သန်းခေါင်စာရင်းမှာ ရိုဟင်ဂျာလို့သာ ဖြည့်မှာပါ

အယ်ဒီတာ့အာဘော်
RB News
7.3.2014

စစ်တွေမြို့မှာ လ.၀.က ၀န်ကြီး ဦးခင်ရီက သန်းခေါင်စာရင်း ကောက်တဲ့အခါ ရိုဟင်ဂျာလူမျိုးလို့ မဖြည့်ဖို့ ခြိမ်းခြောက် ပြောဆိုပြီးတဲ့ နောက်မှာ ရခိုင် တိုင်းရင်းသားများ တိုးတက်ရေးပါတီ (RNDP) ကလည်း ခြိမ်းခြောက်တဲ့ ကြေညာချက် တစ်စောင် ထုတ်ပါတယ်။ ဦးခင်ရီနဲ့ RNDP တို့ရဲ့ ပူးပေါင်းမှု ရှိနေတယ်လို့ ဆိုနိုင်ပါတယ်။ တစ်ခါ လ.၀.က ဒုဝန်ကြီး ဦးဝင်းမြင့်ကလည်း မောင်တောမြို့နယ်မှာ ရိုဟင်ဂျာ ရပ်မိရပ်ဖတွေနဲ့ တွေ့ဆုံပြီး ရိုဟင်ဂျာလူမျိုး မဖြည့်ဖို့ သွယ်ဝိုက် ပြောဆိုသွားခဲ့တယ်။ အခြား ပြည်နယ်နဲ့ တိုင်းတွေမှာ ရှိတဲ့ တိုင်းရင်းသားတွေကလည်း ဦးခင်ရီက သန်းခေါင်စာရင်း ကောက်ခံမှုကို အခွင့်အရေး ယူပြီး နိုင်ငံရေး အမြတ်ထုတ်နေတယ်လို့ ပေါ်ပေါ်တင်တင် စွပ်စွဲ နေကြပါပြီ။

တန်းတူ အခွင့်အရေး မရှိဘဲ အမြဲ အကြမ်းဖက်ခံ နေရတဲ့ ရိုဟင်ဂျာတွေ အတွက် အကြမ်းဖက်ခံ ရလိမ့်မယ် ဆိုတဲ့ ခြိမ်းခြောက်မှုက အလွန်ခါးသက် နေပါတယ်။ အဲဒါကို ဦးခင်ရီက အခွင့်ကောင်းယူပြီး ခြိမ်းခြောက်လို့ ရိုဟင်ဂျာ မဖြည့်ရင် နိုင်ငံရေးအရ တကယ့် အမြတ်ဘဲ ဆိုတဲ့ ပေါ်လစီနဲ့ လုပ်နေတာ ဖြစ်ပါတယ်။

ကျွန်တော်တို့ ရိုဟင်ဂျာလူမျိုးက သမိုင်းကြောင်း ခိုင်မာသူတွေ ဖြစ်ပြီး၊ RNDP ကရေးထားသလို ခိုးဝင်ဘင်္ဂလီများ မဟုတ်ဘူးဆိုတာ တစ်ကမ္ဘာလုံး သိကြတယ်။ ပြည်တွင်းမှာသာ ကျွန်တော်တို့ရဲ့ သမိုင်းကြောင်းကို အမှောင်ချပြီး အများ အမြင်မှားအောင် လုပ်ကြံနေကြခြင်း ဖြစ်ပါတယ်။ အစိုးရနဲ့ RNDP ပူးပေါင်းပြီး အုပ်စုဖွဲ့ အနိုင်ကျင့်နေခြင်းသာ ဖြစ်တယ်လို့ ဆိုရင် မမှားပါဘူး။ ရိုဟင်ဂျာ သမိုင်းကြောင်းနဲ့ ပတ်သက်ပြီး နိုင်ငံတကာ ပညာရှင်တွေ ရှေ့မှာ ဖြေရှင်းဖို့ အကြိမ်ကြိမ် စိန်ခေါ်ခဲ့ ပေမယ့်လည်း ဘယ်တုန်းကမှ တုန့်ပြန်ခြင်း မရှိခဲ့ဘူး။ အဲဒါ ဘာကြောင့်လဲ ဆိုတော့ သမိုင်းမှန်ကို မြန်မာပြည်သူတွေ သိသွားရင် နိုင်ငံရေး ကစားကွက် တစ်ခု ပျောက်သွားမှာ စိုးလို့သာ ဖြစ်ပါတယ်။

