသော NLD ပါတီကိုယ်တိုင်ကလည်း- ထိုအနိုင် ကျင့်တတ်သော လူအုပ်စုဘက်သို့ လိုက်လျှက်- ရခိုင်နယ်မှ မွတ်ဆလင်တို့အား ဘင်္ဂလီမွတ်ဆလင် များဟု သုံးလျှက် Statement ထုတ်လိုက်သေးသည်။ အကျင့်ယုတ် သန္ဓေမကောင်းသူချင်း ပူးပေါင်းသည့် သဘော သာ ဖြစ်တော့သည်။- (ပြောဆိုဆုံးမ သွန်သင်သည့် လူများပင် မရှိကြလေသလော၊)။
ရခိုင်ပြည် မွတ်ဆလင်တို့တွင် ခေါ်ချင်ချင် မခေါ်ချင်ချင် အမည်နာမများ ရှိနေသည်။ ၎င်းတို့မှာ တစ်ချို့ ကမန်များ ဖြစ်၍ တစ်ချို့ ရိုဟင်ဂျာ များ ဖြစ်သည်။ ရိုဟင်ဂျာ ဆိုသော အမည်နာမသည် လွတ်လပ်ရေးရပြီး ပါလီမန်ခေတ်က တရားဝင်ပေးခဲ့သော အမည်နာမ ဖြစ်ကြောင်း စာတတ်သူတိုင်း သိသည်။
ယခုအခါ- ကလေးဆိုးကြီးများ ခေါ်ဆိုနေသော “ဘင်္ဂလီ” ဆိုသည့် ဝေါဟာရဖြင့် ထိုရိုဟင်ဂျာ လူမျိုးအား လွတ် လပ်ရေးရပြီး ခေတ်ကတည်းက ယနေ့ထိ တရားဝင် တိုင်းရင်းသားစာရင်း၌ ဖေါ်ပြခဲ့ခြင်း မရှိသေးချေ။ ၁၉၇၄ တိုင်းရင်းသား စာရင်း တိုင်းရင်းသားပေါင်း ၁၄၄ ခု ဟု ဖေါ်ပြသည်၌ ဖြစ်စေ၊ နအဖ ခေတ် တိုင်းရင်းသား ၁၃၅ မျိုး ဖေါ်ပြသည်၌ ဖြစ်စေ- ထိုရိုဟင်ဂျာတို့အား ဘင်္ဂလီ အဖြစ် ပြောင်းလဲခေါ်ဆိုလိုက်ပြီဟု အတိအလင်း ပြဌာန်း ထားခြင်း မရှိချေ။ ထို့ကြောင့် ရိုဟင်ဂျာ တို့အား ဘင်္ဂလီ ဟုခေါ်ဆိုခြင်းမှာ သူတို့၏ အမည်နာမ မဟုတ်သည်ကို အနိုင်ကျင့် နှိမ့်ချ၊ ခွဲခြား ခေါ်ဆိုခြင်းသာ ဖြစ်ပေသည်။
ထိုသို့ အကျင့်ယုတ်၊ သန္ဓေမကောင်းသည့် ကလေးဆိုးကြီးများ၏ စိတ်ဓါတ်ဖြင့် လူနည်းစု တိုင်းရင်းများ စုပေါင်း နေထိုင်သည့် နိုင်ငံတော်ကြီးအား၊ တည့်မတ်ကောင်းမွန်စေရန် မည်သို့ ဦးဆောင်ကြမည်နည်းဟု - ရင်လေး ဘွယ် ကောင်းတော့သည်။
