ဒုရဲအုပ် မျိုးဇော်ဝင်းနှင့် တပည့်နှစ်ဦးက လမ်းသွား လမ်းလာ များကို ခြိမ်းခြောက်၍ ငွေညှစ်နေ
RB News
28.5.2014
မောင်တော ။ ။ အမှတ် (၁) နယ်ခြားစောင့်ရဲ ကွပ်ကဲမှုအဖွဲ့၊ အမှတ် (၁) နယ်ခြားစောင့် ရဲတပ်ဖွဲ့ခွဲ၏ လက်အောက်ခံ ကြိမ်ချောင်း နယ်မြေစခန်းမှ ဒုရဲအုပ် မျိုးဇော်ဝင်းနှင့် နယ်ခြားစောင့် ရဲတပ်ဖွဲ့ဝင် နှစ်ဦး တို့သည် ကြိမ်ချောင်း နယ်မြေစခန်းရှေ့ လမ်းမကြီးပေါ်မှ ဖြတ်သန်း သွားလာလျက် ရှိသော ဒေသခံ ရိုဟင်ဂျာ များကို မဟုတ်မမှန် လုပ်ကြံ စွပ်စွဲ၍ နေ့စဉ် ငွေညှစ်လျက် ရှိပြီး၊ အချို့ကို ဖမ်းဆီးချုပ်နှောင်၍ အမှုဆင်ပြီး ဒုက္ခပေးလျက် ရှိကြောင်း သတင်း ရရှိပါသည်။
အမှတ် (၁) နယ်ခြားစောင့် ရဲတပ်ဖွဲ့ခွဲ၊ ကြိမ်ချောင်း နယ်မြေ စခန်းတွင် စခန်းမှူး ရဲအုပ် (IP) အပါအ၀င် တပ်ဖွဲ့ဝင် အင်အား ဆယ်ဂဏန်းခန့်ထိရှိပြီး၊ ၎င်းတို့ထဲမှ ဒုရဲအုပ် မျိုးဇော်ဝင်းနှင့် တပ်ဖွဲ့ဝင် နှစ်ဦးတို့သည် စခန်းရှေ့မှ ဖြတ်သန်း သွားလာ နေသော ဒေသခံ ရိုဟင်ဂျာများကို ရပ်ခိုင်း၍ စစ်ဆေးခြင်း၊ ၎င်းတို့ မကြည်ဖြူသူများ၏ အိတ်များထဲသို့ WY ဆေးပြားများ ထည့်၍ လုပ်ကြံပြီး ဖမ်းဆီး ငွေညှစ်ခြင်း၊ လူမဆန်စွာ ရိုက်နှက် ညှဉ်းပန်း နှိပ်စက်ခြင်း တို့ကြောင့် ဒေသခံများ ဈေးသွားလာ ရာတွင် လည်းကောင်း၊ ကျန်းမာရေး၊ ပညာရေး၊ လူမှုရေးနှင့် စီးပွားရေး လုပ်ငန်းများ ဆောင်ရွက်ရာတွင် လည်းကောင်း အခက်အခဲများ ကြုံတွေ့နေရပြီး၊ ထိုကဲ့သို့ ပြုမှုနေခြင်းကြောင့် ကြောက်လန့် ထိတ်လန့်ခြင်းများနှင့် စိုးရိမ် ပူပန်မှုများ တိုးပွားလျက် ရှိသည်။
ဒုရဲအုပ် မျိုးဇော်ဝင်းနှင့် တပ်ဖွဲ့ဝင် နှစ်ဦးတို့သည် ဒေသခံများထံမှ ညှစ်ယူ ရရှိသည့် ငွေများမှ သုံးပုံ တစ်ပုံကို ၎င်းတို့ သုံးဦး ခွဲဝေယူပြီး၊ ကျန်သည့် နှစ်ပုံကို ကွပ်ကဲရေးမှူး ရဲမှူးချုပ် တင်ကိုကို၊ ရဲတပ်ရင်းမှူး ရဲမှူးကြီး မိုးညိုနှင့် ကြိမ်ချောင်း နယ်မြေ စခန်း စခန်းမှူး တို့ကို ခွဲဝေပေးရကြောင်း၊ ထို့ကြောင့် ၎င်းတို့ကို ငွေညှစ်ရန် အတွက် ရဲမှူးချုပ်၊ ရဲမှူးကြီးနှင့် စခန်းမှူးတို့က အာဏာကုန် ပေးအပ်ထားသည့် အတွက် ဘယ်သူ့ကိုမှ ကြောက်ရန် မလိုဟု ဒေသခံများကို မကြာခဏ ပြောဆိုလေ့ ရှိကြောင်း ဒေသခံ တစ်ဦးက RB News သို့ပြောပါသည်။
