ကျေးရွာ အုပ်ချုပ်ရေး၏ ငွေညှစ်မှု သတင်း ဖော်ပြမှုကြောင့် ကာယကံရှင်များ ခြိမ်းခြောက်ခံရ

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် တောင်ပိုင်း၊ ဖုရားပြင်အောင်ပ ကျေးရွာ၊ အကွက် (၁) ကင်းရုံတွင် နိုဝင်ဘာလ (၁၄) ရက်နေ့ညတွင် လူငယ် လေးဦး ကင်းစောင့်ရင်း အိပ်ပျော်သွားခဲ့သည်။ ထိုအချိန်တွင် အကွက် (၁) မှ ရာအိမ်မှူး ဦးဘာဆာမျာနှင့် ကျေးရွာ အုပ်ချုပ်ရေးမှူး၏ တပည့် ဦးမူဟိဖ်ဘူလ္လာ (ဘ) ဦးဆောယာဒ်ကာဆိမ်း တို့ရောက်ရှိလာပြီး ကင်းစောင့်နေသူ ၄ ဦးလုံး အိပ်ပျော်နေသည်ကို တွေ့သောအခါ မနိုးဘဲ၊ MPT ဖုန်းတစ်လုံးကို ခိုးယူကာ၊ ကင်းသမားများ အိပ်ပျော်နေစဉ် ခိုးယူလာခဲ့သည်ဟု ဆိုကာ ကျေးရွာ အုပ်ချုပ်ရေးမှူး မောင်ချမ်းသာ အား အပ်နှံခဲ့သည်။

ဖုန်းခိုးခံရသည့် ကင်းသမား (၄) ဦးက ပျောက်ဆုံးသွားသည့် ဖုန်းကို အခြားဖုန်းများဖြင့် ခေါ်ကြရာ ဖုန်းကိုင်သူ မရှိဘဲ၊ နိုဝင်ဘာလ (၁၈) ရက်နေ့တွင် မောင်ချမ်းသာက ၎င်းအား ဖုန်းဆက်၍ ဆဲဆိုသည်ဟု လုပ်ကြံကာ ကင်းသမား (၄) ဦးထံမှ ငွေညှစ်ခဲ့သည်။ အဆိုပါ သတင်းကို RB News တွင် နိုဝင်ဘာလ (၂၉) ရက်နေ့က ရေးသား ဖော်ပြခဲ့သည်။ 

သတင်းဖော်ပြမှုနှင့် ပတ်သက်၍ ဒီဇင်ဘာလ (၄) ရက်နေ့ သောကြာနေ့တွင် အဆိုပါ ကင်းသမား (၄) ဦး ဗလီ၌ ၀တ်ပြုရောက်နေစဉ် ရာအိမ်မှူး ဦးဘာဆာမျာနှင့် အုပ်ချုပ်ရေးမှူး၏ တပည့် ဦးမူဟိဖ်ဘူလ္လာတို့ ရောက်ရှိလာပြီး၊ အင်တာနက်သို့ သတင်းပို့သူကို ကင်းသမား (၄) ဦးက ဖော်ထုတ်ပေးရမည် ဖြစ်ကြောင်း၊ မဖော်ထုတ်ပေးပါက ဖမ်းဆီး ထောင်ကျမည်၊ တိုင်းပြည်မှာ နေထိုင်ခွင့် မရဘဲ ထွက်ပြေးရမည်ဟု ခြိမ်းခြောက် ပြောဆိုခဲ့ကြောင်း ဒေသခံများက RB News သို့ပြောပါသည်။ 

ထို့နောက် ကင်းသမား (၄) ဦးကို ဗလီထဲတွင် ၀တ်ပြုခွင့် မပေးဘဲ နှင်ထုတ်ခဲ့သည်။ ညနေပိုင်းတွင် အုပ်ချုပ်ရေးမှူး မောင်ချမ်းသာနှင့် တပည့်ဖြစ်သူ ဦးမူဟိဖ်ဘူလ္လာ တို့က ကင်းသမား (၄) ဦးထဲမှ အဒူလ္လာ ဆိုသူ ဆိုင်ကယ် စီးသွားစဉ် လိုက်လံဖမ်းဆီးရန် ကြိုးစားခဲ့သည်။ သုိ့သေ်ာ ဖမ်းဆီး မမိခဲ့ကြောင်း သိရသည်။