ကြိမ်ချောင်း ဆေးရုံ အဆောင် ဆောက်လုပ်ရန်ဟု ဆိုကာ အတင်းအဓမ္မ အလှူငွေကောက်
Rohingya Eye
RB News
19.8.2014
မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်း ကြိမ်ချောင်း ကျေးရွာ အုပ်စုရှိ အစိုးရ ဆေးရုံ အဆောင် ဆောက်လုပ်ရန်ဟု ဆိုကာ အာဏာပိုင်များက ကြိမ်ချောင်း ဈေးအတွင်းရှိ ဈေးဆိုင်ရှင်များထံမှ အတင်း အဓမ္မ အလှူငွေ ကောက်ခံလျက် ရှိကြောင်း သတင်း ရရှိပါသည်။
မောင်တောမြို့နယ် မြောက်ပိုင်း ကြိမ်ချောင်း ကျေးရွာ အုပ်စု (ဘော်လီဘာဇား) အုပ်ချုပ်ရေးမှူး ဦးကိုကိုနိုင်သည် နယ်ခြားစောင့် ရဲတပ်ဖွဲ့ စခန်းမှူး၊ စ.ရ.ဖ အဖွဲ့ဝင်များ၊ ယခင် ဥက္ကဌဟောင်း ဦးအီဒီရိစ် တို့နှင့် အတူ ကြိမ်ချောင်းဈေး အတွင်းရှိ ဈေးဆိုင်ပိုင်ရှင် များထံမှ ကြိမ်ချောင်း ဆေးရုံတွင် အဆောင် တစ်ခု ဆောက်လုပ်ရန်ဟု ဆိုကာ အလှူငွေများ အတင်းအဓမ္မ ကောက်ခံလျက် ရှိကြောင်း ဒေသခံ တစ်ဦးက RB News သို့ပြောပါသည်။
ကြိမ်ချောင်း ဆေးရုံသည် အစိုးရ ဆေးရုံ ဖြစ်သဖြင့် ယခုကဲ့သို့ အလှူငွေ ပေးနေရခြင်းနှင့် ပတ်သက်၍ ဈေးဆိုင် ပိုင်ရှင်များက မကျေမနပ် ဖြစ်လျက် ရှိနေကြသည်ဟု ဆိုသည်။ အစိုးရ အနေဖြင့် ဒေသတွင်း ဖွံ့ဖြိုး တိုးတက်ရေး လုပ်ငန်းများ လုပ်ကိုင်ခြင်း မရှိဘဲ၊ အဖက်ဖက်မှ ပိတ်ဆို့ခံ ထားရသည့် ပြည်သူများထံမှ အလှူငွေ ကောက်ခံခြင်းမှာ မတရားလုပ်ခြင်းသာ ဖြစ်သည်ဟု ၎င်းက ပြောပါသည်။
အတင်းအဓမ္မ ဖိအားပေးမှုကြောင့် အလှူငွေ ပေးခဲ့ရသူ အချို့မှာ --
(၁) ဦးဖေရာန် (ဘ) ဦးဘာဒီး (အသက် ၄၅ နှစ်) --- (ငွေကျပ် ၃ သောင်း)
(၂) ဦးဖော်ရိဒ် (ဘ) ဦးအူလ္လာမျာ (အသက် ၄၂ နှစ်) --- (ငွေကျပ် ၂ သောင်း)
(၃) ဦးအိုစ်မာန် (အသက် ၃၃ နှစ်) --- (ငွေကျပ် ၂ သောင်း)
(၄) ဦးဆော်လိမ် (ဘ) ဦးခေါ်လိမ် (အသက် ၄၈ နှစ်) --- (ငွေကျပ် ၃ သောင်း)
(၅) ဦးဟာလာ (ဘ) ဦးလာလ်မျာ (အသက် ၅၅ နှစ်) --- (ငွေကျပ် ၂ သောင်း)
(၆) ဦးအစ္စမိုင်လ် (အသက် ၂၃ နှစ်) --- (ငွေကျပ် ၃ သောင်း)
(၇) ဦးအုစ်မာန် (အသက် ၃၈ နှစ်) --- (ငွေကျပ် ၃ သောင်း)
(၈) ဦးအုစ်မာန် (ဘ) ဦးဒူဒူမျာ (အသက် ၄၀ နှစ်) --- (ငွေကျပ် ၅ သောင်း)
(၉) ဦးဒိလ်မိုဟာမတ် (ဘ) ဦးအမိရ်ဇူဟာရ် (အသက် ၅၂ နှစ်) --- (ငွေကျပ် ၃ သောင်း) --- တို့အပါအ၀င် ကြိမ်ချောင်း ဈေးအတွင်းရှိ ဈေးဆိုင်များမှ ငွေကျပ် ၁၄ သိန်းကျော် ကောက်ခံ သွားခဲ့ကြောင်း ဒေသခံများက RB News သို့ပြောပါသည်။
