မွတ်စလင်တွေ အတွေးမလွဲစေဖို့

မင်းအောင်

RB News

25.8.2013

ရခိုင်ပြည်နယ်၊ တောင်ပိုင်း၊ ကျေးရွာ တစ်ရွာတွင် စတင် ဖြစ်ပွား ခဲ့သော (ကြိုတင် အကွက်ချ စီစဉ် ထား သော) ရာဇ၀တ်မှု တစ်ခု အပေါ် အခြေခံပြီး မွတ်စလင် များအပေါ် လူမျိုးစု သန့်စင်ရေးအား အစိုးမှ အထောက် အကူပြု ထားသော ဘာသာရေး အကြမ်းဖက် အုပ်စုကြီးသည် မြန်မာ နိုင်ငံ၏ မြို့တိုင်း၊ နယ် တိုင်း တွင် ထပ်မံ အကြမ်းဖက် မှုများပြုလုပ်ရန် တာဆူ လျက်ရှိ နေပါသည်။ စတင် ဖြစ်ပျက် ခဲ့သည့် အ ချိန် မှ ရေတွက်သော် အကြမ်းဖက် မှုများ တမြို့ပြီး တမြို့ ဖြစ်လာ ခဲ့သည်မှာ တစ်နှစ်ကျော် နေ ပြီ ဖြစ် သည်။ ဒုက္ခသည်စခန်းများ ထဲတွင် မြန်မာ မွတ်စလင်များ ၁၅၀၀၀၀ ကျော် ရှိနေပါသည်။ ဧပြီလ အ တွင်း က ဦးသိန်းစိန်မှ ရခိုင် ပြည်နယ် အတွင်းရှိ ဒုက္ခသည် များအား (၃) လ အတွင်း အမိုးအောက် ရောက် ရှိ နိုင် ရန်ဆောင်ရွက် ပေးပါမည်ဟု နိုင်ငံတော် အား တရားဝင် ကြေညာ ခဲ့သည်။ မိမိပြော စကား အတိုင်း ဘယ်သော အခါမှ တိတိ ကျကျ လုပ်ရိုး ထုံးစံ မရှိသော ဦးသိန်းစိန်နှင့် သူ့အစိုးရ အဖွဲ့၏ မူဝါဒ အတိုင်း ယခု အချိန်တွင် ရခိုင်ပြည်နယ်ရှိ မွတ်စလင်များ အမိုးအောက် ရောက်မသွားသည့် အပြင် စစ်တွေမြို့မှ အကြမ်းဖက် မခံရဘဲ ကျန်နေခဲ့သော အောင်မင်္ဂလာ ရပ်ကွက်ရှိ ရိုဟင်ဂျာ မွတ်စလင် များအား မိမိ အမိုးအောက်မှ ဒုက္ခသည် စခန်းသို့ မောင်းထုတ် နေပါသည်။ 

ကုလ သံတမန် တစ်ဦးအား မိမိတို့ရဲ့ စရိုက်မှန်ကို လစ်ဟ ပြလိုက်သော မိတ္တီလာ မြို့တွင်လည်း မွတ်စလင် ၄၀ ကျော် (အစိုးရ ထုတ်ပြန်ချက် အရ ကိန်းဂဏန်း) အား ရက်စက်စွာ သတ်ဖြတ် လိုက်သည့် အပြင် လူပေါင်း များစွာကို ဒုက္ခသည် စခန်းတွင် ပိတ်လှောင် ထားသည်ကိုပင် ကျေနပ်မှု မရှိသေးဘဲ ဘီလူး စီးနေ သည့် အလား အပြစ်မဲ့ မွတ်စလင် များအား ထပ်မံ သတ်ဖြတ်ရန် လူစု လူဝေးဖြင့် ခြိမ်းခြောက် လျက် ရှိ နေပါသည်။

ဤကဲ့သို့ ဥပဒေမဲ့ လုပ်ရပ် များအား နိုင်ငံ တစ်နိုင်ငံ အတွင်း အစိုးရ၏ အားပေး ထောက်ခံမှု မပါဘဲ မည်သူမှ လုပ်နိုင်မည် မဟုတ်ပါ။ အထူး သဖြင့် မြန်မာ နိုင်ငံတွင် ပို၍ မဖြစ် နိုင်ပါ။ ဤသို့ ဆိုလျှင် အ ဘယ်ကြောင့် ဘာသာရေး အမည်ခံ ဤအကြမ်းဖက် အုပ်စုကြီးသည် အစိုးရ လက်နက်ကိုင် အဖွဲ့အစည်း များရှေ့မှောက် တွင် စိတ်တိုင်းကျ ရိုင်းရိုင်း စိုင်းစိုင်း တိရစ္ဆာန် များကဲ့သို့ အကြမ်းဖက် ခွင့် ရနေပါ သနည်း။ သမ္မတ အပါအ၀င် အစိုးရ အဖွဲ့ဝင် များမှ ဤအကြမ်းဖက် အုပ်စုကြီးအား နိုင်ငံတကာ မျက်နှာစာတွင် အဘယ့်ကြောင့် အကာ အကွယ် ပေးနေ ရပါသနည်း။ မြန်မာ မွတ်စလင် များ၏ ရင်ထဲတွင် မေးခွန်းပေါင်း များစွာ ရှိနေပါသည်။ မြန်မာ မွတ်စလင် များသည် မည်သို့ပင် ခံစားချက် တွေပြင်းထန် နေစေကာမူ မိမိတို့ အနေဖြင့် အရှိတရားနှင့် အမှန် တရားကို ပီပီပြင်ပြင် သိမြင် နိုင်ရန် မိမိတို့၏ အာရုံခံ အင်္ဂါ ၅ ပါးလုံးအား ဖွင့်ထားမှသာ တော်ရာ ကျပေမည်။ သို့မဟုတ် ပါက သူတစ်ပါး ဖျက်ဆီးမှုကြောင့် ပျက်စီး သွားသည်ထက် မိမိ၏ အသိ အလိမ္မာ ချွတ်ယွင်း မှုကြောင့် ပျက်စီး သွားနိုင်သည့် ပမာဏက ပိုများ နိုင်ပါသည်။ 

