ဆိုင်ကယ် တိုက်ခံရသူက မွတ်စလင်ဖြစ်၍ ၀င်တိုက်သူ ဗုဒ္ဓဘာသာဝင် အမျိုးသမီးကို လျော်ကြေးပေးရ

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း ကျီးကန်းပြင် ကျေးရွာ အုပ်ချုပ်ရေးမှူးဟောင်း၏ ညီ ဇူဘိုင်ရ် (အသက် ၂၈ နှစ်) သည် ဖေဖော်ဝါရီလ (၁၅) ရက်နေ့ နေ့လည် ၁၂း၄၀ နာရီအချိန်တွင် Kenbo အမျိုးအစား အနီရောင် ဆိုင်ကယ်စီး၍ ဦးဥတ္တမလမ်းရှိ အေနာမ် တည်းခိုရိပ်သာ ရှေ့တွင် ကွေ့နေစဉ်၊ အမှတ် (၄) ရပ်ကွက် ဦးဥတ္တမလမ်းရှိ ဘီယာဆိုင်ရှင် ဦးအောင်မျိုးဝင်း (အသက် ၄၂ နှစ်) ၏ ခယ်မ မချစ်စိုးက ဆိုင်ကယ်ဖြင့် ဇူဘိုင်ရ်၏ ဆိုင်ကယ်ကို နောက်မှ အရှိန်နှင့် တိုက်မိခဲ့သည်။ 

မချစ်စိုးက နောက်မှ ဆိုင်ကယ်ဖြင့် တိုက်မိသည့် အရှိန်ကြောင့် ဇူဘိုင်ရ်သည် ဆိုင်ကယ်နှင့် အတူ လဲကျသွားပြီး၊ လက်မောင်းတွင် ဒဏ်ရာ ရရှိခဲ့သည့်အပြင် ဆိုင်ကယ်လည်း ပျက်စီးသွားခဲ့သည်။ 

ဥပဒေအရ ဆိုလျှင် နောက်မှ တိုက်မိသူ၏ အပြစ်သာ ဖြစ်သော်လည်း တိုက်မိသူမှာ ဗုဒ္ဓဘာသာဝင် အမျိုးသမီး ဖြစ်သောကြောင့် အဆိုပါ အမျိုးသမီး၏ အပြစ်ကို ကွယ်ဝှက်ပြီး အစ္စလာမ် ဘာသာဝင် ဖြစ်သူ ဇူဘိုင်ရ်တွင်သာ အပြစ်ရှိသည်ဟု မတရားသဖြင့် စွပ်စွဲ၍ မချစ်စိုး စီးနင်းလာသည့် ထိုင်းနိုင်ငံထုတ် ဆိုင်ကယ် အမျိုးအစား အသစ်တစ်စီး လျော်ပေးခဲ့ရသည်။ ဆိုင်ကယ်၏ ကာလ တန်ဖိုးမှာ ငွေကျပ် (၄) သိန်းဖြစ်ပြီး၊ ယာဉ်ထိန်းရဲများအား ပေးသည့် ငွေအပါအ၀င် စုစုပေါင်း (၁၉) သိန်း ကုန်ကျခဲ့ကြောင်း ဒေသခံများက RB News သို့ပြောပါသည်။ 

ဆိုက်ကယ် တိုက်သည်ကို မြင်သည့် မျက်မြင် သက်သေ တစ်ဦးက “အဲဒီ အမျိုးသမီးရဲ့ ဆိုင်ကယ်က အတော်လေး ဟောင်းနေပါပြီ၊ ဆိုင်ကယ်ရဲ့ ရှေ့မီး တစ်ခုပဲ ပျက်စီးသွားတာ။ အနိုင်ကျင့်ပြီး လျော်ကြေး ယူတယ်ဆိုရင်လည်း ရှေ့မီး တစ်ခုစာပဲ ယူသင့်တယ်။ အခုလို ဆိုင်ကယ် တစ်စီး အသစ် လျော်ခိုင်းတာကတော့ တော်တော်လေးကို မတရားလုပ်တာပဲ” ဟု ပြောသည်။ 

ဦးအောင်မျိုးဝင်းသည် သရေကညင်တန်း (န.တ.လ) ရွာ ဇာတိဖြစ်ပြီး၊ ယခင်က ဗီဒီယိုရုံ ပြပြီး စီးပွားရှာခဲ့ရာမှ ယခုအခါ WY မူးယစ်ဆေးဝါး ရောင်းဝယ်ရေးဖြင့် ကြီးပွား ချမ်းသာလာကာ၊ အလိုတော်ပြည့် ကျောင်းတိုက် ဆရာတော်နှင့် ပူးပေါင်း၍ လုပ်ငန်းများလည်း လုပ်ကိုင်လျက် ရှိသလို၊ ၉၆၉ အဖွဲ့ဝင် တစ်ဦးလည်း ဖြစ်သည်။ ယခု ဆိုက်ကယ် တိုက်သည့် ကိစ္စတွင် အလိုတော်ပြည့် ကျောင်းတိုက်မှ ဆရာတော်၏ အရှိန်အ၀ါကို သုံး၍ လုပ်ဆောင်ခဲ့ခြင်း ဖြစ်နိုင်သည်ဟု ဒေသခံများက သုံးသပ်နေကြသည်။