ဧည့်စာရင်း တိုင်၍ တည်းခိုနေသူ များကို ဖမ်းဆီး၍ ငွေညှစ်

မောင်တော ။ ။ သြဂုတ်လ (၂၆) ရက်နေ့က ရခိုင်ပြည်နယ်၊ မောင်တော မြို့နယ် တောင်ပိုင်း ၀ါးချကျေးရွာ၊ သံဒါကျေးရွာနှင့် ဇော်မတက် ကျေးရွာများတွင် အခြေစိုက်သည့် နယ်မြေ (၇) နယ်ခြားစောင့် ရဲတပ်ဖွဲ့ စခန်းများမှာ နယ်ခြားစောင့်ရဲ အင်အား တစ်ရာခန့်သည် ညသန်းခေါင်ယံ အချိန်တွင် ရွာများထဲသို့ ၀င်ရောက်၍ နေအိမ်များကို ရှောင်တခင် ၀င်ရောက် စစ်ဆေးခဲ့သည်။ ထိုသို့ စစ်ဆေးရာတွင် ဧည့်စာရင်း တိုင်ကြား၍ တည်းခိုနေသည့် အပြစ်မဲ့ ဧည့်သည်များကို ဖမ်းဆီး၍ ငွေညှစ်ခဲ့ကြောင်း သတင်း ရရှိပါသည်။

နယ်ခြားစောင့် ရဲများသည် နံနက် (၃) နာရီအချိန်တွင် ဇော်မတက် ကျေးရွာမှ ဦးဇီယာဘုလ်ဟောက် (အသက် ၃၀ နှစ်) ၏ နေအိမ်ထဲသို့ ၀င်ရောက် စစ်ဆေးစဉ် ဧည့်စာရင်း တိုင်ကြား၍ တည်းခိုနေသည့် ဧည့်သည် (၃) ဦးကို အကြောင်းမဲ့ ဖမ်းဆီး၍ အလယ်သံကျော် ကျေးရွာရှိ နယ်မြေ (၇) နယ်ခြားစောင့် ရဲတပ်ဖွဲ့ စခန်းသို့ ခေါ်ဆောင် သွားပြီး သြဂုတ်လ (၂၇) ရက်နေ့ နေ့လည် (၂) နာရီ အချိန်တွင် ဖမ်းဆီးခံသူများ၏ မူရင်း ကျေးရွာများက အုပ်ချုပ်ရေးမှူး များမှ တဆင့် ငွေညှစ်၍ ပြန်လည် လွှတ်ပေးခဲ့ကြောင်း ဒေသခံ တစ်ဦးက RB News သို့ပြောပါသည်။ 

ငွေညှစ်ခံရသူများမှာ -- 

(၁) မော်လ၀ီ အာသီအုလ္လာ (ဘ) ဦးအလီအာခ်ဘောရ် (အသက် ၅၀ နှစ်) - သံဒါ ကျေးရွာမှ - ညှစ်ခံရငွေ ကျပ် သုံးသောင်း 

(၂) ဦးမာမတ်ဆုလ်တာန် (ဘ) ဦးလာလ်မျာ (အသက် ၆၀ နှစ်) - သံဒါကျေးရွာမှ - ညှစ်ခံရငွေ ကျပ် သုံးသောင်း

(၃) မော်လ၀ီနူရ်မာမတ် (အသက် ၃၅ နှစ်) - အလယ်သံကျော် ကျေးရွာမှ - ညှစ်ခံရငွေ ကျပ် တစ်သိန်း -- တို့ဖြစ်သည်။ 

အဆိုပါ နယ်ခြားစောင့် ရဲများသည် သြဂုတ်လ (၂၆) ရက်နေ့တွင် ၀ါးချ ကျေးရွာရှိ ဦးဖွေယာစ် (ဘ) ဦးဇာဖောရ်အာမတ် (အသက် ၆၀ နှစ်) ၏ နေအိမ် တံခါးကို ရိုက်ချိုး၍ ၀င်ရောက် စစ်ဆေးခဲ့ပြီး မည်သည့် တရားမ၀င် ပစ္စည်း တစ်စုံတစ်ရာ မရရှိသော်လည်း အဖိုးတန် Rado နာရီတစ်လုံးနှင့် အ၀တ်အထည် အချို့ကို လုယက် ယူဆောင် သွားခဲ့သည်။ 

၎င်းတို့သည် ထိုကဲ့သို့ ရှောင်တခင် စစ်ဆေးမှုကို အမှတ် (၁) နယ်ခြားစောင့် ရဲတပ်ဖွဲ့ ဌာနချုပ်မှ G-1 ၏ အမိန့်ဖြင့် လုပ်ဆောင်ခဲ့ခြင်း ဖြစ်ကြောင်း သိရသည်။ အဆိုပါ ကျေးရွာများရှိ ဒေသခံ ရိုဟင်ဂျာများသည် အစိမ်းနုရောင်ကဒ်ကို လက်ခံရန် ငြင်းဆန် နေသောကြောင့် လက်နက် အင်အားဖြင့် ခြိမ်းခြောက်၍ လက်ခံလာအောင် လုပ်ဆောင် နေခြင်း ဖြစ်ကြောင်း ဒေသခံ ရွာသားများက ပြောပါသည်။