BGP နှင့် မ.က.ဖ တို့၏ လူဦးရေ စစ်ဆေးမှုတွင် ပါဝင်ရန် ဖိအားပေးလျက်ရှိ
Rohingya Eye
RB News
19.8.2014
မောင်တော ။ ။ ရခိုင်ပြည်နယ်၊ မောင်တောမြို့နယ် အတွင်းရှိ ဒေသခံ ရိုဟင်ဂျာ များကို နယ်ခြားစောင့် ရဲတပ်ဖွဲ့နှင့် မ.က.ဖ တို့၏ လူဦးရေ စစ်ဆေးမှုတွင် ပါဝင် စစ်ဆေးခံရန် ဖိအားပေးမှုများ ပြုလုပ်လျက် ရှိနေကြောင်း သတင်း ရရှိပါသည်။
သြဂုတ်လ (၁၈) ရက်နေ့ နေ့လည် ၁း၃၀ နာရီ အချိန်တွင် မောင်တောမြို့နယ်၊ မြို့မ အရှေ့ ရပ်ကွက်ရှိ စံပြမူလတန်း ကျောင်းသို့ မ.က.ဖ လက်ထောက် ညွန်ကြားရေးမှူး ဦးအောင်ထွန်းဘော် ဦးဆောင်သည့် အဖွဲ့ ရောက်ရှိလာခဲ့ပြီး၊ ရပ်ကွက်၊ ကျေးရွာ အုပ်ချုပ်ရေးမှူးများ၊ ရပ်မိရပ်ဖ များအား ခေါ်ယူ တွေ့ဆုံခဲ့သည်။ ထိုသို့ တွေ့ဆုံရာတွင် မ.က.ဖ တာဝန်ခံ အရာရှိက အချို့ကျေးရွာ များတွင် လူဦးရေ စစ်ဆေးခြင်းတွင် ပါဝင် စစ်ဆေးခံခြင်းများ ရှိကြောင်း၊ အချို့ ကျေးရွာများတွင် စစ်ဆေးခံခြင်း မရှိကြောင်း၊ ယခု စစ်ဆေးမှုတွင် ပါဝင် စစ်ဆေးခံရန် လိုအပ်ကြောင်း၊ အကယ်၍ စစ်ဆေးမခံပါက ညပိုင်းတွင် ဧည့်စာရင်း စစ်ဆေးသည့် ပုံစံဖြင့် စစ်ဆေးသွားမည် ဖြစ်ကြောင်း၊ အင်အား သုံး၍ စစ်ဆေး သွားမည် ဖြစ်ကြောင်း၊ ဥပမာ အားဖြင့် ခမောင်းဆိပ် ကျေးရွာတွင် စစ်ဆေးသည့် ပုံစံမျိုးဖြင့် စစ်ဆေး သွားမည် ဖြစ်ကြောင်း၊ အဆိုပါ ကျေးရွာတွင် စစ်ဆေးစဉ် မတွေ့ရှိခဲ့သူများကို ဥပဒေနဲ့ အညီ အရေးယူ ဆောင်ရွက် သွားမည် ဖြစ်ကြောင်း၊ ယခု စစ်ဆေးမှုကို ပြည်နယ် အစိုးရ၏ အမိန့်ဖြင့် စစ်ဆေး နေခြင်း ဖြစ်ကြောင်း၊ မောင်တောမြို့နယ်တွင် ရှိသည့် လူဦးရေ စာရင်း အတိအကျကို ပြည်နယ် အစိုးရသို့ တင်ပြရမည် ဖြစ်ကြောင်း၊ အစရှိသဖြင့် ခြိမ်းခြောက်သည့် အသွင်သဏ္ဍန်ဖြင့် ဖိအားပေး ပြောဆိုခဲ့ကြောင်း ဒေသခံ တစ်ဦးက RB News သို့ပြောပါသည်။
အလားတူ သြဂုတ်လ (၁၄) ရက်နေ့က ရခိုင်ပြည်နယ် ၀န်ကြီးချုပ် ဦးမောင်မောင်အုန်းသည် မောင်တော ခရိုင် အုပ်ချုပ်ရေးမှူးရုံးတွင် ပြည်နယ် လွှတ်တော် ကိုယ်စားလှယ် ဦးအောင်မျိုးမင်း အပါအ၀င် မြို့မိမြို့ဖ များနှင့် တွေ့ဆုံခဲ့ပြီး၊ ယခု စစ်ဆေးမှုတွင် ပါဝင် စစ်ဆေးခံရန် ရမည် ဖြစ်ကြောင်း၊ စစ်ဆေးခံပြီးပါက ဗလီများတွင် ပြန်လည် ၀တ်ပြုခွင့် ပေးမည် ဖြစ်ကြောင်း၊ တက္ကသိုလ် ပညာ ဆက်လက် သင်ယူခွင့် ပေးမည် ဖြစ်ကြောင်းဟု ကတိပြု ပြောဆိုသွားခဲ့ပြီး၊ ယခု စစ်ဆေးမှုတွင် ပါဝင် စစ်ဆေးမခံပါက လက်ရှိ ရရှိနေသည့် အခွင့်အရေး များပင် ဆုံးရှုံးသွားမည်ဟု ခြိမ်းခြောက် ပြောဆို၍ ဖိအားပေး ခဲ့သည်ဟု အဆိုပါ ဒေသခံက ပြောပါသည်။
