ဘူးသီးတောင် ဖရုံချောင်းကျေးရွာ တာဝန်ခံ လူမဆန်စွာ ရမ်းကားလျက်ရှိ

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် တောင်ပိုင်း ဖရုံချောင်း ကျေးရွာ တာဝန်ခံ ဦးဆော်လီမူလ္လာသည် ဒီဇင်ဘာလ (၁) ရက်နေ့ ည ၁၀ နာရီအချိန်တွင် ဓါးရှည်တစ်လက် ကိုင်ဆောင်၍ ဖရုံချောင်း ကျေးရွာအုပ်စု၊ ကျွဲတက်ပြင်ရွာသို့ သွားရောက်ပြီး ဦးမာမတ်ဆီဒိခ်၏ ဇနီး ဒေါ်အာမီနာ (ဘ) ဦးမုစ်တာခ်အာမတ် (အသက် ၄၀ နှစ်) ၏ နေအိမ်ထဲသို့ ၀င်ရောက်ကာ ဓါးပြ ခြိမ်းခြောက်၍ သူမ၏ အသက် (၁၂) နှစ် အရွယ် သမီးငယ် မအာဂျီဒါအား ၎င်းနှင့် မင်္ဂလာဆောင် ပေးရန် တောင်းခဲ့သည်။ ဒေါ်အာမီနာကလည်း ကြောက်ရွံ၍ ပေးမည်ဟု ပြောခဲ့သည်။ 

ထို့နောက် ဦးဆော်လီမူလ္လာက “အခုပေး ငါအခု လိုချင်တယ်၊ ငါအခု သုံးချင်တယ်” ဟု အမျိုးမျိုး ရိုင်းပျစွာ မဖွယ်မရာ ပြောဆိုခဲ့သည်ဟု ဒေသခံရွာသား များက RB News သို့ပြောပါသည်။ ဒေါ်အာမီနာက “ကျွန်မ သမီး အခုထိ အရွယ်မရောက်သေးဘူး၊ အရွယ်ရောက်ရင် ခင်ဗျားကို ပေးမယ်” ဟု ကတိပေးခဲ့ရသည်။ လူမဆန်သည့် ကျေးရွာ တာဝန်ခံ ဦးဆော်လီမူလ္လာသည် ည ၁၀ နာရီမှ ၁၂ နာရီထိ ဒေါ်အာမီနာကို ခြိမ်းခြောက် နှောက်ယှက်ခဲ့သည်။ 

ဒေါ်အာမီနာ၏ အိမ်တွင် ဆူညံသံများကို ဘေးပတ်ဝန်းကျင်မှ ကြားသိနေရသော်လည်း အိမ်နီးချင်းများက ကျေးရွာ တာဝန်ခံ ဆော်လီမူလ္လာ ဖြစ်မှန်းသိ၍ မည်သူမျှ သွားရောက် ကူညီရန် မ၀ံ့ခဲ့ပေ။ ၂၀၁၁ ခုနှစ်ကလည်း ဆော်လီမူလ္လာက န.စ.က များနှင့် ပူးပေါင်း၍ ဒေါ်အာမီနာ၏ ခင်ပွန်း ဖြစ်သူ ဦးမာမတ်ဆီဒိခ်ကို အကြိမ်ကြိမ် လုပ်ကြံ ဖမ်းဆီး ငွေညှစ်ခြင်းဖြင့် ဦးမာမတ်ဆီဒိခ် ပိုင်ဆိုင်သော လယ် (၅) ဧကကို ဆုံးရှုံးစေခဲ့သည်။ နောက်ဆုံးတွင် န.စ.က များအား ငွေပေးရန် မတတ်နိုင်တော့သည့် ဦးမာမတ်ဆိဒိခ်သည် ဘင်္ဂလားဒေ့ရှ် နိုင်ငံသို့ ထွက်ပြေး သွားခဲ့ရသည်။ ထိုအချိန်ကလည်း ဒေါ်အာမီနာကို အမျိုးမျိုး ခြိမ်းခြောက် နှောက်ယှက်ခဲ့သည်။ 

လူအသွင်ဖြင့် တိရစ္ဆာန်ကဲ့သို့ ဖြစ်နေသည့် ဆော်လီမူလ္လာသည် အသက် ၄၇ နှစ် ရှိပြီး သမီးပင် အိမ်ထောင်ကျပြီး မြေးရရှိနေသူ တစ်ဦး ဖြစ်သည်။ ထိုကဲ့သို့ သက်ကြီးတစ်ဦးက အသက် (၁၂) နှစ် အရွယ် ကလေးကို အိမ်ထောင်ပြုရန် တောင်းခြင်းမှာ လူမဆန်ဘဲ တိရစ္ဆာန်ထက်ပင် ဆိုးရွားနေ၍ ဖြစ်သည်။ ၎င်းသည် မကြာခဏ ဆိုသလို မုဆိုးမများ၏ နေအိမ်များသို့ ၀င်ရောက်ပြီး အမျိုးမျိုး ခြိမ်းခြောက် နှောက်ယှက်လေ့ ရှိသော်လည်း သက်ဆိုင်ရာ အာဏာပိုင်များက မည်သည့် အခါမှ အရေးယူခြင်း မရှိသောကြောင့် ယခုကဲ့သို့ ဆက်လက်၍ တိရစ္ဆာန်ထက် ဆိုးရွားစွာ ရမ်းကားနေခြင်း ဖြစ်သည်။