သမ္မတဟောင်း Carter ဦးဆောင်တဲ့ The Elders အဖွဲ့ မြန်မာ နိုင်ငံရောက်
 |
| အမေရိကန် သမ္မတဟောင်း Jimmy Carter။ |
ဒေါ်လှလှသန်း
24.9.2013
နိုဘဲလ် ငြိမ်းချမ်းရေး ဆုရှင် လည်းဖြစ် အမေရိကန် သမ္မတဟောင်း ဂျင်မီ ကာတာ (Jimmy Carter) ဦးဆောင်တဲ့ The Elders အဖွဲ့ဝင် သုံးဦးပါ ကိုယ်စားလှယ် အဖွဲ့ဟာ ဒီကနေ့ မြန်မာ နိုင်ငံကို ဆိုက်ရောက် ခဲ့ပါတယ်။ အထင် ကရ နိုင်ငံရေးနဲ့ လူမှုရေး ခေါင်းဆောင် တွေပါဝင်တဲ့ The Elders အဖွဲ့ရဲ့ သုံးရက်ကြာ ခရီးစဉ် အကြောင်းနဲ့ ပတ်သက်လို့ ဒေါ်လှလှသန်းက တင်ပြ ပေးပါမယ်။
အမေရိကန် သမ္မတဟောင်း ဂျင်မီကာတာ ဦးဆောင်တဲ့ The Elders အထင်ကရ ပုဂ္ဂိုလ်တွေ ပါဝင်တဲ့ ကိုယ်စားလှယ် အဖွဲ့ဟာ မြန်မာ နိုင်ငံကို ဒီကနေ့ ဆိုက်ရောက် ခဲ့ပါတယ်။ သုံးရက်ကြာ လက်ရှိ ခရီးစဉ်နဲ့ ပတ်သက်လို့လိုက်ပါ ဆောင် ရွက် ပေးနေတဲ့ မြန်မာနိုင်ငံ အခြေစိုက် Mango Media က ဒေါ်အေးနှင်းဆွေ က အခု လို ပြောပါတယ်။
“သုံးယောက် ပေါ့နော်၊ ကျမတို့ ဒီ Media Advisory ထဲမှာလည်း ရေးထား ပါတယ်။ အမေရိကန် သမ္မတဟောင်း Jimmy Carter ရယ်၊ ဖင်လန်နိုင်ငံ သမ္မတ ဟောင်း Martti Ahtisaari ရယ်၊ နော်ဝေး နိုင်ငံ ၀န်ကြီးချုပ် ဟောင်း၊ နောက် ကမ္ဘာ့ ကျန်းမာရေး အဖွဲ့ချုပ် ညွှန်ကြား ရေးမှူးချုပ် ဟောင်းလည်း ဖြစ်တဲ့ Gro Harlem Brundtland တို့ သုံးဦး ပါ ပါတယ်။ သူတို့ ဒီခရီးကို လာရတဲ့ အဓိက ရည်ရွယ်ချက် ကတော့ မြန် မာ နိုင်ငံရဲ့ နိုင်ငံရေး အရ ဒီမိုကရေစီ အသွင် ကူးပြောင်းပြီး လုပ်နေတဲ့ လုပ်ငန်း စဉ်တွေကို ပံ့ပိုး ကူညီ ဖို့ပေါ့။နောက်ပြီး အစိုးရနဲ့ လက်နက်ကိုင် အုပ်စုတွေကြား ငြိမ်းချမ်းရေး ဖြစ်စဉ် တွေကို တိုက်တွန်း အားပေး ဖို့ နဲ့ လူမှု အသိုင်းအ၀ိုင်း ထဲမှာ အချင်းချင်း ပြေလည်အောင် ကြိုးစားပြီး ညှိနှိုင်း အဖြေ ရှာဖို့ သူတို့ တတ်နိုင်တဲ့ ဘက်က အကူ အညီ ပေးဖို့၊ အဲဒီ အတွက်ကို ဒီခရီးကို လာကြ ပါတယ်။”