အောက်ခြေ မွတ်စလင် ထုအတွင်း ပြန့်နှံ့ နေသော မတရား အကြမ်းဖက် ခံနေရမှု များအတွက် နိုင်ငံတကာ ၀င်ရောက် စွတ်ဖက်မှုဖြင့် တရားမျှတမှု ရရှိ နိုင်လာမည် ဆိုသော မျှော်လင့်ချက် များသည်လည်း တကယ့် အရှိတရား များနှင့် ဆန့်ကျင် နေပါသည်။ နိုင်ငံတကာ ၀င်ရောက် စွတ်ဖက်မှု ဟူသည် အဆင့်ပေါင်း များစွာ ရှိပါသည်။ မြန်မာ အစိုးရ မှလည်း ၎င်းအချက် များအား ကောင်းကောင်း နားလည် ထားပါသည်။ OIC ဆို သည်မှာ လူလူချင်း စာနာ ထောက်ထားပြီး လူသား အကျိုးပြု လုပ်ငန်းများ ဘာသာလူမျိုး၊ အသား အရောင် မခွဲခြားဘဲ ဆောင်ရွက်ရန် ဖွဲ့စည်းထားသော အဖွဲ့ ဖြစ်ပါသည်။ မြန်မာ နိုင်ငံ အတွင်း (သို့) အခြား မည်သည့် နိုင်ငံ အတွင်း မဆို မွတ်စလင် လူနည်းစု အတွက် နိုင်ငံရေး အရ ၀င်ရောက် စွတ်ဖက်ရန်မှာ OIC ၏ မူဝါဒ မဟုတ်ပါ။ အမြင့်ဆုံး အနေဖြင့် ပြဿနာ ပြေလည်ရန် သံတမန် နည်းအရ ကမ္ဘာ့ အဖွဲ့ အ စည်း များနှင့် ပူးပေါင်း ဆောင်ရွက် နိုင်ပါသည်။ ဒါကြောင့် ကျွန်တော်တို့ မွတ်စလင် များအနေဖြင့် စိတ် ကူးယဉ် အိပ်မက် ထဲက ရုန်းထွက်ပြီး အမှန်တရားကို ရဲရဲဝံ့ဝံ့ လက်ခံ သင့်ပေသည်။ 

အချုပ်ဆိုရသော် မွတ်စလင် များအနေဖြင့် ဥပဒေကြောင်း အရ အကာ အကွယ်မဲ့ နေသလို နိုင်ငံ တကာ အဖွဲ့အစည်း များ၏ ၀င်ရောက် တားဆီး ပေးမှု ဆိုသည်မှာလည်း အဆင့်ဆင့် ရှိနေ ပါသည်။ လတ် တလော ပြဿနာ ဖြစ်လာပါက ထိပ်တိုက် ရင်ဆိုင် ဖြေရှင်း ရမည်မှာ မိမိတို့ ကိုယ်တိုင်ပင် ဖြစ်နေ ပါသည်။ မိမိ မိသားစုဝင်များ အသတ်ခံရ၊ မိမိ အိုးအိမ်များ ဖျက်ဆီးခံရ၊ သာသနိက အဆောက်အဦ များဖျက်ဆီး ခံရပြီးမှ တနည်း အားဖြင့် မိမိတို့ ဘ၀တွေ ကိုယ်စီ စုတ်ပြတ်သတ် သွားပြီးမှ မည်သည့် အရေးယူ ဆောင် ရွက် မှုမျိုး မဆို မိမိ အနေဖြင့် အလဟသ ဟုသာ ထင်မိပါသည်။ 

ဤကဲ့သို့ အခြေအနေ အရပ်ရပ်ကို သုံးသပ် ကြည့်မည် ဆိုပါက မိမိ အသက်၊ အိုးအိမ်၊ စည်းစိမ် များကို ကာကွယ် နိုင်သူမှာ မိမိတို့ ကိုယ်တိုင်သာ ဖြစ်နေကြောင်း သိရှိ ရပေမည်။ “ကာကွယ်မှုသည် ကုသမှုထက် ပိုထိရောက်သည်” ဆိုသော ဆောင်ပုဒ်သည် ကျွန်တော်တို့ မြန်မာ မွတ်စလင် များအတွက် ယခု အချိန် တွင် အလွန် တန်ဖိုး ရှိသော ဆေးညွန်ကောင်း တစ်လက် ဖြစ်နေ ပါသည်။

ဟဇရသ် မောင်လာ အလီ၏ အဆို အမိန့် တစ်ခုနှင့် နိဂုံးချုပ် ရသော် “ဆွဗာရ် ဆိုတာ လက်တစ်ဖက်ကို တခြား လက်တစ်ဖက်နှင့် တင်းတင်း ပိုက်ပြီး ကြုံလာတဲ့ ဒုက္ခတွေ အပေါ်မှာ စိတ်ပျက် လက်လျော့ ကာ ခြေဆင်း ထိုင်နေတာ မဟုတ်ဘူး”။ မြန်မာ နိုင်ငံ အတွင်း နေထိုင် ကြသော မွတ်စလင် များအား လုံး မောင်လာ အလီ ပြောသည့် (ဆွဗာရ်) အား နှလုံး ပိုက်နိုင်ကြ ပါစေသောဝ်။