နောက်ဆုံးသတင်း/ဆောင်းပါးများ

ဖြစ်ချင်လိုက်တာ ………………





ဖြစ်ချင်လိုက်တာ ………………

ရေးသားသူ - ရိုဟင်စိုးမိုးဝင်း (MYARF)
RB ကဗျာ
10.2.2015

လူသားတစ်ယောက်ပဲ အရိုင်းအစိုင်းကင်းမဲ့ခြင်းရဲ့အသီးအပွင့်တွေကို
မှီဝဲရင်း ... လွတ်လပ်ခြင်းရဲ့တောင်ပြန် လေညင်းတွေ ရှုရှိုက်နိုင်သူပဲ 
ဖြစ်ချင်လိုက်တာ ... ။

တောပန်းတစ်ခက်ပဲ 
အဂါရဝတရား ဆုပ်ကိုင်ထားတဲ့ ရမ်းကားသူလက်ပါးစေတို့ရဲ့ 
မာယာကျော့ကွင်းမှလွတ်မြောက်ရင်း ... သဒ္ဓါကြည်ဖြူ မေတ္တာဖြူတဲ့ 
လူသားတစ်တွေ အနမ်းခြွေတတ်တဲ့ပန်းပဲ ဖြစ်ချင်လိုက်တာ ... ။ 

ညမွှေးပန်းတစ်ပွင့်ပဲ 
ကျေးလက်မြို့ပြ၊ တဲသားတိုက်သား၊ မောင်ဖြူမောင်မဲ၊ ကျောသားရင်သား၊ 
သူမွဲသူကြွယ်၊ ပါဂျဲရိုးပိုင်ရှင်ခြေထောက်ရှင် စတဲ့ ဝိသေသလက္ခဏာတွေနဲ့ ခွဲခြားမောက်မာတတ်တဲ့ဦးရိုင်းတွေရဲ့ ဂန္ဓာရုံစက်အတွင်းက 
လွတ်မြောက်ရင်း ... နေရာတကာ ညီမျှခြင်းရေးတတ်တဲ့ ဦးယဉ်တွေရဲ့ 
အစေခံတန်းလျားမှာ ထုံသင်းမွှေးကြူနေတဲ့ပန်းတစ်ပွင့်ပဲ ဖြစ်ချင်လိုက်တာ ... ။

ဖယောင်းတိုင်လေးတစ်တိုင်ပဲ 
အမှောင်ထုမှာ နေပျော်တတ်တဲ့ငမိုက်သားမုဆိုးကောင်တွေရဲ့ 
ပြောက်ကျားဘောင်းဘီရှည်အိပ်ကပ်ထဲမှ လွတ်မြောက်ရင်း ... 
ကမ္ဘာတစ်ခွင်အလင်းဆောင်ဖို့ အားထုတ်ကြိုးပမ်းနေသူတွေရဲ့ 
စာကြည့်စားပွဲပိုင် ဖယောင်းတိုင်လေးတစ်တိုင်ပဲ ဖြစ်ချင်လိုက်တာ ... ။

အမေ့သားတစ်ယောက်ပဲ 
ဘဝမာရသွန်ပြိုင်ပွဲကြီးရဲ့ပန်းတိုင်ရောက်လုနီးနီး 
အရှုံးပေးလမ်းဖြတ်ထွက်သွားတဲ့သူတွေ၊ 
ချိုမြိန်တဲ့အသီးအပွင့်တွေဖူးပွင့်လုနီးနီး သည်းမခံဘဲ 
ယာခင်းဖျက်ဆီးတတ်တဲ့သူတွေရဲ့ ဖော်ရွေမှုမှ ကင်းဝေးရင်း ... 
ပန်းတိုင်ဆီရှေ့ချီတက်နေတဲ့ အားမာန်ပြည့်ပုရွက်ဆိတ်ကလေးတွေကို ချီးကျူးအားပေးလက်ဆင့်ကမ်းထောက်ပံ့သူအမေ့သားတစ်ယောက်ပဲ 
ဖြစ်ချင်လိုက်တာ ... ။

Comment ရေးရန်

Rohingya Exodus