လက်ရှိ ခရီးစဉ် အတွင်း The Elders ကိုယ်စားလှယ် အဖွဲ့ဟာ မြန်မာ အစိုးရ ထိပ်တန်း ခေါင်းဆောင် ပိုင်း အပြင် အမျိုးသမီးများ အဖွဲ့ အစည်းတွေ အပါအ၀င် နိုင်ငံရေး၊ ဘာသာရေးနဲ့ အရပ်ဖက် လူ့အဖွဲ့ အ စည်း တွေနဲ့လည်း တွေ့ဆုံဖို့ ရှိပါတယ်။ ကချင် ငြိမ်းချမ်းရေး ကွန်ယက် အဖွဲ့ဟာ The Elders ကိုယ်စား လှယ် အဖွဲ့နဲ့ ကြာသ ပတေးနေ့မှာ တွေ့ဆုံ ဖို့ရှိတယ်လို့ သိရ ပါတယ်။
ကချင် ငြိမ်းချမ်းရေး ကွန်ယက် အဖွဲ့ကို မ တည်သူ လည်းဖြစ်၊ ညှိနှိုင်းရေး မှူးအဖြစ် ဆောင် ရွက် နေသူ လည်း ဖြစ်တဲ့ ဒေါ်ခွန်ဂျာ က အခုလို တွေ့ဆုံမှုနဲ့ ပတ်သက်လို့ ဗွီအိုအေကို ပြော ပါတယ်။
“သူတို့ရဲ့ ရည်ရွယ်ချက် ၂ ချက်ကလည်း ကျမတို့နဲ့ တော်တော်လေး ကိုက်ညီ ပါတယ်။ နံပါတ် ၁ က ဘာ လဲ ဆိုတော့ Democratic Transition Process ကို အဲ့ဒါကို ၂၀၁၅ Election အထိ ကောင်းမွန်အောင် လုပ်နိုင်ဖို့ ပံ့ပိုးမယ်။ ဒုတိယ တချက် ကတော့ Ceasefire ကနေ ပြီးတော့မှ Ethnic Group တွေနဲ့ Arm Groups တွေနဲ့ ငြိမ်းချမ်းရေး ရရှိသွားဖို့ ပံ့ပိုး ကူညီ သွားမယ် ဆိုတဲ့ ရည်ရွယ်ချက်နဲ့ မြန်မာ နိုင်ငံကို ဦး စား ပေးပြီး ရောက်ရှိ လာတယ် ပေါ့နော်။ ဆိုပြီးမှ ပြောထားတဲ့ အတွက် ကျမတို့နဲ့ တိုက်ရိုက် သက် ဆိုင် နေတယ်လို့ ယူဆတဲ့ အတွက်ကြောင့် တွေ့ဆုံဖို့ အတွက် ကျမတို့လည်း လက်ခံ ထားတာ ပါရှင်။”
“အဲတော့ အဓိက အားဖြင့် ဒီမှာ ကတော့ ကျမတို့ အနေနဲ့ ဘာဖြစ် လို့များ အခု အချိန် အထိ ငြိမ်း ချမ်းရေး ဆွေးနွေးပွဲမှာ အထူး သဖြင့် ကျမတို့ ကချင် အမျိုးသား ဖြစ်တဲ့ KIA နဲ့ Process မှာ ဘာတွေ ကများ အဟန့် အတား ဖြစ်နေလဲ၊ ဘာကြောင့်မို့လဲ ဆိုတဲ့ ကဏ္ဍကို ကျမတို့ တင်ပြ ပေးဖို့ ရှိပါ တယ် ။ နောက် တခုကတော့ Nationwide Ceasefire ပြုလုပ်ဖို့ ကဏ္ဍမှာ ကျမတို့ ကချင် လူမျိုး များရဲ့ အမြင်ကို တချက် ပြောပြ ပေးဖို့ ရှိပါတယ်။ အဲဒီ ကနေ ပြီးတော့မှ တကယ်တမ်း The Elders အဖွဲ့က ကျမ တို့ကို ဘယ်လို ပံ့ပိုး ကူညီ နိုင်မလဲ ဆိုတာကို တင်ပြဖို့ ရှိပါတယ်။”
“တကယ်တမ်း သူတို့အနေနဲ့ ဘယ်လို လုပ်နိုင်မလဲ ဆိုတာတော့ ကျမတို့ မသိ ဘူးပေါ့။ သို့သော် လည်းပဲ ကျမတို့ အမြင် ကနေ သူတို့ ဘယ်ကဏ္ဍက ပါဝင် နိုင်မလဲ ဆိုတာတော့ တောင်းဆိုဖို့ ရှိပါတယ်။ နောက် တခု ကတော့ အမျိုးသမီး များရဲ့ အခန်း ကဏ္ဍပေါ့၊ အခု အကုန်လုံးက ကျား ကျား ပဲ ဖြစ်နေ တယ်ရှင့်။ ညှိနှိုင်းတဲ့ ကဏ္ဍ တွေမှာ အမျိုးသမီး များရဲ့ အခန်း ကဏ္ဍ အင်မတန် နည်းနေတယ်။ သို့သော်လည်း စစ်ကြောင့် မို့လို့ ခံစားရတဲ့ ပုဂ္ဂိုလ် တွေဟာ အမျိုးသမီးနဲ့ ကလေးတွေ ပိုများ နေတယ်ပေ့ါ။ ဒါကြောင့်မို့ အဲ့ကဏ္ဍ ကိုလည်း တချက် ပြောပြ ချင်ပါတယ်။ အဲ့ဒါမျိုး ပါရှင်။”
၂၀၀၇ ခုနှစ်က တောင်အာဖရိက သမ္မတ ဟောင်းလည်းဖြစ် နိုဘဲလ် ငြိမ်းချမ်းရေး ဆုရှင်လည်း ဖြစ်တဲ့ နယ်လ်ဆင် မန်ဒဲလား မ တည်ခဲ့တဲ့ The Elders အဖွဲ့မှာ ငြိမ်းချမ်းရေး၊ တရား ဥပဒေ စိုးမိုးရေးနဲ့ ကမ္ဘာ တ၀ှမ်း လူ့အခွင့် အရေးနဲ့ ပတ်သက်လို့ အတွေ့ အကြုံ ရင့်ကျက်မှု အပြင် လွှမ်းမိုးမှု ရှိတဲ့ ပုဂ္ဂိုလ်တွေ ပါဝင်ကြတာ ဖြစ်ပါတယ်။ အဖွဲ့ဝင် ၁၁ ဦးနဲ့ ကုလသမဂ္ဂ အတွင်း ရေးမှူးချုပ်ဟောင်း ကိုဖီအာနန် က ဥက္ကဌ ဖြစ်ပါတယ်။
တချိန်က ဒီ The Elders အဖွဲ့မှာ ဒေါ်အောင်ဆန်း စုကြည်လည်း ပါဝင် ခဲ့တာ ဖြစ်ပေမဲ့ လက်ရှိ ရာထူး လက်ကိုင် မဖြစ်ဖို့ လိုအပ်တယ် ဆိုတဲ့ အချက်ကြောင့် မို့လည်း ၂၀၁၂ ခုနှစ်က ကော့မှူး မြို့နယ် လွှတ်တော် ကိုယ်စားလှယ် အဖြစ် ရွေးကောက် တင်မြှောက်ခြင်း ခံခဲ့ရတဲ့ ဒေါ်အောင်ဆန်း စုကြည်ဟာ The Elders အဖွဲ့ ကနေ အနားယူ ခဲ့ရတာလည်း ဖြစ်ပါတယ်။
၂၀၀၂ ခုနှစ်က နိုဘဲလ် ငြိမ်းချမ်းရေး ဆုရှင်လည်း ဖြစ်တဲ့ သမ္မတ ဟောင်း ဂျင်မီ ကာတာ အနေနဲ့ ဒါ ဟာ မြန်မာ နိုင်ငံကို ဒီနှစ် အတွင်း ဒုတိယ အကြိမ် လာရောက်တဲ့ ခရီးစဉ် လည်း ဖြစ်ပါတယ်။ ပထမ တခေါက် ဧပြီလက နှစ်ရက်ကြာ ခရီးစဉ် အတွင်း သမ္မတဟောင်း ကာတာဟာ သမ္မတ ဦးသိန်းစိန် နဲ့ ဒေါ်အောင်ဆန်း စုကြည် အပြင် လွှတ်တော် ဥက္ကဌတွေ စစ်တပ် အကြီး အကဲ ဗိုလ်ချုပ် မင်းအောင်လှိုင် အပြင် လူမှုနယ် တိုင်းရင်းသား အဖွဲ့ အစည်း ခေါင်းဆောင် တွေနဲ့လည်း တွေ့ဆုံ ခဲ့တာ ဖြစ်ပါတယ်။
လက်ရှိ ခရီးစဉ် အတွင်း နိုဘဲလ် ငြိမ်းချမ်းရေး ဆုရှင်လည်း ဖြစ်တဲ့ ဒေါ်အောင်ဆန်း စုကြည်နဲ့ The Elders အဖွဲ့ဟာ သီးခြား တွေ့ဆုံဖို့ ရှိတယ်လို့ သိရပါတယ်။ The Elders ကိုယ်စားလှယ် အဖွဲ့ဟာ ခရီးစဉ် အဆုံး ဖြစ်တဲ့ ၂၆ ရက်နေ့ မှာတော့ သတင်းစာ ရှင်းလင်းပွဲ ကျင်းပ ဖို့လည်း ရှိပါတယ်လို့ သိရပါတယ်။
