ဒေါ်စု တိဘက် ဘုန်းတော်ကြီး ဒလိုင်းလားမားနဲ့ တွေ့ဆုံ

ဗွီအိုအေ မြန်မာပိုင်း

17.9.2013

မြန်မာ့ ဒီမိုကရေစီ ရေး လှုပ်ရှားမှု ခေါင်းဆောင် ဒေါ်အောင်ဆန်း စုကြည်ဟာ နိုဘဲလ် ငြိမ်းချမ်းရေး ဆုရှင် တိဘက် ဘုန်းတော်ကြီး ဒလိုင်း လားမားနဲ့ တနင်္ဂနွေ နေ့တုန်းက တွေ့ဆုံ ခဲ့ပါတယ်။

ချက်ပြည်သူ့ သမ္မတ နိုင်ငံမှာ ကျင်းပ နေတဲ့ Forum 2000 နိုင်ငံ တကာ ညီလာခံရဲ့ ဘေးပန်းမှာ ဘုန်းတော်ကြီး ဒလိုင်း လားမားနဲ့ ဒေါ်အောင်ဆန်း စုကြည်တို့ သီးခြား တွေ့ဆုံ ခဲ့တာ ဖြစ်တယ်လို့ Forum 2000 ညီလာခံ ပြောခွင့် ရသူက AFP သတင်း ဌာနကို အတည်ပြု ပြောခဲ့ ပါတယ်။

အခုလို တွေ့ဆုံ မှုဟာ မြန်မာ့ အိမ်နီးချင်း တရုတ် နိုင်ငံကို မကျေ မချမ်း ဖြစ်ဖွယ် ရှိတယ် လို့လည်း သ တင်း တွေမှာ သုံးသပ် ရေးသား ကြပါတယ်။ တရုတ် နိုင်ငံ အနေနဲ့က ဘုန်းတော်ကြီး ဒလိုင်း လားမားဟာ တိဘက် ခွဲထွက်ရေး သမား ဖြစ်တယ်လို့ စွပ်စွဲပြီး၊ သူနဲ့ အခြား နိုင်ငံ တကာ ခေါင်းဆောင်တွေ သံတ မန်တွေ တွေ့ကြတဲ့ အခါ ကန့်ကွက် ပြောဆိုလေ့ ရှိပါတယ်။

ဒေါ်အောင်ဆန်းစုကြည်နဲ့ ဘုန်းတော်ကြီး ဒလိုင်းလားမားတို့နှစ်ဦး ဒါဟာဒုတိယအကြိမ် တွေ့ဆုံ တာ ဖြစ် ပြီး၊ ပြီးခဲ့တဲ့နှစ် လန်ဒန်မှာ ပထမဆုံး အကြိမ် တွေ့ဆုံ ခဲ့ကြဖူး ပါတယ်။

ဒေါ်အောင်ဆန်း စုကြည်ဟာ စက်တင် ဘာလ ၁၅ ရက် ကစပြီး ချက်ပြည်သူ့ သမ္မတ နိုင်ငံမှာ ကျင်း ပ နေတဲ့ Forum 2000 နိုင်ငံ တကာ ညီလာခံ ဖွင့်ပွဲမှာ မိန့်ခွန်း ပြောဆို ခဲ့သလို၊ Forum 2000 ကို စပြီး ကမကထ ပြုခဲ့သူ ဖြစ်တဲ့ ကွယ်လွန်သူ ချက်သမ္မတ ဟောင်း Václav Havel ကိုလည်း သတိရ ဂုဏ်ပြု စကား ဆိုခဲ့ ပါတယ်။

ညီလာခံ ဒုတိယနေ့ ဖြစ်တဲ့ မနေ့ တနင်္လာနေ့ တုန်းကတော့ ဒေါ်အောင်ဆန်း စုကြည်ဟာ ညီလာခံ ရဲ့ ဆွေးနွေး ပွဲ တခု အတွင်း ကောင်းမွန်တဲ့ အရပ်ဘက် အုပ်ချုပ်ရေးနဲ့ ပတ်သက်လို့ ဟောပြော ဆွေးနွေး ခဲ့သလို၊ ချက်ပြည်သူ့ သမ္မတ နိုင်ငံ သမ္မတ Milos Zeman နဲ့လည်း သမ္မတ အိမ်တော်မှာ သီးခြား တွေ့ဆုံ ခဲ့ပါတယ်။