သွေးချောင်း စီးမယ့်နေ့
ဌေးလွင်ဦး
RB News
24.3.2013
ရေတစ် စက်ချင်းမြေကို ကျတယ်၊ ရေစက်ပေါင်း များလာတော့ မြေကြီးဟာ ရေ၀လာတယ်၊ ပြီးတော့ ရေအိုင် လာ တယ်၊ နောက်ဆုံးမှာ ရေအိုင် လာမှုဟာ ရေချောင်း စီးမှုကို ဖြစ်စေတော့တယ်။
မြန်မာနိုင်ငံမှာ အပြစ်မဲ့ ပြည်သူတွေ ရဲ့သွေးတွေ- မြေကို ကျရတယ်၊ တစ်ခါ၊ နှစ်ခါ၊ သုံးခါ- အကြိမ် ကြိမ် အခါခါ- ဖြစ်လာတော့ အခုအဆင့်က ရေအိုင်လာတဲ့ အဆင့်ကို ရောက်လာခဲ့ပြီ။ ဒီအဆင့်မှာ မြန်မာ တစ်ပြည်လုံး လိမ္မာဖို့ ဆင်ခြင်တုံ တရားထားဘို့၊ မေတ္တာ ထားဘို့၊ အနိုင်ကျင့် လိုတဲ့ စိတ်တွေ၊ စိတ်ရိုင်း တွေကို ဖျောက်ဖျက် ပစ်ဘို့ ချက်ချင်း လက်ငင်း လိုအပ် လာပါတယ်။
အာဏာ ပိုင်တွေ အနေနဲ့လည်း တိုင်းပြည်ရဲ့ အနာဂါတ်ကို ကြည့်ပြီး-တိုင်းပြည် တစ်ခုလုံးကို ချက်ချင်း တည်ငြိမ် အောင် လုပ်ပေးရမယ်။ ဘယ်လို ဖုံးဖုံး- ဘယ်လို ဖိဖိ အခု ဖြစ်သွား တဲ့ ပြဿ နာ တွေ ရဲ့ နောက် ကွယ်မှာ ဘယ်သူ တွေပါဝင် နေတယ် ဆိုတာက ကမ္ဘာက သိနေပါတယ်။ မတော်တဆ ၀ုန်းဒိုင်း ဖြစ်သွား တာ မျိုးတစ်ခုမှ မဟုတ်ဘူး။ ကြိုတင် ပြင်ဆင် ထားပြီး စနစ်တကျ လုပ်သွား တာချည်း ဖြစ်တဲ့ အပြင်-၊ ဖြစ်တော့ မယ်လို့ ကြိုတင် သတိပေးနေ တာတွေကိုပါ အစိုးရပိုင်း မသိ ဟန်ဆောင် နေခဲ့ တယ်။ ဖြစ်နေ ဆဲ မှာလည်း တစ်ဘက်သတ် လွှတ်ပေး ထားတယ်။ ဒါကို ချက်ချင်း ရပ်တန့်က ရပ်ဘို့ လိုပါတယ်။
မြန်မာနိုင်ငံမှာ မွတ်ဆလင်ဟာ သန်းပေါင်း များစွာ ရှိနေတယ်။ ဘယ်သူတွေ စာရင်းဖုံးဖုံး ကျုပ်တို့မှာ ကိုယ့်ဘာ သာဝင်တွေ အတွက် စာရင်းရှိ နေတယ်။ မျိုးပြုတ် သတ်လို့ မရဘူး ဆိုတာ ကိုလည်း သိနေ တယ်။ အများဆုံး သတ် နိုင်ရင် သုံးသိန်းက ငါး သိန်းထိပဲ သတ်နိုင်မယ် ဆိုတာ ကိုလည်း ကြိုတွက် ထားပြီး သားပါ။ ဒါပေမယ့် ဒီကိန်း ဂဏန်းထိ မရောက် စေရဘူး-၊ မြန်မာ တစ်ပြည်လုံး အလုံးစုံ ပျက်စီး သွားရမယ့် ကိန်းကို