ဖွဲ့စည်းပုံ ပြင်ရေး ဆွေးနွေးပွဲ အချိန်မဆွဲဖို့ NLD တောင်းဆို

ကိုဇော်ဝင်းလှိုင် 

ဗွီအိုအေမြန်မာပိုင်း

2.12.2013 

မြန်မာ နိုင်ငံရဲ့ ၂၀၀၈ ဖွဲ့စည်းပုံ အခြေခံ ဥပဒေ ပြင်ဆင်ရေးနဲ့ ပတ်သက်ပြီး လိုအပ်ချက် အရ သမ္မတ ဦး သိန်းစိန်၊ ကာကွယ်ရေး ဦးစီးချုပ် ဗိုလ်ချုပ် မှူးကြီး မင်းအောင်လှိုင်၊ လွှတ်တော် တို့နဲ့ ၄ ပွင့်ဆိုင် တွေ့ဆုံ လိုကြောင်း NLD အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်း စုကြည်ရဲ့ မေတ္တာ ရပ်ခံ ချက်ဟာ အချိန် စောလွန်း နေသေးတဲ့ သဘောမျိုး အစိုးရ ပြောခွင့်ရ ပုဂ္ဂိုလ် ဦးရဲထွဋ်က တုံ့ပြန်တာနဲ့ ပတ်သက်လို့ NLD က ဒီကနေ့ ကြေငြာချက် ထုတ်ပြန် လိုက်ပါတယ်။ အစိုးရ ဘက်က တရားဝင် တုံ့ပြန်တာမျိုး မဟုတ် ဘဲ မီဒီယာတွေ ကတဆင့် ပြန်ကြားရေး ၀န်ကြီးဌာန ဒုတိယ ၀န်ကြီးလည်း ဖြစ်တဲ့ ဦးရဲထွဋ် အခုလို တုံ့ ပြန် ပြော ဆိုနေ တာဟာ ပြုပြင် ပြောင်းလဲ ရေးနဲ့ ဒီမိုကရေစီရေး အတွက် အနှောင့် အယှက် ဖြစ် တယ်လို့ NLD ဗဟို အလုပ် အမှုဆောင် အဖွဲ့ဝင် ဦးဉာဏ်ဝင်းက ပြောပါတယ်။ အပြည့် အစုံ ကိုတော့ ကိုဇော် ၀င်း လှိုင် က တင်ပြ ပေးထား ပါတယ်။

၂၀၀၈ဖွဲ့စည်းပုံ အခြေခံ ဥပဒေပြင်ဆင်ရေးနဲ့ ပတ်သက်လို့ လိုအပ်တာတွေကိုဆွေးနွေးတိုင်ပင်ရအောင် နိုင် ငံတော် သမ္မတ ဦးသိန်းစိန်၊ ကာကွယ်ရေး ဦးစီးချုပ် ဗိုလ်ချုပ် မှူးကြီး မင်းအောင်လှိုင်၊ လွှတ်တော် တို့နဲ့ ၄ ပွင့်ဆိုင် တွေ့ဆုံ လိုတဲ့ အကြောင်း NLD ဥက္ကဋ္ဌ ဒေါ်အောင်ဆန်း စုကြည်က နိုဝင်ဘာ ၂၃ ရက် နေ့စွဲနဲ့ သမ္မတ ထံကို မေတ္တာရပ် ခံစာ ပို့ခဲ့တာ ဖြစ်ပါတယ်။

