နိုင်ငံသား လျှောက်ထား ခိုင်းခြင်းကို တောင်ပြိုလက်ဝဲ ဒေသခံများ ဘ၀င်မကျ ဖြစ်နေ

Rohingya Eye
RB News
9.3.2015

တောင်ပြိုလက်ဝဲ ။ ။ ရခိုင်ပြည်နယ်၊ မောင်တောခရိုင် တောင်ပြိုလက်ဝဲ မြို့နယ်ခွဲမှ ဒေသခံများကို အုပ်ချုပ်ရေးမှူး ရုံးတွင် အစည်းအဝေး ခေါ်ယူ၍ နိုင်ငံသား လျှောက်ထားခိုင်းခြင်းကြောင့် ဒေသခံများ ဘ၀မကျ ဖြစ်နေကြောင်း သတင်း ရရှိပါသည်။

မတ်လ (၈) ရက်နေ့ နေ့လည် (၁) နာရီ အချိန်တွင် မောင်တောခရိုင်၊ တောင်ပြိုလက်ဝဲ မြို့နယ်ခွဲ အုပ်ချုပ်ရေးမှူး အစည်းအဝေး ခန်းမတွင် ၎င်းမြို့နယ်ခွဲ လက်အောက်ရှိ ကျေးရွာများမှ အုပ်ချုပ်ရေးမှူးများ၊ ရပ်မိရပ်ဖ များကို ခေါ်ယူ၍ အစည်းအဝေး တစ်ရပ် ကျင်းပခဲ့သည်။ အစည်းအဝေးတွင် မြို့နယ်ခွဲ အုပ်ချုပ်ရေးမှူးက ယာယီသက်သေခံ ကဒ်ပြားများ ပြန်လည် အပ်နှံရေး စင်တာ နှစ်ခုကို တောင်ပြိုလက်ဝဲ မြို့နယ်ခွဲနှင့် လိပ်ရကျေးရွာတွင် ဖွင့်လှစ် သွားမည် ဖြစ်ကြောင်း၊ အပ်နှံပြီးပါက နိုင်ငံသား လျှောက်ထားနိုင်ပြီ ဖြစ်ကြောင်း ပြောခဲ့ကြောင်း ဒေသခံ တစ်ဦးက RB News သို့ပြောသည်။

ရပ်မိရပ်ဖ တစ်ဦးက “ကျွန်တော်တို့က ၁၉၈၂ ခုနှစ် မတိုင်ခင် နိုင်ငံသားများကိုသာ ထုတ်ပေးခဲ့တဲ့ အမျိုးသား မှတ်ပုံတင်ကို ကိုင်ဆောင်ခဲ့တဲ့ သူတွေဖြစ်ကြပြီး၊ ၁၉၈၉ ခုနှစ်မှာလည်း လျှောက်ထားခဲ့သူများ ဖြစ်သည့်အတွက် ယခုအခါ နိုင်ငံသား ထပ်မံ လျှောက်ထားရမည်ကို နားမလည်နိုင်ပါကြောင်း” ပြန်လည်တင်ပြခဲ့ရာ မြို့နယ်ခွဲ လ.၀.က ဦးစီးမှူးက မြန်မာ့ သမိုင်းတွင် ရိုဟင်ဂျာ လူမျိုး ဆိုသည်မှာ မရှိကြောင်း၊ ထို့ကြောင့် မြန်မာနိုင်ငံတွင် ရှိသည့် အိန္ဒိယ၊ ပါကစ္စတန်တို့ ဘက်မှ လာသည့် လူမျိုးတစ်မျိုး၏ အမည်ကို ခံယူရန် လိုကြောင်း၊ ထိုကဲ့သို့ ခံယူပါက နိုင်ငံသား ထုတ်ပေးနိုင်မည် ဖြစ်ကြောင်း ပြန်လည် ပြောဆိုသောကြောင့် အစည်းအဝေး တက်ရောက်သည့် ဒေသခံများက နိုင်ငံသား ထပ်မံ လျှောက်ထားခိုင်း ဘ၀င်မကျ ဖြစ်နေသည်ဟု ဒေသခံများက ပြောပါသည်။