ရိုဟင်ဂျာလူမျိုး ဆိုတာ ၁၈၂၃ ခုနှစ် မတိုင်မှီကတည်းက အာရ်ကာန် ဒေသ (ယခု ရခိုင်ပြည်နယ်) မှာ ရှိခဲ့တဲ့ အထောက် အထား ခိုင်ခိုင်မာမာ ရှိသလို၊ မြန်မာနိုင်ငံ လွတ်လပ်ရေး ရပြီးနောက်ပိုင်း ပါလီမန် ဒီမိုကရေစီ အစိုးရ လက်ထက်မှာ တရားဝင် တိုင်းရင်းသား ဖြစ်ခဲ့ပါတယ်။ မြန်မာ့အသံက ထုတ်လွှင့်ခဲ့တဲ့ တိုင်းရင်းသား လူမျိုးစုများရဲ့ အသံများ အစီအစဉ်မှာ ရိုဟင်ဂျာပါခဲ့သလို ယနေ့ အချိန်ထိ တက္ကသိုလ် ပညာသင်ရိုးများ မှာလည်း ရိုဟင်ဂျာဆိုတာ ရှေးဦးကျတဲ့ လူမျိုးစု တစ်စု အဖြစ် ပါဝင်နေဆဲပါ။ ၁၉၇၈ ခုနှစ်က နဂါးမင်း စီမံချက်လုပ်ပြီး ဒေသခံ ရိုဟင်ဂျာတွေကို ဘင်္ဂလီလို့ စွပ်စွဲ မောင်းထုတ် ခဲ့ပေမယ့် ဟင်္သာ စီမံချက်နဲ့ ပြန်လည် လက်ခံတဲ့ ပုံစံမှာ “ရိုဟင်ဂျာ” လို့တရားဝင် ရေးသားပြီး ပြန်လည် လက်ခံခဲ့ပါတယ်။ အဲဒါတွေ အပြင် ယနေ့ ရခိုင်ပြည်နယ် အ၀န်းမှာ ရိုဟင်ဂျာ လူမျိုးလို့ တရားဝင် ရေးသားပြီး လ.၀.က ကထုတ်ပေး ထားတဲ့ အိမ်ထောင်စု စာရင်းပေါင်း များစွာ ရှိနေပါတယ်။ အဲဒီ အိမ်ထောင်စု စာရင်းတွေကို နစက က ဆွဲ၊တင်၊စစ်မှာ နှစ်စဉ် မှတ်တမ်း ရေးသွင်း ခဲ့ပါတယ်။ အခုမှ ရိုဟင်ဂျာ မရှိဘူးလို့ ပြောဆို နေခြင်းက လိမ်ညာနေခြင်းသာ ဖြစ်ပါတယ်။

ကျွန်တော်တို့ ရိုဟင်ဂျာတွေကို ၁၉၇၈ ခုနှစ်ကစပြီး ယနေ့ အချိန်ထိ အကြိမ်ပေါင်း များစွာ အကြမ်းဖက်ခဲ့ပါပြီ။ အသက်ပေါင်းများစွာ ဆုံးရှုံးခဲ့ရပါတယ်။ လွန်ခဲ့တဲ့ ဇန်န၀ါရီလ ကလည်း အသက်ပေါင်းများစွာ ဆုံးရှုံးခဲ့ရ ပါသေးတယ်။ အဲဒီလို သတ်ဖြတ်ခံရတာက ကျွန်တော်တို့ရဲ့ ရိုဟင်ဂျာဆိုတဲ့ လူမျိုး အမည်ကြောင့်သာ ဖြစ်ပါတယ်။ ဘယ်လိုဘဲ သတ်သတ်၊ ဘယ်လိုဘဲ နှိပ်စက် နှိပ်စက်၊ ကျွန်တော်တို့ ရင်ထဲမှာ ရှိတဲ့ ရိုဟင်ဂျာ ဆိုတဲ့ အမည်နာမက ပျောက်ကွယ် မသွားပါဘူး။ ကျွန်တော်တို့ရဲ့ နှလုံးခုန်သံတိုင်းမှာ ရိုဟင်ဂျာဆိုတဲ့ အသံထွက် နေပါတယ်။

