မောင်တောမြို့မှ ရွာများကို ဓာတုပစ္စည်းများ သုံး၍ မီးရှို့ဟု ဒေသခံများပြော

RB News
11.3.2014

မောင်တော ။ ။ ရခိုင်ပြည်နယ်၊ မောင်တောမြို့နယ်တွင် ယမန်နေ့ (မတ်လ ၁၀ ရက်) က ရွာ ၃ ရွာတွင် မီးလောင်မှု ဖြစ်ပွားခဲ့ပြီး၊ ဒေသခံ ရိုဟင်ဂျာများက ၎င်းတို့၏ အိမ်များကို ရခိုင် အစွန်းရောက်များက ဓာတုပစ္စည်းများ သုံး၍ မီးရှို့ခြင်း ဖြစ်သည်ဟု ဆိုသည်။ ယမန်နေ့က အိမ်ခြေ ၁၁၃ လုံး မီးလောင် ဆုံးရှုံးခဲ့ရကြောင်း သတင်း ရရှိပါသည်။

မတ်လ ၁၀ ရက်နေ့ နေ့လည် ၁ နာရီ အချိန်တွင် မောင်တောမြို့နယ် မြောက်ပိုင်း၊ လောင်းဒုံး ကျေးရွာ အုပ်စု၊ ဆင်သေပြင် အရှေ့ရွာတွင် ဦးရော်ရှိတ်ဒုလ္လာ နေအိမ်၏ ခေါင်မိုးမှ မီးစတင် လောင်ကျွမ်းခဲ့ပြီး၊ ဆင်သေပြင် အရှေ့ရွာရှိ အိမ်ခြေ ၄၀ မီးလောင် ဆုံးရှုံးခဲ့ရသည်။

“မီးလောင်တဲ့ အချိန်မှာ ဦးရော်ရှိတ်ဒုလ္လာနဲ့ မိသားစုက ထမင်းစား နေတာပါ။ အဲဒီအချိန်မှာ သူ့ရဲ့ အိမ်ခေါင်မိုးကနေ မီးလောင်လာတယ်။ မီးလောင်တာကြောင့် သူ့ရဲ့ အမေအိုနဲ့ ၇ နှစ်သားတို့ ဒဏ်ရာရသွားတယ်။ အိမ် ၄ အိမ် မီးလောင်ပြီးတော့ ၁၀ အိမ်ခြားပြီး တစ်ခါ လောင်တယ်။ မီးလောင်အား အရမ်းပြင်းတယ်။ တစ်အိမ်နဲ့ တစ်အိမ် အတော်လေး ဝေးပါတယ်။ အဲဒီမှာ မီးကူးစက်ပြီး လောင်တယ်ဆိုတော့ အံ့သြစရာ အလွန်ကောင်း ပါတယ်။ သာမာန် အားဖြင့် ရွာတွေမှာ ပေါ့ဆမီးကြောင့် လောင်တယ်ဆိုရင် တစ်အိမ်၊ နှစ်အိမ်ထက် ပိုမလောင်ဘူး။ ၁၀ အိမ်ခြား လောင်တဲ့ အခါမှာတော့ အရှေ့ရွာ တစ်ရွာလုံး ပြာကျသွားပါတယ်။ အိမ်ခြေ အားလုံး ၄၀ ရှိပါတယ်။ ၄၀ လုံး ပါသွားတာပါ။ အိမ်တွေကတော့ ဓနိ၊ သက်ကယ်မိုး ဆိုတော့ ပိုဆိုးတာပေါ့။ ဦးရော်ရှိတ်ဒုလ္လာရဲ့ ဇနီးကို ရဲတွေက ဖမ်းပြီး ကြိမ်ချောင်း ရဲစခန်းကို ခေါ်သွားတယ်” ဟု ဒေသခံ တစ်ဦးက RB News သို့ဖြစ်ပါသည်။

လောင်းဒုံးကျေးရွာ အုပ်စု၊ ဆင်သေပြင် အရှေ့ရွာ မီးလောင်ပြီးနောက် ပေ ၁၀၀ ကျော် ချောင်းခြားသည့် ငါးစားကြူး ကျေးရွာအုပ်စု၊ ဖန်မြောင်းရွာတွင် မီးစတင် လောင်ကျွမ်း ခဲ့ပြီး အိမ်ခြေ ၇၂ လုံးနှင့် ဆိုင်ခန်း ၃ ခန်း မီးလောင်ကျွမ်း သွားကြောင်း သိရှိ ရပါသည်။ မီးလောင်မှုကြောင့် နွားတစ်ကောင်၊ ဆိတ်တစ်ကောင်၊ စပါးကြိတ်စက် တစ်လုံး၊ ရေစုပ်စက် နှစ်လုံး၊ စပါးတင်း ၈၀၀ နှင့် ဆန်အိတ် ၅၀၀ နှင့်အတူ ဒေသခံ ရွာသားများ၏ ပိုင်ဆိုင်မှုများ အားလုံး ဆုံးရှုံးခဲ့ရသည်။ ဖန်မြောင်းရွာတွင် အိမ်ခြေ ၁၂၃ လုံး ရှိရာမှ ၇၂ လုံး မီးလောင် ဆုံးရှုံး သွားခြင်း ဖြစ်သည်။