မေလ (၁၉) ရက်နေ့ ညနေ ၅ နာရီ အချိန်တွင် အောင်စစ်ပြင် ကျေးရွာ အုပ်စုမှ ကိုဖူရ်ကာန် (ဘ) ဦးနူရ်အာလမ် (အသက် ၂၃ နှစ်) သည် ဆိုင်ကယ်ဖြင့် စခန်းရှေ့ လမ်းမကြီးမှ ဖြတ်သန်းပြီး ၎င်း၏ နေအိမ်သို့ အပြန်တွင် ဒုရဲအုပ် မျိုးဇော်ဝင်း၏ တပည့် နှစ်ဦးက ဆိုင်ကယ်ကို ရပ်ခိုင်းပြီး စစ်ဆေးခဲ့သည်။ ကိုဖူရ်ကာန်၏ ခန္ဓာကိုယ်နှင့် ဆိုင်ကယ်ကို ရှာဖွေပြီး မည်သည့် ပစ္စည်း တစ်စုံတစ်ရာကို မတွေ့ရှိခဲ့သော်လည်း အကြောင်းမဲ့ ငွေ ၅ သိန်းညှစ်ရာ၊ ကိုဖူရ်ကာန်က အကြောင်းမဲ့ ငွေပေးရန် မတတ်နိုင်ဟု ပြန်လည်ဖြေကြား ခဲ့သည်။ ထို့နောက် ရဲနှစ်ဦးက ဆိုင်ကယ်ထဲသို့ WY ဆေးပြား နှစ်ပြား ထည့်၍ မူးယစ်ဆေးဝါး မိသည်ဟု ဆိုကာ ဖမ်းဆီး ချုပ်နှောင် ထားခဲ့သည်။ ရဲများက တစ်ညလုံး လူမဆန်စွာ ညှင်းပန်း ရိုက်နှက် နှိပ်စက်ပြီး မေလ (၂၀) ရက်နေ့ နံနက်ပိုင်းတွင် မောင်တော ရဲစခန်းသို့ ပို့ဆောင်၍ ယခု အချိန်ထိ ချုပ်နှောင်ထားကြောင်း ဒေသခံ တစ်ဦးက RB News သို့ပြောပါသည်။
အဆိုပါ ရဲတပ်ဖွဲ့နှစ်ဦးသည် အောင်စစ်ပြင် ကျေးရွာမှ ဦးအဘူတော်ယုဘ် (ဘ) ဦးအဘူလ်ကာဆိမ်း၊ ဦးရာမတ်အလီ (ဘ) ဦးအလီအာမတ်နှင့် ဦးရှောဒေါရ်အစ္စလာမ် (ဘ) ဦးကုရ်ဘာန်အလီ တို့ကို စခန်းရှေ့မှ ဖြတ်သန်း သွားလာစဉ် ဆိုင်ကယ်များကို ရပ်ခိုင်း၍ စစ်ဆေးပြီး တစ်စုံတစ်ရာ မတွေ့ရှိခဲ့သော်လည်း ငွေကျပ် နှစ်သိန်းစီ တောင်းခဲ့သည်။ အဆိုပါ ဒေသခံ (၃) ဦးကလည်း ကိုဖူရ်ကာန် ကဲ့သို့ လုပ်ကြံ ဖမ်းဆီး ချုပ်နှောင်ခံရမည်ဟု ခြိမ်းခြောက်ခံရသဖြင့် တစ်ဦးလျှင် ငွေကျပ် နှစ်သိန်းစီ ပေးခဲ့ရကြောင်း ဒေသခံ တစ်ဦးက ပြောပါသည်။
မေလ (၂၄) ရက်နေ့တွင်လည်း လောင်းဒုံး ကျေးရွာမှ ဦးကာလာမျာ (ဘ) ဦးတာန်ဒါမျာကိုလည်း အထက်ပါ ကဲ့သို့ စစ်ဆေးပြီး၊ ဒုရဲအုပ် မျိုးဇော်ဝင်းနှင့် တပည့် ရဲနှစ်ဦးက ခြိမ်းခြောက်၍ ငွေကျပ် (၇) သိန်း ညှစ်ယူခဲ့သည်။ အလားတူ မေလ (၂၅) ရက်နေ့ကလည်း အခြားသော ဒေသခံ ရိုဟင်ဂျာ နှစ်ဦးကို ဖမ်းဆီး၍ ငွေကျပ် (၁၀) သိန်း ညှစ်ယူခဲ့ကြောင်း သိရှိရပါသည်။
ဒုရဲအုပ် မျိုးဇော်ဝင်း၏ တပည့် နှစ်ဦးသည် လိပ်ရကျေးရွာ အခြေစိုက် နယ်မြေ (၄) မှ ပြောင်းရွှေ့လာသူများ ဖြစ်ပြီး၊ လိပ်ရ ကျေးရွာတွင်လည်း ထိုကဲ့သို့ ပြုလုပ်ခဲ့ပြီး၊ ကွပ်ကဲရေးမှူး၊ တပ်ရင်းမှူးနှင့် စခန်းမှူး တို့နှင့် နားလည်မှု ရယူ၍ ကြိမ်ချောင်း စခန်းသို့ ရောက်ရှိခဲ့ခြင်း ဖြစ်ပြီး၊ ၎င်းတို့က လူကြီးများအတွက် ငွေများများ ရှာဖွေပေးရန် ကြိမ်ချောင်း စခန်းသို့ ပြောင်းရွှေ့ ခန့်အပ်ထားခံရခြင်း ဖြစ်သည်ဟု ပြောဆိုလေ့ရှိသည်ဟု ဒေသခံများက ပြောပါသည်။