ဆိုက်ရောက် သွား ပါမယ်။ တစ်သက်လုံး ချစ်ချစ် ခင်ခင် နေထိုင် ခဲ့တဲ့ တိုင်းပြည်-၊ အခု မှ လူဆိုး လူမိုက် လူလိမ် လူကောက် တစ်စု ကြောင့် ပျက်စီး ရမယ့် ကိန်းကိုတော့ မဆိုက် စေချင်ဘူး။ ဒီအတွက်လည်း ကျုပ်တို့ဘက်က အဆုံးစွန်ထိ သည်းခံ ပေးနေတာပါ။မြန်မာ ပြည်သူ များလည်း နားလည် သဘောပေါက် သင့်ပါတယ်။ အချင်းချင်း ရန်ဖြစ် နေမယ့်အစား ချစ်ချစ် ခင်ခင် နေသင့် ပါတယ်။ ယဉ်ကျေး တဲ့ ကမ္ဘာ့ လူသားတွေ ဘယ်လို နေထိုင် ကြသလဲ-၊ နမူနာ ယူသင့် ပါတယ်။
အစ္စလာမ်၊ ခရစ်ယာန်နဲ့ ဟိန္ဒူ ဘာသာဝင်များကို ဧည့်သည် များဖြစ်တယ် လို့မြှောက်ပင့်သွေး ထိုးနေတဲ့ သ င်္ကန်း ၀တ်တွေ ကိုယ်တိုင်လည်း မှန်မှန် ကန်ကန် ပြန်လည် သုံးသပ် သင့်ပြီ။ မျက်နှာမှာ ကုလားရုပ် မပျောက်သေးတဲ့ သင်္ကန်းဝတ်က ဗုဒ္ဓဘာသာဖြစ်လို့ အိမ်ရှင်လိုလို အမွေလုနေတာလည်း အတော့ကို အကျည်း တန်လှပါတယ်။ ပညာမဲ့ လွန်းနေပါတယ်။ ဟိန္ဒူ ဘာသာဟာ ဗုဒ္ဓဘာသာ မတိုင်မှီ ကတည်း က မြန် မာပြည် မှာ ရှိပြီး ဘာသာဖြစ် သလို အစ္စလာမ် ဘာသာဟာ လည်း ဗုဒ္ဓသာသနာပြု ရှင်အရဟံနဲ့ စင်ပြိုင် ပုဂံကို ရောက်လာ ခဲ့တာ တောင်မသိဘဲ ထင်ရာ လျှောက်ပြော ရန်တိုက် ပေးနေတဲ့ အကျင့်ကို လူရှက် စရာလို့ မိမိကိုယ်မိမိ မြင်ယောင် တတ်ဘို့ လိုပါမယ်။
မြန်မာ ပြည်သူတွေ ဆင်ခြင်ပါ။ ငါတို့တော့ ချမ်းသာလှပြီ- သယံဇာတ ပေါများကြွယ်ဝ လှပြီ ဆိုတဲ့ ပညာမဲ့ ခံစား ချက်များကို ပြန်လည် သုံးသပ်ပါ။ ဘယ်သူတွေက ဘယ်လောက်များ ခံစားနေ ရပါသလဲ-၊ ပြန်လည် သုံး သပ် ပါ။ ချမ်းသာ လှပါရဲ့ ဆိုပြီး ကြွေးကြော် နေတဲ့ နိုင်ငံက သမ္မတ ကိုယ်တိုင် ကမ္ဘာကိုပတ် အကူ အညီ တောင်းနေ ရတာကို တည့်တည့် မတ်မတ် ပြန်ကြည့်ပါ။ ဒီအချိန်မှာ ကမ္ဘာက စီးပွားရေး တစ် ချက် ပြန်ပိတ် လိုက်ရင် ဘာဖြစ် သွားမလဲ ဆိုတာ ကိုလည်း စဉ်းစားပါ။
