ရခိုင်ဝန်ကြီးချုပ်သစ် ရွေးကောက်ခံ ထဲကဖြစ်ဖို့ လိုလား
ကိုမိုးဇော်
24.6.2014
ရခိုင်ပြည်နယ် လွှတ်တော် အရေးပေါ် အစည်းအဝေး တက်ရောက်ဖို့ ပြည်နယ် လွှတ်တော် ကိုယ်စားလှယ် တွေကို စစ်တွေမြို့ကို ဒီလ ၂၄ ရက်နေ့မှာ အရောက် လာဖို့ အတွက် ဖိတ်ကြား ခဲ့တာ ဖြစ်ပါတယ်။ မနက်ဖြန်မှာ ကျင်းပမယ့် ရခိုင်ပြည်နယ် လွှတ်တော် အရေးပေါ် အစည်းအဝေး မှာတော့ နှုတ်ထွက် သွားတဲ့ ၀န်ကြီးချုပ် နေရာကို အစားထိုး ခန့်အပ်ဖွယ် ရှိတယ်လို့လည်း ကျောက်တော် မြို့နယ် အမှတ် ၁ မဲဆန္ဒနယ်က ပြည်နယ် လွှတ်တော် ကိုယ်စားလှယ် ဦးမောင်လှကျော်က ပြောပါတယ်။
“ကျနော် မနေ့ကပဲ စစ်တွေကို ရောက်နေပါပြီ။ လွှတ်တော် တက်ဖို့ အတွက်လေ။ ကျနော်တို့ ၂၅ ရက်နေ့မှာ လာပြီး တင်ရပါမယ်။ မနက်ဖြန် ပေါ့လေ။ သြော် ကျနော်တို့ ရခိုင်ပြည်နယ် ၀န်ကြီးချုပ် ဦးလှမောင်တင်က နှုတ်ထွက် သွားတယ်လေ။ အဲ့ဒီ အတွက်ကြောင့် အဲ့ဒီနေရာမှာ ၀န်ကြီးချုပ် အနေနဲ့ ဖြစ်လာမယ့် ကိစ္စကို ကျနော်တို့ ကိုယ်စားလှယ်တွေကို ဖိတ်ကြားပြီး အတည်ပြု ရမှာပေါ့။ အဲ့ဒီ ကိစ္စ အတွက် ကျနော်တို့ကို အရေးပေါ် အစည်းအဝေး ခေါ်တာ။ အဲ့ဒါပဲ ဖြစ်ပါမယ်။”
ရခိုင်ပြည်နယ် ၀န်ကြီးချုပ် သစ်ကို ရခိုင်ပြည်နယ်သူ၊ ပြည်နယ်သား တွေရဲ့ ဆန္ဒနဲ့အညီ ဖြစ်ပေါ် လာမယ့် သူကို ခန့်ထားဖို့ မျှော်လင့်ကြောင်းလည်း ဦးမောင်လှကျော်က ဆက်ပြောပါတယ်။
“ကျနော်တို့ ရခိုင်ပြည်နယ် ထဲက မြို့နယ်တွေက ရွေးကောက် တင်မြှောက် ထားတဲ့ ပြည်သူတွေ ကောက်တင် ထားတဲ့ ကိုယ်စားလှယ် တဦးဦးကိုတော့ ထည့်ချင်တာပေါ့။ ကျနော်တို့ နှုတ်ထွက် သွားတဲ့ ဦးလှမောင်တင် ဆိုရင် အဲ့ဒီ မိမိ ဆန္ဒနယ်က ရွေးကောက်ပြီး တင်မြှောက်လာတဲ့ ကိုယ်စားလှယ်ပါ။ ကျနော်တို့ ကိုယ်စားလှယ်တွေ ကလည်း ရခိုင်ပြည်နယ်သူ ပြည်နယ်သား တွေရဲ့ ဆန္ဒနဲ့အညီ ဖြစ်ပေါ်လာမယ့် ၀န်ကြီးချုပ်ကိုတော့ မျှော်လင့် ပါတယ် ခင်ဗျ။ ဒါပေမဲ့ ကျနော်တို့ မြန်မာနိုင်ငံ ဖွဲ့စည်းပုံ အခြေခံ ဥပဒေ ကတော့ နိုင်ငံတော်ရဲ့သမ္မတကြီးက တိုက်ရိုက် ထုတ်ပြန်ခွင့် ရှိတယ် ဆိုတော့ ဘယ်သူ ဖြစ်ပေါ်လာ မလဲ ဆိုတာကို မသိသေးပါဘူး။”