ဒေါ်အောင်ဆန်း စုကြည်ရဲ့ မေတ္တာ ရပ်ခံချက်နဲ့ ပတ်သက်လို့ အခြေခံ ဥပဒေ လေ့လာ သုံးသပ်ရေး ကော် မီတီရဲ့ အစီရင် ခံစာ ထွက်လာ ပြီးမှ ပြန်လည် စဉ်းစား လုပ်ဆောင်သင့်တယ်လို့ သမ္မတက ပြောဆိုတဲ့ အကြောင်း နိုဝင်ဘာ ၂၈ ရက် နေ့က ဧရာဝတီ သတင်း ဌာနရဲ့ မေးမြန်းချက် အပေါ် တုံ့ပြန် ထားတာကို အစိုးရ ပြောခွင့်ရ ပုဂ္ဂိုလ် လည်းဖြစ်၊ ပြန်ကြားရေး ၀န်ကြီး ဌာန ဒုတိယ ၀န်ကြီးလည်း ဖြစ်တဲ့ ဦးရဲထွဋ်က သူ့ရဲ့ Facebook စာမျက်နှာမှာ ဖော်ပြ ထားတာပါ။

ဒါ့အပြင် သတင်း မီဒီယာ အတော် များများ မှာလည်း ဒေါ်အောင်ဆန်း စုကြည်နဲ့ အဲဒီလို တွေ့ဆုံဖို့ မလိုတဲ့ အကြောင်း ဦးရဲထွဋ်က ပြောဆိုတဲ့ အကြောင်း အစော ပိုင်းမှာ သတင်းတွေ ထွက်ခဲ့တာ ဖြစ်ပါတယ်။

အပြင်မှာ အဲဒီလို သတင်းတွေ ထွက်နေတာနဲ့ ပတ်သက်လို့ NLD က အချက် (၄) ချက်ပါ ကြေညာ ချက် ကို ဒီကနေ့ ရက်စွဲနဲ့ ထုတ်ပြန် လိုက်တာပါ။ သူတို့ အနေနဲ့ ဘာကြောင့် ကြေညာချက် ထုတ်ပြန် ရတယ် ဆိုတာနဲ့ ပတ်သက် လို့တော့ NLD ဗဟို အလုပ် အမှုဆောင် အဖွဲ့ဝင် ဦးဉာဏ်ဝင်းက အခုလို ရှင်းပြ ပါတယ်။

“တွေ့ဆုံဖို့ တောင်း ဆိုမှုကို တ ကယ်ဆောင်ရွက် ပေးနိုင် တာက နိုင်ငံတော် သမ္မတပဲ။ အဲဒီတော့ သမ္မတ ရယ်၊ လွှတ်တော်ရယ်၊ ကာချုပ်ရယ်၊ ဒီလို တွေ့ ဆုံခြင်း အားဖြင့် အကျိုး ရှိမယ်၊ ဖွဲ့စည်းပုံ အခြေခံ ဥပဒေ ပြင် ဆင်ခြင်း ဟာပြဿ နာတွေ အများကြီး ရှိနိုင် တာ ဟာတွေ့ဆုံ လိုက် လို့ ရှိ ရင် နည်းသွားမယ်။ ဒါကြောင့် တောင်း ဆိုတာ။ သူတို့က အခုက စာနဲ့ ကျနော်တို့ ဆီတော့ ဘာမှ မပြန် ပါဘူး။ ဒု-ဝန်ကြီး က ပြောကြား တယ် ဆို တဲ့ သ တင်း တွေပေါ်မှာ ကျနော်တို့ တော်တော် စိတ်မကောင်း ဖြစ်တယ်။ ဒါဟာ အားလုံး သိနေတယ်၊ လုပ်ဖို့လည်း လိုအပ် နေတာ ရှိရဲ့သားနဲ့ အချိန် တွေကို ရွှေ့နေ တယ်လို့ ကျနော်တို့ ခံစား ရတယ်။ နောက် တစ်ခုက ပြုပြင် ပြောင်းလဲ မှုနဲ့ ဒီမိုကရေစီရေး အတွက်လည်း ဒါဟာ အနှောင့် အယှက် ပဲလို့ ယူဆတယ်။ အဲဒါကြောင့် ကျနော်တို့ ဒီကြေညာ ချက်ကို ထုတ်တာ။”