ငါတို့တော့ ငတ်ပြီး သေချင် သေပါစေ- မွတ်ဆလင် တွေကို အပြီးတိုင် မောင်းထုတ်မှာပဲ-၊ ဆိုရင်လည်း၊ ဒီကမ္ဘာမှာ တစ်ဘက်သတ် ပါးရိုက်ခံဘို့ မွေးလာတဲ့ လူမျိုးဆိုတာ မရှိဘူး ဆိုတဲ့ အချက် လောက် ကို ပြန်လည် သုံးသပ်စေချင် တယ်။ မိမိ၊ မိမိရဲ့ အမျိုးများကို တစ်ဘက်သတ် ပါးရိုက်နေ မယ် ဆိုရင် ဘယ်လို ဖြစ်လာမလဲ ဆိုတဲ့ အချက်များ ကိုလည်း ပြန်လည် သုံးသပ်ပါ။ ဒီခေတ် ဒီကမ္ဘာမှာ တစ်ဘက်နဲ့ တစ် ဘက် သတ်ရ ဖြတ်ရတာ အလွန်လွယ် ကူ သလို ဆက်သွယ်ရေး ကောင်းမွန် နေတဲ့ ခေတ်ဖြစ် နေလို့ တစ်ဘက်နဲ့ တစ်ဘက် နားလည်မှု တည်ဆောက် ရတာ လည်း အလွန် လွယ်ကူတဲ့ ခေတ်ဖြစ်ပါတယ်။ ဒီ အချိန် မှာ နားလည်မှု တည်ဆောက် ယူမယ် ဆိုတဲ့ “စိတ်” တစ်ခု ကိုပဲ ဦးစားပေး စေလိုပါတယ်။ စိတ်ကောင်း စေတနာ ကောင်းနဲ့ နားလည်မှု တည်ဆောက် မယ်ဆိုရင်လည်း အချိန် မှီသေးတဲ့ အချိန် အခါ ဖြစ်နေ ပါတယ်။ အချိန် တစ်ခုကို ရောက်လာလို့ တစ်ဘက်နဲ့ တစ်ဘက် အပြန်အလှန် သတ်ကြ ဖြတ် ကြပြီ ဆိုရင်တော့ နားလည်မှု တည်ဆောက် ရမှာ အဟန့်အတား ဖြစ်သွား နိုင်ပါတယ်။ အဲ့ဒီအခြေ အနေ မှာဘယ်လို စစ်အင်အားကမှ သတ်ဖြတ် နေခြင်းကို တားမြစ် နိုင်တော့မှာ မဟုတ်ပါ။ အလ ကား နေရင်း တိုင်းပြည် ဟာ သွေးချောင်းစီး တဲ့မြေ ဖြစ်သွား ရပါ တော့မယ်။ ရိုးရိုး အေးအေး နေ ထိုင်တဲ့သူ များလည်း အပြစ် မဲ့ ကြောက် လန့် စိုးရိမ်မှု တွေရဲ့ အောက်ကို ရောက်သွား ရပါလိမ့်မယ်။
လူတစ်စုရဲ့ အရူးထမှုကို ဗုံတီးမြှောက်ပင့် ဆွမ်းကြီး လောင်းတတ်တဲ့ ပညာမဲ့ အကျင့်တွေကို မဖျောက် ဖျက်ရင် တော့--၊ တိုင်းပြည်ဟာ သွေးချောင်း စီးသွားရမှာကို စိုးရိမ်ပါတယ်။ နှလုံးသားရှိတဲ့၊ မျက်စိ ရှိတဲ့၊ ပြည်သူတိုင်းမှာ ဒီအဖြစ်ဆိုးကြီးက ကာကွယ်ဘို့ တာဝန်ရှိပါတယ်။ တတ်နိုင်သမျှ ကာကွယ် ဘို့ လည်း မေတ္တာရပ်ခံပါတယ်။
ဌေးလွင်ဦး
မြန်မာမွတ်ဆလင် တန်းတူညီမျှ အခွင့်အရေး လှုပ်ရှားဆောင်ရွက်မှု အဖွဲ့
အမေရိကန် ပြည်ထောင်စု
