ရခိုင်ပဋိပက္ခ ဖြေရှင်းရေး ကူညီပေးသွားမယ်လို့ နယူးဇီလန် ကတိပြု
3.7.2013
ရခိုင်ပြည်နယ် အတွင်းမှာ အုပ်စုနှစ်ခု အကြား ဖြစ်ပွား ခဲ့တဲ့ ပဋိပက္ခ တွေနဲ့ ပတ်သက်ပြီး ဘယ်ပုံ ဘယ် နည်း နဲ့ ဖြေရှင်း ဆောင်ရွက် သင့်တယ် ဆိုတာကို နယူးဇီလန် နိုင်ငံ အနေနဲ့ အလေး အနက်ထား စဉ်းစား သွားမယ့် အပြင် လိုအပ် တာတွေလည်း မြန်မာ အစိုးရကို ကူညီ ပေးသွား မယ်လို့ နယူးဇီလန် နိုင်ငံခြားရေး ဝန်ကြီး ဌာနဝန်ကြီး Murray McCully က ဒီကနေ့ ပြောကြား လိုက်ပါတယ်။
နယူးဇီလန် နိုင်ငံခြားရေး ၀န်ကြီးဟာ ဒီနေ့ ရခိုင် ပြည်နယ် အစိုးရ အဖွဲ့ရုံးမှာ အစိုးရ တာဝန်ရှိ သူတွေ နဲ့ တွေ့ဆုံစဉ် ပြောကြား ခဲ့တာပါ။
"ရခိုင်ပြည်နယ် အတွင်းမှာ ဖြစ်ခဲ့တဲ့ ပဋိပက္ခ တွေအတွက် ဖြေရှင်း ဆောင်ရွက်သင့်တာ တွေကို နယူးဇီ လန် နိုင်ငံ အစိုးရနဲ့ နယူးဇီလန် ပြည်သူတွေက အလေး အနက်ထား စဉ်းစား ဆွေးနွေး သွားဖို့ ရှိပြီး မြန်မာ အစိုးရ ကိုလည်း လိုအပ် တာတွေ ကူညီ ပေးသွားမှာ ဖြစ်ပါတယ်" လို့ ပြောသွားတာပါ။
ဒါ့အပြင် ရခိုင်ပြည်နယ် အတွင်း ဖြစ်ပွားခဲ့တဲ့ ပဋိပက္ခတွေနဲ့ ပတ်သက်ပြီး ရခိုင်ပြည်နယ် အစိုးရရဲ့ အခက် အခဲတွေကို စာနာ နားလည် မိသလို သူ့ရဲ့ ရခိုင် ပြည်နယ် ခရီးစဉ်ဟာ အခြေ အနေ တွေကို လေ့လာရေး သက်သက် လာရောက်တာ ဖြစ်တယ် လို့လည်း ဆိုပါတယ်။
Mr. McCully ဟာ ရေတို ရေရှည်မှာ ဘယ်လို ဆောင်ရွက်သင့် တယ်ဆိုတာနဲ့ ပတ်သက် ပြီးတော့လည်း စစ်တွေ မြို့မိမြို့ဘတွေ၊ နိုင်ငံရေး ပါတီတွေနဲ့ နေ့လည်ပိုင်းမှာ စစ်တွေ ဟိုတယ်မှာ သီးသန့် တံခါး ပိတ် ဆွေးနွေး ခဲ့ပါတယ်။ ဒါ့အပြင် စစ်တွေ မြို့ပေါ်မှာ ရှိတဲ့ စက်ရုံစု၊ ခေါင်းဒုတ်ကာ၊ ဒါးပိုင်၊ မှန်ဇီစတဲ့ ဒုက္ခ သည် စခန်းတွေကို သွားရောက် လေ့လာ ခဲ့ပါတယ်။