အစိုးရ ဘက်က သူတို့ကို တ ရားဝင် တုံ့ပြန်ခြင်း မရှိဘဲ ပြော ခွင့်ရ ပုဂ္ဂိုလ်က ပြင်ပ မီဒီယာ တွေမှာ အလွတ် သဘော ပြောဆို နေ တာတွေ အပေါ် တာဝန်ယူ ရမှာ ဖြစ် တယ် လို့ ဦးဉာဏ် ၀င်း က ပြော ပါတယ်။

NLD ဥက္ကဋ္ဌ ဒေါ်အောင်ဆန်း စုကြည်ရဲ့ အခုလို ကမ်းလှမ်း ချက်ဟာ ပြည်ထောင်စု လွှတ်တော် ကို ကျော် လွန်ပြီး တောင်းဆိုတာ ဖြစ်တဲ့အတွက် မသင့်တော် သေးဘူးလို့ ပြော ဆိုမှု တွေရှိ နေ တာနဲ့ ပတ်သက် လို့ လည်း အစိုးရ အနေနဲ့ မတွေ့ ချင်လို့ တမင် ပြောဆို တာမျိုး ဖြစ်နိုင် တယ်လို့ ဒေါ်အောင် ဆန်း စုကြည် က သူ့ရဲ့ သြစတေးလျ ခရီးစဉ် အတွင်း ရေဒီယို သြစတြေးလျ အသံလွှင့် ဌာနနဲ့ ပြုလုပ် တဲ့ တွေ့ ဆုံ မေး မြန်း ခန်း အတွင်း တုံ့ပြန် ပြောဆို ခဲ့ပါတယ်။

“ဒါကတော့ အဲဒီလို တွေ့ဆုံပွဲကို မလိုလားလို့-လို့ပဲ ကျမ ကတော့ ဒီလိုပဲ ပြတ်ပြတ် သားသား ပြောရမှာပဲ။ ဘာဖြစ်လို့လဲ ဆိုတော့ လိုလားလို့ ရှိရင် ဒီလို မတွေ့ဆုံ စရာ အကြောင်း ဘာမှ မရှိပါဘူး။ ဘာဖြစ်လို့လဲ ဆိုတော့ ပြည်ထောင်စု လွှတ်တော်ကို ကျော်လွှား သွားတယ်လို့၊ မကျော် ချင်ဘူးလို့ ပြောရ အောင်လို့ ဒီထဲ မှာ လွှတ်တော် ပါဝင် ပြီးသား၊ ပြည်ထောင်စု လွှတ်တော် နာယက ပါရမှာပေါ့။ ပြည်ထောင်စု လွှတ်တော် နာယက ပါပြီးမှ ပြည်ထောင်စု လွှတ်တော်ကို ကျော်သွား ချင်လို့-လို့ ပြောစရာ အကြောင်း မရှိပါ ဘူး။ ကျမ တို့ ရည်ရွယ် ချက်က ပြည်ထောင်စု လွှတ်တော် ကနေပြီးတော့ လုပ်နေတဲ့ အလုပ်ကို ပံ့ပိုးဖို့ပါ။ ဒီအလုပ်က ပိုပြီးတော့ ချောမွေ့ဖို့ အတွက် ဆိုပြီးတော့ ကြိုတင် ရည်ရွယ်တဲ့ အနေနဲ့ တွေ့ဆုံ ဆွေးနွေး ပွဲကို တောင်း ဆိုတာ ဖြစ်ပါတယ်။ အဲဒီတော့ ကျမအနေနဲ့ ကတော့ ရှောင်ချင်လို့ ရှောင်တာ လို့ပဲ ပြောရ မှာပဲ။”

ဒီ ကိစ္စ မှာ တပ် မတော်ရဲ့ အခန်း ကဏ္ဍက အရေးကြီး တဲ့ အတွက် သူတို့ အနေနဲ့ ၄ ပွင့် ဆိုင်တွေ့ ဆုံ ဆွေးနွေးရေး ပြု လုပ်ဖို့ တောင်း ဆို နေတာ ဖြစ်တဲ့ အကြောင်း ဒေါ်အောင်ဆန်း စုကြည်က ဆက်ပြော ပါတယ်။