ဦးမောင်လှကျော်ရဲ့ မိခင်ပါတီလို့ ဆိုရမယ့် ရခိုင် အမျိုးသား ပါတီကလည်း ရခိုင်ပြည်နယ် ၀န်ကြီးချုပ် ခန့်အပ်မယ် ဆိုရင် ရခိုင် တိုင်းရင်းသား ဖြစ်ဖို့၊ ရွေးချယ် တင်မြှောက် ခံရတဲ့ ပြည်နယ် လွှတ်တော် ကိုယ်စားလှယ် ဖြစ်ဖို့နဲ့ လွှတ်တော် ကိုယ်စားလှယ် အများဆုံး နေရာ ရရှိထားတဲ့ ရခိုင် အမျိုးသား ပါတီက ပြည်နယ် လွှတ်တော် ကိုယ်စားလှယ်ကို ခန့်အပ်ဖို့ အတွက် သဘောထား ထုတ်ပြန် ထားပါတယ်။
ရခိုင်ပြည်နယ် လွှတ်တော် ဒုဥက္ကဌလည်းဖြစ်၊ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး ပါတီရဲ့ မာန်အောင် မဲဆန္ဒနယ်က ပြည်နယ် လွှတ်တော် ကိုယ်စားလှယ်လည်း ဖြစ်တဲ့ ဦးသာညွန့် ကတော့ သူ့ အမြင်ကို အခုလို ပြောပါတယ်။
“၀န်ကြီးချုပ် ရွေးတာ ကတော့ ကျနော်တို့ ၂၀၀၈ ဖွဲ့စည်းပုံ အရ ဆိုရင်တော့ နိုင်ငံတော် သမ္မတမှ အမည် စာရင်း တင်သွင်းသော ပုဂ္ဂိုလ် ဆိုတဲ့ ဥစ္စာကတော့ ကျနော်တို့ ရခိုင် အမျိုးသား ဖြစ်ရမယ် လို့တော့ ဖွဲ့စည်းပုံ မှာတော့ ကျနော်တို့ မပါဘူးနော်။ ပြည်နယ် လွှတ်တော် ကိုယ်စားလှယ် ဆိုတာ ကတော့ ကျနော် တို့မှာ ပြည်သူတွေ ရွေးချယ် တင်မြှောက်တဲ့ ပြည်နယ် လွှတ်တော် ကိုယ်စားလှယ်တွေ ပါသလို၊ တပ်မတော် ကိုယ်စားလှယ် ကလည်း ကျနော်တို့မှာ ၂၅ ရာခိုင်နှုန်း ပါတာကိုး။ နိုင်ငံတော် သမ္မတက ရွေးချယ် တင်မြှောက် ပေးတဲ့၊ အမည် စာရင်းပေးတဲ့ ဒါပေမဲ့လည်း ခုနကပြောတဲ့ တပ်မတော်သား ကိုယ်စားလှယ် ထဲကလည်း ဖြစ်နိုင်တာပါပဲ။ အမည်စာရင်း တင်သွင်းတဲ့ အခါကျတော့ လွှတ်တော် ကိုယ်စားလှယ် များရဲ့ လွှတ်တော်ရဲ့ အတည်ပြုချက်ကို ရယူရမှာကိုး။ အမည်စာရင်း တင်သွင်းတဲ့ အချိန်မှာတော့ ဒါ ကန့်ကွက် တာတို့၊ ထောက်ခံတာတို့ ဖြစ်လာ နိုင်တယ်လေ။ ကန့်ကွက်မှု ရှိရင်လည်း ဒါ မဲခွဲရမှာ ပေါ့နော်။”
