(၃) မိုင် ကင်းစခန်းမှ နယ်ခြားစောင့် ရဲများ လိုင်စင်ရ ဓါးပြများကဲ့သို့ သောင်းကျန်း
MYARF
RB News
5.10.2014
မောင်တော ။ ။ ရခိုင်ပြည်နယ်၊ မောင်တောမြို့နယ် (၃) မိုင် ကင်းစခန်းမှ နယ်ခြားစောင့် ရဲတပ်ဖွဲ့ဝင်များသည် ဒေသခံ ရိုဟင်ဂျာ ရွာသားများကို ရိုက်နှက်ခြင်း၊ မသင်္ကာသည်ဟု ဆိုကာ အိမ်များထဲသို့ ၀င်ရောက်၍ စစ်ဆေးခြင်း၊ နေအိမ်များမှ နွား၊ ကြက်၊ ငှက် စသည်များကို လုယက်ခြင်းများ ပြုလုပ်ခဲ့ကြောင်း သတင်း ရရှိပါသည်။
စက်တင်ဘာလ (၂၉) ရက်နေ့ ည (၁၀) နာရီခန့် အချိန်တွင် မောင်တောမြို့နယ် (၃) မိုင် ကင်းစခန်းမှ စခန်းမှူး အပါအ၀င် နယ်ခြားစောင့် ရဲတပ်ဖွဲ့ဝင် (၁၅) ဦးခန့်သည် ညောင်ချောင်းရွာထဲသို့ ၀င်ရောက်၍ ဦးဇော်မိလ် (ဘ) ဦးကော်ဘိရ်၏ နေအိမ်ကို ၀ိုင်းရံကာ နေအိမ်အတွင်း ပိုက်စိပ်တိုက် ရှာဖွေခဲ့ပြီး တရားဥပဒေနှင့် မလွတ်ကင်းသည့် တစ်စုံတစ်ရာ မတွေ့ရှိခဲ့သော်လည်း အဆိုပါ နယ်ခြားစောင့် ရဲများက ဦးဇော်မိလ်၏ အိမ်မှ ငွေကျပ် ၅ သိန်းတန် နွားထီး တစ်ကောင်နှင့် အိမ်မွေးကြက်၊ ခိုများ အားလုံးကို လုယက် ယူဆောင် သွားခဲ့ကြောင်း ဒေသခံ တစ်ဦးက RB News သို့ပြောပါသည်။
ထို့နောက် တစ်ရွာလုံး လှည့်လည် စစ်ဆေးစဉ် နေအိမ် အချို့ထဲသို့ ၀င်ရောက် စစ်ဆေးခဲ့ပြီး၊ ဦးအေနာမုလ် ဟာဆန် (ဘ) ဦးဟာရွန်၊ ဦးဟာရဲစ် (ဘ) ဦးမာမူဒုလ်ဟာဆောင်း၊ ဦးရော်ရှိတ် (ဘ) ဦးအာဘုလ်ခိုက်ရ် တို့ကို လူမဆန်စွာ ရိုက်နှက်ခဲ့သည့် အပြင် အခြားသော ရွာသားများကိုလည်း ရိုက်နှက် ခဲ့ကြောင်း အဆိုပါ ဒေသခံက ပြောပါသည်။
နယ်ခြားစောင့် ရဲတပ်ဖွဲ့ဝင်များ ညောင်ချောင်း ရွာထဲသို့ ၀င်ရောက်၍ လိုင်စင်ရ ဓါးပြများ သဖွယ် သောင်းကျန်း နေသည်ကို ညောင်ချောင်းရွာ အနီးရှိ ရွှေရင်အေး (န.တ.လ ရွာ) အခြေစိုက် စစ်တပ် ကင်းစခန်းမှ တာဝန်ခံ ဗိုလ်ကြီးက သိရှိသွားသည့် အခါ အဆိုပါ ဗိုလ်ကြီးနှင့် အဖွဲ့သည် ညောင်ချောင်းရွာသို့ ရောက်ရှိလာခဲ့ပြီး နယ်ခြားစောင့် ရဲတပ်ဖွဲ့ဝင်များ၏ ဥပဒေမဲ့ လုပ်ရပ်များကို ရပ်တန့်ရန် တားမြစ်ခဲ့ကြောင်း သိရှိရပါသည်။ နယ်ခြားစောင့် ရဲတပ်ဖွဲ့ဝင်များနှင့် ရွှေရင်အေး (န.တ.လ ရွာ) မှ ရောက်ရှိလာသည့် စစ်တပ်အဖွဲ့သည် ညောင်ချောင်းရွာမှ ည (၁၂) နာရီခန့် အချိန်တွင် ထွက်ခွာ သွားခဲ့ကြသည်။
ဒေသခံ ရိုဟင်ဂျာ ရွာသားများထံမှ လုယက်ယူခဲ့သည် နွား၊ ကြက်၊ ငှက်များကို ပိုင်ရှင်များထံ ပြန်လည် ပေးအပ်ခြင်း မရှိဘဲ နယ်ခြားစောင့် ရဲတပ်ဖွဲ့ဝင်များက (၃) မိုင် ကင်းစခန်းသို့ ယူဆောင် သွားကြောင်း ဒေသခံများက ပြောပါသည်။
နယ်ခြားစောင့် ရဲတပ်ဖွဲ့ဝင်များ ရွာထဲသို့ အချိန်မတော် ၀င်ရောက်၍ သောင်းကျန်း နေမှုများကြောင့် ဒေသခံ ရွာသားများ အလွန် စိုးရိမ်လျက် ရှိပြီး၊ နယ်ခြားစောင့် ရဲများ အချိန်မတော် ၀င်ရောက်၍ စစ်ဆေးသည့် အချိန်တွင် ရွာသား အများစုက လူမဆန်စွာ ညှဉ်းပန်း နှိပ်စက်ခံရမည်ကို စိုးရိမ်၍ ရွာထဲမှ တိမ်းရှောင်လေ့ ရှိသည်။ ထိုကဲ့သို့ အချိန်မျိုးတွင် လူမဆန်စွာ နယ်ခြားစောင့် ရဲများက နေအိမ်များတွင် ကျန်ရစ်ခဲ့သည့် အမျိုးသမီးများကို ကိုယ်ထိလက်ရောက် စော်ကားခြင်းများ ပြုလုပ်လေ့ ရှိကြောင်း ဒေသခံများက ဆိုသည်။
ယခုကဲ့သို့ ဥပဒေမဲ့ လိုင်စင်ရ ဓါးပြများ သဖွယ် ပြုလုပ်နေသည် များကို အထက် အာဏာပိုင်များက ကိုင်တွယ် ဖြေရှင်း ပေးရန် လိုလားကြောင်း ဒေသခံများက ပြောပါသည်။
