သန်းခေါင်စာရင်းတွင် လူမျိုးအမည် လွတ်လပ်စွာ ပြောဆိုခွင့် ရှိကြောင်း UNFPA ကြေညာ
RB News
28.3.2014
ရန်ကုန် ။ ။ ကုလသမဂ္ဂ အဖွဲ့အစည်း တစ်ခု ဖြစ်သည့် ကမ္ဘာ့ လူဦးရေး ရန်ပုံငွေ အဖွဲ့ UNFPA က သန်းခေါင်စာရင်းနှင့် ရခိုင်ပြည်နယ်တွင် ဖြစ်ပွားခဲ့သည့် အကြမ်းဖက်မှုနှင့် ပတ်သက်၍ ယနေ့ ကြေညာချက် တစ်စောင် ထုတ်ပြန်ရာတွင် သန်းခေါင်စာရင်း ကောက်ယူရာတွင် လူမျိုးအမည်ကို လွတ်လပ်စွာ ပြောဆိုခွင့် ရှိကြောင်း ရေးသားထားပါသည်။
UNFPA ၏ ကြေညာချက်၌ မတ်လ ၂၆ ရက်နေ့ ညပိုင်းတွင် စစ်တွေမြို့၌ နိုင်ငံတကာ အန်ဂျီအိုနှင့် အန်ဂျီအို အဖွဲ့အစည်း များကို လူအုပ်စုများဖြင့် တိုက်ခိုက်ခဲ့သည့် အတွက် အလွန်စိုးရိမ်ကြောင်း၊ ရခိုင်ပြည်နယ်တွင် ဖွံ့ဖြိုးတိုးတက်ရေးနှင့် လူ့အခွင့်အရေး ကိစ္စရပ်များကို ဆောင်ရွက်လျက် ရှိသည့် အဖွဲ့အစည်းများကို အကာအကွယ် ပေးရန် တောင်းဆိုကြောင်း ရေးသား ဖော်ပြထားသည်။
UNFPA ၏ ကြေညာချက်၌ မတ်လ ၃၀ ရက်နေ့တွင် စတင်မည့် သန်းခေါင်စာရင်း ကောက်ခံမှုနှင့် ပတ်သက်ပြီး ရခိုင်ပြည်နယ်တွင် ပြဿနာများ ဖြစ်ပေါ်လာမည်ဟူသည့် သတင်းများကြောင့် စိုးရိမ်ပူပန်လျက် ရှိကြောင်း၊ အခြေအနေ တိုးတက်မှုပေါ် မူတည်၍ UNFPA က လိုအပ်သည့် ၀န်ထမ်းများကို ဆက်လက် ထားရှိရန် ဆုံးဖြတ်မည် ဖြစ်ကြောင်းကို ရေးသား ဖော်ပြ ထားသည့် အပြင် မြန်မာအစိုးရ ကုလသမဂ္ဂနှင့် အလှူရှင် နိုင်ငံများ၏ သဘော ဆန္ဒ အရ လူ့အခွင့် အရေးအရ သော်လည်းကောင်း၊ နိုင်ငံတကာ စံချိန်စံညွှန်းများ အရသော် လည်းကောင်း မြန်မာနိုင်ငံတွင်းရှိ လူတိုင်း သန်းခေါင်စာရင်း ကောက်ခံမှုတွင် ပါဝင်မည်ဟု ကတိပြုထားကြောင်း၊ ထို့အပြင် မြန်မာနိုင်ငံတွင်းရှိ လူတိုင်းက မိမိတို့၏ လူမျိုး အမည်ကို ထည့်သွင်းခွင့် ပြုမည်ကိုလည်း မြန်မာ အစိုးရက ကတိပြုထားကြောင်း ထည့်သွင်း ရေးသား ဖော်ပြထားသည်။
UNFPA က စာရင်းကောက်များနှင့် ဖြေဆိုမည့်သူများကို လုံခြုံမှု ပေးနိုင်မှသာ ယုံကြည်စိတ်ချ ရသည့် သန်းခေါင်စာရင်း ရလာဒ်ကို ရရှိမှာ ဖြစ်ကြောင်း၊ ဖြေဆိုမည်သူများမှာ မေးခွန်းများ ဖြေဆိုနေသည့် အချိန်တွင် လုံခြုံမှု ရှိနေသည်ဟု ခံစား နေရန် ရှိနေဖို့ လိုသလို၊ စာရင်းကောက် များကလည်း ဖြေဆိုသည့် အဖြေများ အားလုံးကို ယုံကြည် စိတ်ချရသည့် အထိ မှတ်တမ်း ရမည်ဖြစ်သည်ဟု ဆိုသည်။ စာရင်းကောက်ခံစဉ် အတွင်း ခြိမ်းခြောက်မှုနှင့် ကြောက်ရွံမှု မရှိစေရန်လည်း ကြေညာချက်တွင် ဖော်ပြထားသည်။ သန်းခေါင်စာရင်း ကောက်ခံရာတွင် အာဏာပိုင်များက လုံခြုံရေး အတွက်ဟု ဆိုကာ လူ့အခွင့်အရေးနှင့် နိုင်ငံတကာ စံချိန်များကို ချိုးဖောက်ခြင်း မပြုလုပ်ဘဲ၊ လူတိုင်း၏ လူ့အခွင့်အရေး များကို တရားမျှတစွာ ဖြည့်ဆည်း ပေးရမည် ဖြစ်ကြောင်း၊ စာရင်းကောက်ရာ တွင်လည်း အားလုံး တန်းတူရည်တူ ပါဝင်ရမည်ဟု ယနေ့ ထုတ်ပြန်ထားသည့် UNFPA ၏ ကြေညာချက်တွင် ရေးသား ဖော်ပြထားသည်။
