မောင်တောမြို့တွင်ရိုဟင်ဂျာတစ်ဦးအသတ်ခံရ
RB News
2.3.2013
မောင်တော ။ ။ မောင်တောမြို့နယ် တောင်ပိုင်း ဥဒေါင်းမြောက်ပိုင်းရွာမှ ဦးဆယာဒ်အုလ္လာ (ဘ) ဦးဆီဒိတ် (အသက် ၃၁ နှစ်) သည် ယမန်နေ့ ညနေပိုင်းတွင် ၎င်း၏ ကွမ်းခြံကို သွား၍ ကြည့်ရန် သွားရာ တွင်အသတ်ခံ လိုက်ရကြောင်း သတင်း ရရှိပါသည်။
ဖြစ်စဉ် အပြည့်အစုံမှာ မောင်တောမြို့နယ်တောင်ပိုင်း ဥဒေါင်းမြောက်ပိုင်းရွာမှ ကွမ်းခြံစိုက်ပျိုးရေးလုပ် ငန်း လုပ်ကိုင်သူ ဦးဆယာဒ်အုလ္လာ (ဘ) ဦးဆီဒိတ် (အသက် ၃၁ နှစ်) သည် ဥဒေါင်း နတလရွာ အနီးရှိ ၎င်း၏ ကွမ်းခြံကို သွားရောက် ကြည့်ရှူ မည်ဟူ၍ ယမန်နေ့ည ၇ နာရီတွင် နေအိမ်မှ ထွက်ခွာ သွားခဲ့သည်။ မိသား စုဝင်များမှ အချိန်မှီ ပြန်ရောက်၍ မလာသောကြောင့် လိုက်လံ ရှာဖွေ ကြိုးစားသော်လည်း ညပိုင်း အပြင်ထွက်ခွင့်မရှိသောကြောင့် ယနေ့နံနက် ပိုင်းတွင် လိုက်လံရှာဖွေရာ ကွမ်းခြံနှင့်မလှမ်းမကမ်းတွင် ဓါး ခုတ် ခံထားရ သည့်ဒဏ်ရာများဖြင့် သေဆုံးနေသည် ကိုတွေ့ရကြောင်း သိရှိရပါသည်။
“ဥဒေါင်း နတလရွာမှာ လွန်ခဲ့တဲ့ ဗုဒ္ဓဟူးနေ့ ကတည်းက ဓါးရှည်နဲ့ ခုတ်နည်း၊ သေနတ်ပစ်နည်းတွေကို သင် တန်းပေးနေတယ်။ အခုဆယာဒ်အုလ္လာရဲ့ ကွမ်းခြံက အဲဒီရွာနားမှာ ဆိုတော့ ဥဒေါင်းန တလရွာ သား တွေ ခုတ်သတ်လိုက်တာ ကတော့သေချာတယ်။ ကျွန်တော်တို့လည်း အလောင်းရှာတွေ့တာနဲ့ ရွာအုပ် ချုပ်ရေး ဦးတင်မောင်နဲ့ နစကစခန်းအမှတ် ၈ ကိုအကြောင်းကြားတယ်။ အာဏာပိုင်တွေလိုက်လာပြီး အလောင်း ကိုကြည့်ရုံကြည့်သွားတယ်။
အမှန်တကယ် ဒီလို လူသတ်မှုဆိုရင် ဓါတ်ပုံရိုက်၊ မြေပုံဆွဲတွေလုပ်ပြီ အမှုကိုဖော်ထုတ်ရမှာပါ။ အမှုကို ဖော် ထုတ်မှာ မဟုတ်တဲ့ အတွက်ကြောင့် အဲဒါတွေလည်း မလုပ်ပါဘူး။ အလောင်းကိုအိမ်ကို ယူသွား ဖို့ ပြော တယ်။ အဲဒီလောက်ပါဘဲ။ မောင်တောမြို့နယ်အ၀န်းမှာရှိတဲ့ ရခိုင်ရွာတွေ၊ နတလ ရွာတွေ မှာတော့ သေ နတ်တွေလည်းဖြန့်ဖြူးပေးပြီးပြီ။ နေ့စဉ်နေ့တိုင်းသင်တန်းပေးနေတယ်။ အခု မတ်လ ထဲမှာ ရိုဟင်ဂျာ တတိ ယ အကြိမ်မြောက်တိုက်ခိုက်မယ်လို့သတင်းတွေထွက်နေတော့ အားလုံးစိုး ရိမ်နေကြ တယ်” ဟု ဒေသ ခံရိုဟင်ဂျာတစ်ဦးမှ RB News သို့ပြောပါသည်။
အသတ်ခံရ ၍သေဆုံးခဲ့ ရသူ၏ အလောင်းကို ညနေပိုင်းတွင် ရဲများရောက်ရှိလာပြီး နေအိမ်မှ မောင်တော မြို့ နယ်ဆေးရုံသို့ ယူဆောင် သွားမည်ဟု ဆိုကာ ယူဆောင်သွားကြောင်း သိရှိ ရပါသည်။
“ညနေပိုင်းမှာ ရဲတွေရောက်လာတယ်။ အလောင်းကို စစ်ဆေးစရာရှိတယ်ဆိုပြီး ဆေးရုံကိုယူသွားမယ် လို့ပြောပြီး ယူ သွားတယ်။ ဒါပေမယ့် အဲဒီလို ယူသွားပြီးအလောင်းဖျောက်ပစ်တာပါ။ အရင်လည်းရဲတွေ က အဲလို လုပ်နေကြပါ။ ကျွန်တော်တို့က အာဏာပိုင်တွေပြောသမျှကို နာခံရတယ်။ ဘာမှပြန်ပြောလို့ လည်းမ ရ ဘူး။ အလောင်းဖျောက် ပစ်လို့တိုင်ရင်လည်းဘယ်သူ့မှအရေးမယူဘူး။” ဟုအဆိုပါဒေသခံမှ ဆက် လက်ပြောကြား ပါသည်။
