ပဒင်းကျေးရွာအုပ်စု တာဝန်ခံနှင့် ရဲများပူးပေါင်း၍ လူကုန်ကူးမှု လုပ်ငန်း လုပ်ကိုင်လျက်ရှိ
RB News
16.2.2014
မောင်တော ။ ။ ရခိုင်ပြည်နယ်၊ မောင်တောမြို့နယ်၊ ပဒင်း ကျေးရွာအုပ်စု တာဝန်ခံနှင့် မကျီးချောင်း အခြေစိုက် လုံထိန်း စခန်းမှူးတို့ ပူးပေါင်း၍ လူကုန်ကူးမှု လုပ်ငန်းကို ပေါ်ပေါ်တင်တင် လုပ်ကိုင်လျက် ရှိသည့်အပြင် ဒေသခံ များကိုလည်း မဟုတ်မမှန် စွပ်စွဲပြီး ငွေညှစ်လျက် ရှိကြောင်း သတင်း ရရှိပါသည်။
မောင်တောမြို့နယ်၊မကျီးချောင်းကျေးရွအခြေစိုက်လုံထိန်းကင်းစခန်းမှ စခန်းမှူး ရဲအုပ်မျိုးဝင်း၊ ပဒင်း ကျေး ရွာ အုပ်စု တာဝန်ခံ ဦးမာမတ်ရှော်ဖီနှင့် အခြား လူကုန်ကူးသည့် အာဏာပိုင်များ ပူးပေါင်း၍ လူတစ်ဦး ထံမှ စက်လှေခ ငွေကျပ် ၅ သောင်းစီ ယူကာ မလေးရှား နိုင်ငံသို့ ပို့ဆောင်လျက် ရှိကြောင်း ဒေသခံများက RB News သို့ပြောပါသည်။ မလေးရှား နိုင်ငံသို့ သွားမည့်သူပေါင်း တစ်ထောင်ကျော်ကို စုဆောင်း ထား သည် ဟု မျက်မြင် သက်သေ များက ပြောပါသည်။
ဖေဖော်ဝါရီလ ၁၁ ရက်နေ့က ဘင်္ဂလားဒေ့ရှ် နိုင်ငံ၊ စိန့်မာတင်ကျွန်း အနီး ပင်လယ်ပြင်တွင် ဘင်္ဂ လားဒေ့ရှ် ရေကြောင်း လုံခြုံရေး အဖွဲ့မှ ဖမ်းဆီးမိသည့် ၁၈၃ ဦးမှာလည်း ၎င်းတို့မှ စက်လှေဖြင့် တင်ဆောင် ပေး ခဲ့သူများ ဖြစ်သည်ဟု ဒေသခံ များက ပြောပါသည်။ စက်လှေများဖြင့် မလေးရှား နိုင်ငံသို့ ထွက်ခွာသူ အများစုမှာ မကျီးချောင်းမှ တဆင့်ထွက်ခွာ နေခြင်း ဖြစ်သည်ဟု ဆိုသည်။
လူကုန်ကူးမှု လုပ်ငန်းအပြင် ဒေသခံများကို မဟုတ်မမှန် စွပ်စွဲ၍ ငွေညှစ်လျက်ရှိရာ ကောင်းတကာရွာမှ မာမတ်ရှော်ရိဖ် (ဘ) ဦးမာမတ်ဆုလ်တာန်အား တစ်ရွာတည်းနေ ဦးမာမတ်ရှော်ဖီ၏ သမီးကို လျှို့ဝှက် လက်ထပ်ထားသည်ဟု စွပ်စွဲ၍ ဖမ်းဆီး ချုပ်နှောင်ကာ ငွေကျပ် ၇ သိန်းယူ၍ ပြန်လည် လွှတ်ပေးခဲ့သည်။ လွန် ခဲ့ သည့် ဒီဇင်ဘာလ ၂၅၊ ၂၀၁၃ နေ့တွင်လည်း ကညင်တန်းရွာရှိ ဦးရှကူရ် အိမ်သို့ အလည်အပတ် လာရောက် ခဲ့သည့် မောင်နီရွာသား ဖေရုစ်ခါန် (ဘ) ဦးမာမတ်အာမီးန် ကိုလည်း ဧည့်စာရင်း တိုင်ခြင်း မရှိ ဟု စွပ်စွဲပြီး ငွေကျပ် ၂၇၅၀၀၀ ညှစ်ယူ ခဲ့သည်။ ထို့အပြင် ဒုညောင်ပင်ကြီး ကျေးရွာ မြောက်ရွာနေ အီလ် ယာစ် (ဘ) ဦးကာလာကို ကညင်တန်းရွာမှ ဦးဆုလ်တာန်၏ သမီးနှင့် တရားမ၀င် ပေါင်း သင်း နေ သည်ဟု စွပ်စွဲ၍ ဖမ်းဆီးပြီး ငွေကျပ် ၂ သိန်း ယူ၍ ပြန်လည် လွှတ်ပေး ခဲ့သည်။
ရေဖုန်းပြင် ရွာမှ ဒေါ်အမီနာ (ဘ) ဦးမာမတ်ဟူစိန်း၏ အိမ်ခြံမြေ ၀.၀၉ ဧကကိုလည်း ၎င်းရွာမှ ဦးဆွေ တာလမ် (ဘ) ဦးဖော်ဇိလ်အာမတ်ကို ငွေကျပ် ၆ သိန်းဖြင့် ရောင်းချ ခဲ့ကြောင်း ဒေသခံ များက RB News သို့ပြောပါသည်။ ထိုကဲ့သို့ ငွေညှစ်ခြင်းများ၊ ဒေသခံ များမှ ပိုင်ဆိုင်မှု များကို မတရားသဖြင့် သိမ်းပိုက် ၍ ရောင်း ချခြင်း များကို မကျီးချောင်း လုံထိန်း စခန်းမှူးနှင့် ပဒင်း ကျေးရွာ အုပ်စု တာဝန်ခံတို့ ပူးပေါင်း၍ လုပ်ဆောင် ခဲ့ကြောင်း သိရှိ ရပါသည်။
