ရသေ့တောင်၌ ကင်းစောင့်နေသည့် ရွာသားများကို စစ်သားတစ်ဦးက လူမဆန်စွာ ထိုးကြိတ်
RB News
16.2.2014
ရသေ့တောင် ။ ။ ရခိုင်ပြည်နယ်၊ ရသေ့တောင် မြို့နယ်၊ ကိုးတန်ကောက် ကျေးရွာ အုပ်စု၊ ချိန်ခါ လီ ကျေး ရွာတွင် ရွာလုံခြုံရေး တာဝန်ယူ၍ ကင်းစောင့်နေသည့် ဒေသခံ ရွာသား ၄ ဦးကို စစ်သား တစ်ဦး က လူမ ဆန်စွာ ထိုးကြိတ် ရိုက်နှက် ခဲ့ကြောင်း သတင်း ရရှိပါသည်။
ဖေဖော်ဝါရီလ ၁၅ ရက်နေ့ ည ၁၀ နာရီ အချိန်တွင် ရသေ့တောင် မြို့နယ်၊ ကိုးတန်ကောက် ကျေးရွာ အုပ်စု၊ ချိန်ခါလီ ကျေးရွာတွင် ရွာလုံခြုံရေး တာဝန်ယူ၍ ကင်းစောင့်နေသည့် ဦးဟာဆူ (ဘ) ဦးအဒူရာမန် အပါအ၀င် ဒေသခံ ရွာသား (၄) ဦးကို အမှတ် (၂၃၄) တပ်မတော် တပ်ရင်းမှ စစ်သား တစ်ဦးက အကြောင်းမဲ့ လူမဆန်စွာ ထိုးကြိတ် ရိုက်နှက် ခဲ့ကြောင်း ဒေသခံ တစ်ဦးက RB News သို့ပြောပါသည်။
အဆိုပါ စစ်သားသည် ရွာထဲသို့ တပ်ရင်းမှ အဖွဲ့ဖြင့် ရောက်ရှိ လာခြင်း ဖြစ်ပြီး၊ အကြောင်းပြချက် တစ်စုံ တစ်ရာ မရှိဘဲ ရိုက်နှက် ခဲ့ခြင်း ဖြစ်ပြီး၊ လူမဆန်စွာ ထိုးကြိတ်မှုကြောင့် ဦးဟာဆူ၏ သွား (၄) ချောင်း ကျိုး သွားကြောင်း သိရှိ ရပါသည်။
ယခုကဲ့သို့ လူမဆန်စွာ ထိုးကြိတ် ရိုက်နှက်ခြင်းကို ခုခံ ကာကွယ် ပိုင်ခွင့် ရှိသော်လည်း၊ ပြန်လည် ခုခံပါက အာဏာပိုင် များက ဖြစ်စဉ်ကို ပြောင်းပြန် ပြုလုပ်မည် ဖြစ်သော်ကြောင့် သည်းခံ ခဲ့ရပြီး၊ ဥပဒေ အရ တရား မျှတမှုကို တောင်းဆိုလျှင်လည်း အစိုးရမှ ချမှတ် ထားသည့် ဥပဒေသည် ရိုဟင်ဂျာ လူမျိုး များကို ကာ ကွယ်ပေးခြင်း မရှိဟု ဒေသခံ များမှ ပြောပါသည်။
