ငွေညှစ်မှုကြောင့် ဘူးသီးတောင် မြို့မဈေးရှိ ဈေးဆိုင်များ ဆက်လက်ရပ်တည်နိုင်ရန် စိုးရိမ်ရ
မေယုတာရာ
RB News
21.7.2018
ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ်တွင် မြို့နယ် စခန်းမှူးအပါအ၀င် ဒေသဆိုင်ရာ အာဏာပိုင်များက မြို့မဈေးရှိ ဈေးဆိုင်ရှင်များကို အကြောင်းအမျိုးမျိုးပြ၍ ငွေညှစ်လျက်ရှိသောကြောင့် ဈေးဆိုင်များ ဆက်လက်ရပ်တည်နိုင်ရေးအတွက် စိုးရိမ်နေရသည်။
ဘူးသီးတောင်မြို့နယ် မြို့မဈေးမှ ဈေးဆိုင်များသည် စီးပွားရေးကျပ်တည်းမှု ရင်ဆိုင်နေရချိန်တွင် မြို့နယ်ရဲတပ်ဖွဲ့မှ စခန်းမှူးအပါအ၀င် ဒေသဆိုင်ရာ အာဏာပိုင်များ၊ ရဲတပ်ဖွဲ့ဝင်များက အလှူငွေ၊ ရန်ပုံငွေ ဟု ခေါင်းစဉ်တပ်၍ ငွေကျပ် သုံးသောင်းမှ ငါးသောင်းထိ ဆိုင်ကြီး၊ ဆိုင်ငယ်မရွေး လစဉ်ဆက်ကြေး ကောက်ခံနေသလို ကောက်ခံနေခြင်းကြောင့် ၀န်ထုပ်ဝန်ပိုး ဖြစ်နေရသည်ဟု ဒေသခံတစ်ဦးက RB News သို့ပြောသည်။
အလှူငွေ၊ ရန်ပုံငွေဟု ခေါင်းစဉ်တပ်သော်ငြားလည်း မည်သည့်အတွက် အလှူငွေ၊ ရန်ပုံငွေ ဖြစ်သည်ကို ရှင်းလင်းပြရန် တောင်းဆိုလျှင်လည်း ရှင်းလင်းဖြေကြားခြင်း မရှိပေ။ အလှူငွေ၊ ရန်ပုံငွေ ထည့်ရန် ငြင်းဆန်သည့် ဆိုင်ရှင်များထံသို့ ရဲတပ်ဖွဲ့ဝင်များ ရောက်ရှိလာပြီး အကြောင်းအမျိုးမျိုး ဖန်တီး၍ ငွေကျပ် ၃ သိန်းမှ ၅ သိန်း ညှစ်ယူသည်ဟု အဆိုပါ ဒေသခံက ပြောပါသည်။
“ကျွန်တော်တို့ ဒီမှာ လူတွေ တစ်ဝက်ကျော် တစ်ဖက်နိုင်ငံကို ထွက်ပြေးခိုလှုံနေရတော့ ဆိုင်တွေ အရောင်းအ၀ယ်လည်း အရင်လို မဖြစ်တော့ဘူး။ ဒီလိုအချိန်မျိုးမှာ သူတို့က ဆိုင်ငယ်တွေကတောင် လစဉ် သုံးသောင်း ကောက်တယ်။ လစဉ် ဆက်ကြေးလို ပေးနေရတော့ ဈေးထဲမှာ ဆိုင်ဆက်လက်ရောင်းနိုင်မလား ဆိုတာ စိုးရိမ်စရာဖြစ်လာတယ်” ဟု ၎င်းက ဆိုသည်။
မြို့ပေါ်တွင် တာဝန်ထမ်းဆောင်နေသည့် လုံထိန်းရဲများကလည်း ဈေးအတွင်းသို့ နေ့စဉ် ၀င်ရောက်၍ ဆိုင်ရောင်းသူများကို လူကုန်ကူးမှု၊ မတရားအသင်းနှင့် ဆက်နွယ်မှု စသည့် ခေါင်းစဉ်များတပ်၍ ငွေကြေး အမြောက်အမြား ညှစ်ယူလျက်ရှိသည်ဟု သိရသည်။