“အဲဒီတော့ အခုန ကပြော သလိုပဲ၊ တပ်မတော်ရဲ့ ကဏ္ဍက လည်း သိပ် ပြီးတော့ အရေးကြီး ပါတယ်။ ဒါကြောင့် မို့လို့ ကျမ တို့ ကလေး ပွင့်ဆိုင် ဆိုတာ တကယ်တော့ ပြော ရမယ် ဆိုရင် အုပ်ချုပ်ရေး မဏ္ဍိုင် ရယ်၊ လွှတ်တော် ဆို တာတော့ဥပဒေပြု မဏ္ဍိုင်ရယ်၊ နောက်ပြီးတော့ တပ်မတော်ရယ်၊ ကျမတို့ ကတော့ နိုင်ငံရေး ပါတီ တစ်ခု ဆိုပြီးတော့ ပါတီ ၅၈ ခုရှိတဲ့ အထဲမှာ တစ်ခုတည်းက တွေ့လို့ မသင့်တော် ဘူး ဆိုတဲ့ အကြောင်း ပြချက်လည်း ကျမ ကြားလိုက် ပါ တယ်။ ဒါဟာ ကျမ ဘာသွား သတိရလဲ ဆိုတော့ ၁၉၉၈ ခုနှစ် လောက်တုန်းက ကျမတို့ အနေနဲ့ နဝတနဲ့ NLD နဲ့ တွေ့ဆုံဖို့၊ ဆွေးနွေးဖို့ ဆို ပြီးတော့ တောင်းဆိုတဲ့ အခါမှာ ဒီလို သဘောမျိုးနဲ့ တုံ့ပြန်ခဲ့ ပါတယ်။ ပါတီပေါင်း ၂၀၀ ကျော် ရှိတာမှာ ပါတီ တစ်ပါတီ တည်း နဲ့ တွေ့လို့ မသင့်တော်လို့ စသဖြင့် ပေါ့နော်- တကယ်တော့ မတွေ့ချင်လို့ မတွေ့တာ လို့ပဲ ဒီလိုပဲ ကျမ ပြော ရ မှာပဲ။”

၂၀၀၈ ဖွဲ့စည်းပုံ ပြင်ဆင်ရေးနဲ့ ပတ်သက်လို့ အခုလို အတိုက်အခံ နိုင်ငံရေး ပါတီ တွေနဲ့ အုပ်ချုပ်ရေး အဖွဲ့ အစည်းတွေ အကြား သဘောထား ကွဲပြား မှုတွေ ဖြစ်ပေါ်ပြီး အချိန် ကြန့်ကြာ မှုတွေ ဖြစ်ပေါ် နေပေ မယ့် လည်း ပြည်သူ အများစု ကတော့ ဖွဲ့စည်းပုံကို အမြန်ဆုံး ပြင်ဆင်ပြီး တိုင်းပြည် အတွက် အရေးကြီးတဲ့ တခြား ပြုပြင် ပြောင်းလဲ မှုနဲ့ ဖွံ့ဖြိုးရေး လုပ်ငန်း တွေကို အမြန်ဆုံး လုပ်ဆောင် လိုနေ ကြတာ ဖြစ်ပါတယ်။

NLD ကတော့ လွန်ခဲ့တဲ့ လပိုင်း အတွင်း စတင်ပြုလုပ် ခဲ့တဲ့ ဖွဲ့စည်းပုံ အခြေခံ ဥပဒေ ပြင်ဆင်ရေး၊ အ သစ် ရေးဆွဲရေး ဆိုင်ရာ လူထု သဘောထား ကောက်ခံမှု တွေက ရရှိလာတဲ့ စစ်တမ်း တွေကို အခုလ အ တွင်း လွှတ်တော် အခြေခံ ဥပဒေ လေ့လာ သုံးသပ်ရေး ကော်မီတီကို တင်သွင်း မယ်လို့ ပြောပါတယ်။