နောက်ဆုံးသတင်း/ဆောင်းပါးများ

ပေါက်တောမှာ မွတ်စလင် ဒုက္ခသည်စခန်း မီးလောင်

ဇန်နဝါရီလ ၂၃ ရက်နေ့ ညက မီးလောင်ခဲ့တဲ့ ကြိမ်နီပြင် မွတ်စလင် ဒုက္ခသည် စခန်းကို တွေ့ရစဉ်

24.1.2015

ရခိုင်ပြည်နယ် ပေါက်တော မြို့နယ် ကြိမ်နီပြင် မွတ်စလင် ဒုက္ခသည် စခန်းမှာ မနေ့က ညနေပိုင်းက မီးလောင်မှု ဖြစ်ပွား ခဲ့ရာမှာ ၈ ခန်းတွဲ အဆောင် ၁၀ လုံး စုစုပေါင်း အခန်းပေါင်း ၈၀ မီးလောင်ကျွမ်း သွားပါတယ်။

အဲဒီ မီးလောင်မှု အပြီး မီးဘေးသင့် ဒုက္ခသည် အိမ်ထောင် စုပေါင်း ၁၀၀ ကျော်ကို ယာယီ ရွက်ဖျန်တဲတွေ နဲ့ လောလောဆယ် နေရာချ ထားပေးဖို့ ပြင်ဆင်နေ တယ်လို့ ရခိုင်ပြည်နယ် အစိုးရ အဖွဲ့ လမ်းပန်း ဆက်သွယ်ရေး ဝန်ကြီးဌာန ပြည်နယ် ဝန်ကြီး ဦးလှဟန် က ပြောပါတယ်။

"မနေ့ကတော့ ကယ်ဆယ်ရေး ပစ္စည်းပေါ့ စောင် တို့၊ ခြင်ထောင်တို့ အပါ အဝင်ပေါ့ ပစ္စည်းကိုးမျိုး ပါတယ်၊ လောလောဆယ် ယာယီ ကယ်ဆယ်ရေး ရွက်ဖျင်တဲ ၁၁ဝ ဒီနေ့ အရောက် ပို့ဖို့ စီစဉ်ခဲ့တယ်၊ ၁ဝ၆ စုပေါ့နော်၊ ကျနော်တို့က ၈ ခန်းတွဲတဲက ၁၂ လုံးဆောက်မယ်၊ ၁ဝ ခန်းတွဲက ၁ လုံးဆောက်မယ်၊ အဲ့ဒါကို ၁ လခွဲ အပြီး ဆောက်ဖို့ စီစဉ်တယ်"

ဒုက္ခသည် စခန်းမှာ မနေ့ညနေက ထမင်းချက်ရာ ကနေ ပေါ့ဆမီးကြောင့် မီးလောင်ကျွမ်း ခဲ့တာ ဖြစ်ပြီး ဆုံးရှုံးသွားတဲ့ ကာလ တန်ဖိုးဟာ ငွေကျပ် သိန်းပေါင်း ၈၀၀ လောက် ရှိတယ်လို့ သိရပါတယ်။

အခု လက်ရှိမှာတော့ ဒုက္ခသည်တွေဟာ နီးစပ်ရာ အဆောင်တွေမှာ မှီခို နေထိုင်နေကြ ရတယ် လို့လည်း သိရှိရပါတယ်။

ကြိမ်နီပြင် ဒုက္ခသည် စခန်းမှာ ၈ ခန်းတွဲ အဆောင် ၉၀ ကျော်ရှိပြီး ပြီးခဲ့တဲ့ ၂၀၁၂ အတွင်းက ဖြစ်ပွားခဲ့တဲ့ ပဋိပက္ခ တွေကြောင့် ပေါက်တော အပါအဝင် မြေပုံနဲ့ ကျောက်ဖြူမြို့နယ်တွေက အိမ်ထောင်စုပေါင်း ၈၀၀ ကျော် စုပေါင်း နေထိုင်တဲ့ ဒုက္ခသည် စခန်း တစ်ခုလည်း ဖြစ်ပါတယ်။

Comment ရေးရန်

Rohingya Exodus