အခုလာမယ့် သန်းခေါင်စာရင်း ကောက်ခံပွဲမှာ ရိုဟင်ဂျာလို့ ဥပဒေနဲ့ အညီ ဖြည့်စွက်ခွင့် ရှိပါတယ်။ မမှန်ကန်တဲ့ လူမျိုး ဖြည့်ရင် အရေးယူခံရမယ် ဆိုတာ မီဒီယာများက လုပ်ကြံ ပြောနေခြင်းသာ ဖြစ်ပါတယ်။ တကယ်လို့ ရိုဟင်ဂျာလို့ မဖြည့်နဲ့ ပြောရင်သာ ဥပဒေနဲ့ ငြိစွန်းမှာ ဖြစ်ပါတယ်။ ခြိမ်းခြောက်တဲ့ လ.၀.က ၀န်ကြီး ဦးခင်ရီနဲ့ RNDP တို့က ပြည်ထောင်စု လွှတ်တော်က ပြဌာန်းထားတဲ့ သန်းခေါင် စာရင်း ဥပဒေနဲ့ ငြိစွန်း နေပါပြီ။ အစိုးရရဲ့ လူများသာ ဖြစ်လို့ ဥပဒေရဲ့ အထက် ရောက်နေခြင်း ဖြစ်ပေမယ့် ကျွန်တော်တို့ အနေနဲ့ အဲဒီလို ခြိမ်းခြောက်သူများရဲ့ ခြိမ်းခြောက်သံတွေ နားစွင့်တာထက် ဥပဒေနဲ့ အညီ ကိုယ့်ဘက်က ရိုဟင်ဂျာလို့ ဖြည့်စွက် သွားဖို့သာ ဖြစ်ပါတယ်။

ခြိမ်းခြောက်မှုတွေ ထွက်ပေါ်လာပြီး နောက်ပိုင်းမှာ ကျွန်တော်တို့ RB – Rohingya Blogger ၀ိုင်းတော်သားတွေက ဒေသခံ ရိုဟင်ဂျာပေါင်း များစွာကို ဆက်သွယ်ပြီး မေးမြန်းခဲ့ပါတယ်။ မြို့ပေါ် ကျေးလက် ဒေသ မကျန် ဒေသခံ နှစ်ရာနီးပါးကို မေးမြန်းပြီး ရရှိတဲ့ အဖြေကတော့ အားလုံးက ရိုဟင်ဂျာ လို့သာ တညီတညွတ်တည်း ဖြည့်ကြမယ်လို့သာ ဖြစ်ပါတယ်။

ခြိမ်းခြောက်မှုကြောင့် စိတ်ထဲ ဒွိဟ ဖြစ်နေသူများကို အသိပေးချင်တာကတော့ ဘယ်လို အခြေအနေမှာဘဲ ဖြစ်ဖြစ် အားလုံးက ရိုဟင်ဂျာလို့သာ ဖြည့်မှာ ဖြစ်တဲ့အတွက် စိတ်ထဲမှာ စိုးရွံမှုမထားဘဲ ရိုဟင်ဂျာလို့ ဖြည့်စွက်ဖို့ တိုက်တွန်း ပါရစေ။

သန်းခေါင်စာရင်း ဥပဒေနဲ့ ပတ်သက်ပြီး လိုအပ်တာကို အသေးစိတ် ထပ်မံ ရှင်းလင်း သွားမှာပါ ဖြစ်ပါတယ်။