မီးလောင်ပြီးသည့် နောက်တွင် ဒေသဆိုင်ရာ အာဏာပိုင်များ ရောက်ရှိ လာခဲ့ပြီး မီးဘေး ဒုက္ခသည် များကို ရွာထဲမှ အပြင်သို့ မထွက်ရန် ရွာထဲတွင်သာ တဲထိုး၍ နေရန် မှာကြားခဲ့ပြီး၊ အခြား မည်သည့် အကူအညီမှ မပေးခဲ့ဟု ဒေသခံများက ပြောပါသည်။ မီးလောင်မှုကြောင့် ၃၆၂ ဦး အိုးမဲ့အိမ်မဲ့ ဖြစ်ပွားခဲ့သည်။

ဆင်သေပြင်ရွာသည် လောင်းဒုံး ကျေးရွာ၏ မြောက်ဘက်၊ ကြိမ်ချောင်း ကျေးရွာ၏ တောင်ဘက်၊ ငါးစားကြူး ကျေးရွာ၏ အရှေ့ဘက်တွင် တည်ရှိပြီး၊ ရွာ၏ တဖက်လမ်းတွင် ရခိုင် န.တ.လ ရွာရှိသည်။ ယခင်ကလည်း ရခိုင်များက ရခိုင်လူသေ အလောင်း တစ်လောင်းကို ဆင်သေပြင်ရွာတွင် လာထား၍ ပြဿနာ ဖန်တီးရန် ကြိုးစားခဲ့ဖူးသည်။

မီးလောင်ရခြင်းနှင့် ပတ်သက်၍ ဒေသခံ တစ်ဦးက “ကျွန်တော်တို့ ဆင်သေပြင်ရွာကို ၁၂ နာရီ မိနစ် ၂၀ လောက်မှာ ရခိုင် န.၀.တ ရွာက အသက် ၅၀ အရွယ် အမျိုးသမီး တစ်ဦးနဲ့ အသက်ငယ်ငယ် အမျိုးသမီး တစ်ဦးတို့ အလှကုန် ပစ္စည်း ရောင်းဖို့ လာခဲ့တယ်။ သူတို့ ထွက်သွားပြီး မကြာဘူး၊ မီးစလောင်တာပါ။ မီးလောင်နေတဲ့ အချိန်မှာ န.တ.လ ရွာက ရဲတွေလာပြီး မီးငြိမ်းနေတဲ့ လူတွေကို မီးမငြိမ်းဖို့ တားခဲ့တယ်။ အခု မီးလောင်တာမှာ ဓာတု ပစ္စည်းတွေ သုံးပြီး အဝေးထိန်း ခလုတ်တွေနဲ့ လုပ်တယ်လို့ ကျွန်တော်တို့ ယူဆ သလို၊ အဲဒီလို အဝေးထိန်း ခလုတ်တွေနဲ့ ဖြတ်သန်း သွားလာတဲ့လူကို မြင်တဲ့ လူလည်း ရှိပါတယ်။ မီးလောင်အားက သာမာန် မီးလောင်အား မဟုတ်တာ သေချာတယ်။ အိမ်တွေလည်း တစ်အိမ်နဲ့ တစ်အိမ် အတော်လေး လှမ်းပါတယ်” ဟု RB News သို့ပြောပါသည်။

မတ်လ ၁၀ ရက်နေ့က ကြိမ်ချောင်း ဈေးနေ့ဖြစ်ပြီး ရွာရှိ အမျိုးသား အများစုမှာ ဈေးတွင် ရှိနေခဲ့သည့် အတွက် အမျိုးသမီး များနှင့် ကလေးများမှာ ကိုယ်လွတ်ရုန်း ခဲ့ရသောကြောင့် ဖျက်ဆီး ဆုံးရှုံးမှု ပိုမိုများပြား ခဲ့သည်ဟု ဆိုသည်။

ထို့အပြင် ညပိုင်းတွင် မောင်တောမြို့နယ် မြောက်ပိုင်း ၀က်ကျိန်း ကျေးရွာတွင်လည်း ဦးရှဘီရ် အာမတ်၏ နေအိမ် တစ်လုံး မီးလောင် ခဲ့ကြောင်း သိရှိရပါသည်။

“ကျွန်တော်တို့ စုံစမ်း သိရှိရသလောက် ရခိုင် အစွန်းရောက် အုပ်စု ဖြစ်တဲ့ ဒေါက်တာအေးမောင်ရဲ့ RNDP ပါတီက အိန္ဒိယ ကနေ ဓာတု ပစ္စည်းတွေ ၀ယ်လာတယ်လို့ ကြားတယ်။ ရခိုင်တွေထဲမှာလည်း ကျွန်တော်တို့ရဲ့ ဒုက္ခတွေကို စာနာတဲ့ ရခိုင်တွေ ရှိပါတယ်။ ကျွန်တော်တို့နဲ့ အခု အချိန်ထိ မိသားစုလို နေတဲ့ ရခိုင် ဗုဒ္ဓဘာသာဝင်တွေ ရှိပါတယ်။ အဲဒီတော့ အစွန်းရောက် အုပ်စုတွေရဲ့ လှုပ်ရှားမှုတွေကို ဆင်ခြင်နိုင်ဖို့ သတိပေးတဲ့ မိတ်ဆွေကောင်းတွေ ရှိပါတယ်။ မနေ့က လောင်ကျွမ်းတဲ့ မီးက သာမာန် ဓါတ်ဆီ သုံးပြီး ရှို့တဲ့ မီးမဟုတ်ဘဲ ဓာတု ပစ္စည်း သုံးပြီး ရှို့တာ သေချာပါတယ်” ဟု ဒေသခံ တစ်ဦးက RB News သို့ပြောပါသည်။