ရှစ်လေးလုံး အကြမ်းဖက် နှိမ်နင်းမှု အတွက် တောင်းပန်ဖို့ အစိုးရကိုတိုက်တွန်း
7.8.2013
ရှစ်လေးလုံး ဒီမိုကရေစီ အရေးတော်ပုံ ၂၅ နှစ်ပြည့် ချိန်မှာ မြန်မာ နိုင်ငံ အမျိုးသား ပြန်လည် သင့်မြတ်ရေး အ တွက် အတိတ် ကာလမှာ အစိုးရက အကြမ်းဖက် နှိမ်နင်း ခဲ့တာ တွေကို တရားဝင် တောင်းပန်ဖို့ ဗ မာ နိုင် ငံလုံး ဆိုင်ရာ ကျောင်းသား သမဂ္ဂများ အဖွဲ့ချုပ်က လက်ရှိ အစိုးရကို တိုက်တွန်း လိုက်ပါတယ်။
ဒါ့အပြင် နိုင်ငံရေး အကျဉ်း သားတွေ အားလုံးပြန်လွှတ် ပေးဖို့နဲ့ စစ်မှန်တဲ့ ငြိမ်းချမ်းရေး ဆွေးနွေး မှုတွေ ဆောင် ရွက်ဖို့ကိုလည်း တိုက်တွန်း တောင်းဆို တယ်လို့ ဗကသများ အဖွဲ့ချုပ် ဒုဥက္ကဌ ကိုလင်း ထက်နိုင်က ပြောပါတယ်။
“အမျိုးသား ပြန်လည် သင့်မြတ်ရေး အတွက် ဆိုလို့ ရှိရင် စစ်တပ် ကနေ တာဝန် ခံပြီး ကူးပြောင်း လာတဲ့ အစိုးရ အနေနဲ့ တရားဝင် တောင်းပန် ပြီးမှသာ အမျိုးသား ပြန်လည် သင့်မြတ်ရေး အတွက် စပြီးတော့ လုပ် သင့် တဲ့ အကြောင်း တိုက်တွန်း ထားတယ်၊ ဒီအမျိုးသား ပြန်လည် သင့်မြတ်ရေး အတွက် ကိုပဲ နိုင် ငံရေး အကျဉ်းသား အားလုံး လွှတ်ပေးဖို့ ဆိုတာ ပါတယ်၊ နောက်တကယ် စေတနာ ပါပါနဲ့ ပွင့် လင်း မြင်သာ မှုရှိတဲ့ ငြိမ်းချမ်းရေး ဆွေးနွေးမှု၊ ကမ်းလှမ်း မှုကို ကျနော်တို့ တောင်းဆို တာပါ”
အလားတူ ဗကသများ အဖွဲ့ချုပ် (ရမည်းသင်း ခရိုင်) ကလည်း ၈ လေးလုံး ဒီမိုကရေစီ အရေးတော်ပုံ ၂၅ နှစ်ပြည့် သဘောထား အဖြစ် အချက် ၈ ချက်ပါတဲ့ ကြေညာချက် တစ်စောင် ထုတ်ပြန် လိုက်ပါတယ်။
ဒီကိစ္စနဲ့ ပတ်သက်လို့ ခရိုင် အတွင်းရေးမှူး ကိုအောင်ထက်နိုင်က အခုလို ပြောပါတယ်။
“သမိုင်းဝင် ရှစ်လေးလုံး အရေးတော်ပုံ ၂၅ နှစ်ပြည့် ငွေရတု အခမ်းအနား ကိုလည်း ရန်ကုန်၊ မန္တလေး လိုမျိုး မြို့ကြီး တွေမှာရော ကျန်တဲ့ မြို့တွေ မှာပါ ကျင်းပ နေတယ်၊ အဲဒီ အချိန် ရန်ကုန်မှာ ကျင်းပတဲ့ ပွဲဆိုလို့ ရှိရင် အမျိုးသား ပြန်လည် သင့်မြတ်ရေး ဆိုပြီး ပွဲစီစဉ်တဲ့ သူတွေကနေ ပြီးတော့ မူဝါဒ တစ်ခု ချ မှတ် ထားတာ တွေ့ရတယ်၊ ဒါပေမယ့် အတိုက်အခံ ဘက်က အမျိုးသား ပြန်လည် သင့်မြတ်ရေး ကို ကြွေးကြော် နေပေ မယ့် တစ်ဘက်က အသံတွေက တိတ်ဆိတ် နေတာ တွေ့ရ တယ်ဗျ၊ ဒါကြောင့် အစိုးရ အနေနဲ့ သမိုင်းဝင် ရှစ်လေးလုံး အရေးတော်ပုံ နေ့ကို ပြည်သူ့ ဒီမိုကရေစီ နေ့အဖြစ် မသတ် မှတ် သေးသရွေ့ ကျနော် တို့ကလည်း အစိုးရရဲ့ ပြုပြင် ပြောင်းလဲ မှုတွေကို အသိ အမှတ် မပြုသေးတဲ့ အကြောင်းကို ကြေညာချက် ထဲမှာ ထည့်ပြီး ထုတ်ပြန် ထားတာပါ”
ကြေညာချက်ပါ အချက် ၈ ချက်မှာ ၂ဝဝ၈ ဖွဲ့စည်းပုံ အခြေခံ ဥပဒေကို လူထု ဆန္ဒ အတိုင်း အမြန်ဆုံး ပြင် ဆင်ဖို့၊ နိုင်ငံရေး တက်ကြွ လှုပ်ရှားသူ တွေကို ဖမ်းဆီး နေတာ၊ တက်ကြွ လှုပ်ရှားတဲ့ ကျောင်းသား လူ ငယ် တွေကို စောင့်ကြည့် တာတွေ ရပ်ဖို့၊ တိုင်းရင်းသား တွေနဲ့ နိုင်ငံရေး ဆွေးနွေး ပွဲတွေ အမြန်ဆုံး စတင်ဖို့ စတဲ့ အချက်တွေ ပါဝင် ပါတယ်။
