မောင်တော မြို့၊ မြို့မ ဗလီကြီး အရှေ့ဘက်ရှိ ဗလီပိုင် ဆိုင်ခန်းများ မီးလောင်

မောင်တော ။ ။ ရခိုင်ပြည်နယ်၊ မောင်တောမြို့နယ်တွင် ဆိုင်တန်း တစ်တန်း မေလ (၁၂) ရက်နေ့ ည ၈း၃၀ နာရီ အချိန်တွင် စတင်၍ မီးလောင်ကျွမ်း ခဲ့သည်။ ယူနိုက်တက် တည်းခိုခန်း၏ တောင်ဖက်၊ မြို့မ ဗလီကြီး၏ အရှေ့ဘက်ရှိ ဗလီပိုင် ဆိုင်ခန်းများ ဖြစ်သည်။ မီးစလောင်ချိန်တွင် မီးသတ်ကား တစ်စီး ရောက်ရှိလာခဲ့သော်လည်း တစ်ခဏတာ မီးငြိမ်းသတ်ပြီး ရေကုန်သွား၍ ပြန်သွားရာ အချိန်အတန်ကြာ မီးငြိမ်းသတ်မှု မရှိ ဖြစ်နေခဲ့သည်။ 

ည (၉) နာရီကျော်ခန့်တွင် မီးသတ် (၃) စီး ရောက်ရှိလာခဲ့သော်လည်း အင်တိုက်အားတိုက် မီးငြိမ်းသတ်ရန် ကြိုးစားခဲ့ခြင်း မရှိကြောင်း ဒေသခံများက RB News သို့ပြောသည်။ မီးလောင်ကျွမ်းသွားသည့် ဆိုင်များ၏ ပိုင်ရှင် အများစုမှာ ဒေသခံ ရိုဟင်ဂျာများ ဖြစ်သည်။ အနီးအနားရှိ ဒေသခံ ရိုဟင်ဂျာများကိုလည်း မီးငြိမ်းသတ် နိုင်ရန် အနားပင် ကပ်ခွင့် မပေးခဲ့ကြောင်း ဒေသခံများက ပြောပါသည်။ 

ည (၁၀) နာရီ အချိန်တွင် စစ်တပ် ရောက်ရှိလာမှသာ မီးသတ်ကားများက မီးငြိမ်းသတ်ခဲ့သည်။ လောင်ကျွမ်း သွားသည့် ဆိုင်အများစုမှာ စားကုန်ဆိုင် ဖြစ်ပြီး၊ အိမ်သုံး ပစ္စည်း အရောင်းဆိုင်၊ အိမ်ဆောက် ပစ္စည်း အရောင်းဆိုင်၊ ရွှေဆိုင်နှင့် အခြားဆိုင်များလည်း ပါဝင်သည်။ ဦးနူရ်ဟူဒါ (မောင်နီရွာ) နှင့် ဦးဖော်ယာစ် (အမှတ် (၅) ရပ်ကွက်) တို့၏ အိမ်သုံး ပစ္စည်း အရောင်းဆိုင် နှစ်ဆိုင်မှာ သိန်းထောင်ချီ နီးပါး တန်သည်ဟု ဒေသခံများက ဆိုသည်။ 

မီးလောင်ကျွမ်း ရခြင်း အကြောင်းရင်းကို မသိရှိရသော်လည်း ဦးနူရ်ဟူဒါ၏ အိမ်သုံး ပစ္စည်း အရောင်းဆိုင် အနီးမှ လောင်ကျွမ်းခဲ့ခြင်း ဖြစ်သည်ဟု ဆိုသည်။ 

မီးလောင်ကျွမ်းနေစဉ် မီးသတ်ကားများက မီးမငြိမ်းသတ်သောကြောင့် မီးငြိမ်းသတ်ရန် သွားသည့် ရိုဟင်ဂျာ လူငယ် (၃) ဦးကို ရဲတပ်ဖွဲ့က ဖမ်းဆီးခဲ့ကြောင်း သိရှိရသည်။ မီးလောင်စဉ် အချိန်တွင် ရဲများနှင့် ဒေသခံ ရခိုင် အချို့က ပစ္စည်းများ လုယက်ခဲ့ကြောင်း ဒေသခံများ၏ ပြောကြားချက် အရ သိရှိရပါသည်။