ရခိုင်ပြည်နယ် လွှတ်တော် အတွင်းမှာတော့ ရခိုင်အမျိုးသား ပါတီက ကိုယ်စားလှယ် ၁၈ ဦး၊ ပြည်ခိုင်ဖြိုး ပါတီက ၁၄ ဦးနဲ့ တပ်မတော်သား ကိုယ်စားလှယ် ၁၂ ဦး ပါဝင်နေတာ ဖြစ်ပါတယ်။ တိုင်းရင်းသားပါတီ ၁၅ ပါတီနဲ့ ဖွဲ့စည်းထားတဲ့ NBF ခေါ် ညီနောင် တိုင်းရင်းသား ပါတီများ ဖက်ဒရေးရှင်းရဲ့ ပြောရေး ဆိုခွင့်ရှိသူ ဦးစောသန်းမြင့် ကတော့ ရခိုင် အမျိုးသားပါတီရဲ့ သဘောထားဟာ တိုင်းရင်းသား ပါတီ အားလုံးရဲ့ သဘောထား ဖြစ်တယ်လို့ ပြောဆိုပါတယ်။
“ရခိုင်ပဲ မဟုတ်ဘူး ခင်ဗျ။ ကျနော်တို့ တိုင်းရင်းသား ပါတီ အားလုံးရဲ့ သဘောထား ပဲဗျ။ ဒါကျနော်တို့ ဟို ပြောနေကျ အတိုင်းပေါ့ ဖက်ဒရယ်ဖြစ်ဖို့ လိုတယ် ဆိုတာ။ ကိုယ့်အရပ်၊ ကိုယ့်ဒေသ၊ ကိုယ့်ပြည်သူတွေ နေတဲ့နေရာမှာ ဒီအရပ်က တင်မြှောက်တဲ့ ပုဂ္ဂိုလ်သာလျှင် ဒီအရပ်မှာ အုပ်ချုပ်တဲ့ အစိုးရအဖွဲ့ သို့မဟုတ်လျှင် ၀န်ကြီးချုပ် ဖြစ်သင့်တယ်လို့ ကျနော်ကတော့ ဒီလိုပဲ ခံယူတယ် ခင်ဗျ။ အခုကတော့ ၂၀၀၈ ဖွဲ့စည်းပုံ အခြေခံ ဥပဒေ အရ သမ္မတက တင်သွင်းတဲ့ လူသာလျှင် ၀န်ကြီးချုပ် ဖြစ်ရမယ်လို့ အခြေခံ ဥပဒေမှာ ပါတာကိုးဗျ။ သမ္မတက ကန့်ကွက်ရင် ဘယ်သူပဲ ဖြစ်ဖြစ် မရနိုင်ဘူး။ တခြား တင်ရင်လည်း။ ကိုယ့်လူမျိုးတွေ ဖွံ့ဖြိုး တိုးတက်ဖို့ ဆိုရင်တော့ ၂၀၀၈ ဖွဲ့စည်းပုံကို ဘယ်လိုဖြစ်ဖြစ် ပြုပြင် ပြောင်းလဲမှု လုပ်ရမှာ ပေါ့နော်။ ပြင်ရမယ် ပေါ့နော်။”
လောလောဆယ် မှာတော့ ရခိုင်ပြည်နယ် ၀န်ကြီးချုပ်သစ် နေရာကို မကြာမီကမှ ရခိုင် ပြည်နယ် တပ်မတော်သား ကိုယ်စားလှယ် အဖြစ် ခန့်အပ် လိုက်တဲ့ ဗိုလ်ချုပ် မောင်မောင်အုန်း ခန့်အပ်ဖွယ် ရှိနေတယ်လို့ သတင်းတွေ ထွက်ပေါ်နေ ပါတယ်။ ဗိုလ်ချုပ်မောင်မောင်အုန်းဟာ နယ်စပ် ရေးရာ ၀န်ကြီးဌာန ဒုတိယ ၀န်ကြီး အဖြစ် တာဝန်ထမ်းဆောင် ခဲ့ဖူးသလို ရခိုင်ပြည်နယ် တည်ငြိမ် အေးချမ်းရေးနဲ့ ဖွံ့ဖြိုး တိုးတက်ရေး ဗဟိုကော်မတီ အတွင်းရေးမှူး အဖြစ်လည်း တာဝန် ထမ်းဆောင်ခဲ့သူ ဖြစ်ပါတယ်။ ကရင်ပြည်နယ် မှာတော့ တပ်မတော်သား ကိုယ်စားလှယ် ဖြစ်တဲ့ ဗိုလ်မှူးချုပ် ဇော်မင်းကို ပြည်နယ် ၀န်ကြီးချုပ် အဖြစ် ခန့်အပ် ထားတာ ရှိပါတယ်။
