ရိုဟင်ဂျာများ၏မြေနေရာများတွင်နေရာချထားခြင်းများရှိနေဟုယူဆရ
နိုဝင်ဘာ (၂၉)၊ စစ်တွေ။ ။ ရခိုင်ပြည်နယ်၊ စစ်တွေမြို့တွင်နေထိုင်သော အစ္စလာမ်ဘာသာဝင်ရိုဟင်ဂျာ လူမျိုးများအားအစုလိုက် အပြုံလိုက်သတ်ဖြတ်နေသည့်ကာလတွင်ရခိုင်အမျိုးသားများတိုးတက်ရေးပါတီ ဥက္ကဌဒေါက်တာအေးမောင်မှ ရိုဟင်ဂျာမွတ်စလင်များကို ရခိုင်ဗုဒ္ဓဘာသာဝင်များနှင့်ဝေး လံသော ကျေးရွာ များတွင်သီးခြားနေရာချထားရမည်ဟု ပြည်တွင်းသတင်းဂျာနယ်များနှင့်အင်တာ ဗျူးများတွင်ပြောဆိုခဲ့သည်။
ယခုအခါစစ်တွေမြို့တွင်အခြေအနေတည်ငြိမ်အေးချမ်းစပြုနေသော်လည်း ပြည်ထောင်စုအစိုးရနှင့် ပြည်နယ်အစိုးရတို့မှ ရိုဟင်ဂျာလူမျိုး များ၏မြေနေရာများပြန်လည်ပေးအပ်ရေးအတွက်တစ်စုံတစ်ရာ စီစဉ်ခြင်းမရှိဘဲ၊ အိုးမဲ့အိမ် မဲ့ဖြစ်နေသောဒုက္ခသည်များကို လူသား ချင်းစာနာမှုမထားဘဲ သေးငယ်သော နေရာများ တွင် စုပြုံ၍ထားခြင်း၊ အချို့သောသူများမှာ မိမိတို့၏အစီအစဉ်ဖြင့် လယ်ကွင်းပြင်များ တွင် ကောက်ရိုး၊ ထင်း၊ ၀ါးတို့ဖြင့်ကြုံသလိုတဲထိုး၍နေထိုင်နေကြရသည်။
စစ်တွေမြို့ရှိ ဘော်ဒူဖာဒုက္ခသည်စခန်းအနီးတွင် မန်ဇီအမည်ရှိရခိုင်ဗုဒ္ဓဘာသာရွာတည်ရှိသည်။ ထိုရွာတွင် အိမ်ခြေ ၁၅၀ ခန့်ရှိပြီး၊ ဘော်ဒူဖာဒုက္ခသည်စခန်းအနီး ဆယ်မိနစ်ခန့်လမ်းလျှောက် ရသည့်ခရီး တွင် တည် ရှိ သော်လည်း မွတ်စလင်များဖြင့်မည်သည့်ပြဿနာ မှမရှိဘဲ ငြိမ်းချမ်းစွာရှိနေသည်။ ထိုအိမ်ခြေ ၁၅၀ ခန့် ကို အိမ်ပိုင်ရှင်များကိုယ်တိုင် တပ်မတော်သားများရှေ့တွင်ယနေ့ဖျက်လိုက်ကြောင်း သိရသည်။
ယခုအခါ ဘော်ဒူဖာစခန်းနှင့်အခြားနေရာများနေထိုင်ကြသော စစ်တွေမြို့မှမွတ်စလင်ဒုက္ခသည်များမှ ထိုအိမ်ဖျက်သွားသောသူများ အားမြို့ပေါ်ရှိ ရိုဟင်ဂျာများ၏မြေနေရာ သို့ပြောင်းရွှေ့နေရာချ ထားခြင်းဖြစ်နိုင်ကြောင်း ယူဆနေကြသည်။
" ကျွန်တော်တို့မြေနေရာတွေကိုဘယ်တော့ပြန်ပေးမလဲဆိုတာအခုထိမသိရသေးဘူး။ အခုမန်ဇီမှာရှိတဲ့ အိမ်တွေကိုဖျက်ပြီး မြို့ထဲကကျွန်တော်တို့ရဲ့မြေနေရာမှာနေရာချထားပေးမှာလား။ ကျွန်တော်တို့ရဲ့အိမ်တွေ မတရားမီးရှို့ခံရတယ်။ လူတွေလည်း အသတ်ခံရတယ်။ အခုလည်းဒုက္ခသည်စခန်းမှာ အစားအသောက် ချို့တဲ့၊ ကျန်းမာရေးချို့တဲ့နဲ့ဒုက္ခပင်လယ်ဝေနေတယ်။ မတရားတဲ့လုပ်ရပ်တွေ အရမ်း များနေ ပြီ။ နိုင်ငံ တကာ ကော်မရှင်ရုံးတွေဒီမှာထားပြီး ကျွန်တော်တို့ကိုကူညီမှ ကျွန်တော်တို့ရဲ့ရပိုင် ခွင့်တွေရမယ်။ အစိုးရနဲ့ ရခိုင်ပါတီတွေကတော့ ကျွန်တော်တို့ကိုမညှာမတာဆက်လုပ်နေမှာဘဲ။ " ဟုဘော်ဒူဖာ ဒုက္ခ သည်စခန်းမှ ဒုက္ခသည်တစ်ဦးမှ RB News သို့ပြောသည်။
RB News
