မူးယစ်ဆေးဝါး ပိုင်ရှင်ထံမှ ဌာနဆိုင်ရာများက ငွေသိန်း ၁၀၀ ခန့်ညှစ်၍ ပြန်လွှတ်ပေး
MYARF
RB News
2.2.2016
မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း၊ ကြိမ်ချောင်း ကျေးရွာရှိ နယ်ခြားစောင့် ရဲတပ်ဖွဲ့ စခန်း (ယခင် ကြိမ်ချောင်း ရဲစခန်း) မှ နယ်ခြားစောင့်ရဲ များက ဇန်န၀ါရီလ (၂၃) ရက်နေ့ အာရုဏ်တက် အချိန်တွင် ကြိမ်ချောင်း အလယ်ရွာမှ မုခ်တာရ်ဟူစိန်း (ဘ) ဦးဒိလ်မာတ် (အသက် ၁၇ နှစ်) ကို WY မူးယစ် ဆေးပြား တစ်သောင်းဖြင့် ဖမ်းဆီးရမိခဲ့သည်။ မုခ်တာရ်ဟူစိန်းက ဆိုင်ကယ်ဖြင့် သယ်ဆောင် သွားစဉ် ဖမ်းဆီးရမိခဲ့ခြင်း ဖြစ်သည်။
ဖမ်းဆီးခံရသည့် လူငယ်ကို ကြိမ်ချောင်း နယ်ခြားစောင့် ရဲတပ်ဖွဲ့ စခန်းတွင် ချုပ်နှောင်ထားပြီး စစ်ဆေးရာ WY ဆေးပြားများ၏ ပိုင်ရှင်မှာ ဦးရဇောဘူလ်ဟိုရ် ဖြစ်ကြောင်း ထွက်ဆိုခဲ့သည်။ ဖမ်းဆီးခံရပြီးနောက် WY ဆေးပြားများ ပိုင်ရှင် ဦးရဇောဘူလ်ဟိုရ်နှင့် လူငယ်၏ မိဘများက သိရှိခဲ့ခြင်း မရှိခဲ့ပေ။ နံနက် ၇း၃၀ နာရီ အချိန်တွင် စခန်းမှူး အပါအ၀င် နယ်ခြားစောင့်ရဲ (၈) ဦးတို့ ဆိုင်ကယ်များဖြင့် သတင်းပေး နူရ်ဂျူဟာရ်နှင့် အတူ လူငယ်၏ အိမ်သို့ သွားရောက်ခဲ့သည်။ ထိုစဉ် ဦးရဇောဘူလ်ဟိုရ်သည် လူငယ်၏ အိမ်တွင် ရှိနေခဲ့သည်။ နယ်ခြားစောင့်ရဲ များက အိမ်ထဲသို့ ၀င်ရောက်ပြီး တစ်အိမ်လုံး ရှာဖွေ စစ်ဆေးခဲ့သည်။ သို့သော်လည်း မူးယစ်ဆေးဝါးနှင့် တရားမ၀င် ပစ္စည်း တစ်စုံတစ်ရာ မတွေ့ရှိခဲ့ပေ။ နယ်ခြားစောင့်ရဲများ ပြန်လည် ထွက်ခွာစဉ် ဦးရဇောဘူလ်ဟိုရ် ကိုလည်း ဖမ်းဆီး ခေါ်ဆောင်သွားခဲ့သည်။
အဆိုပါသတင်းကို ချက်ချင်းပင် ကြိမ်ချောင်းရှိ စခန်း (၂၄) တွင် နေထိုင်သော နယ်ခြားစောင့် ရဲတပ်ဖွဲ့ ဒုကွပ်ကဲရေးမှူး၊ စခန်းမှူး ရဲအုပ်ကျော်သူရနှင့် ငါးခူရ အခြေစိုက် နယ်ခြားစောင့် ရဲတပ်ဖွဲ့ တပ်ရင်းမှူးတို့ သိရှိသွားခဲ့သည်။ ဖမ်းဆီးခံထားရသူ နှစ်ဦးလုံးကို ပြန်လည် လွှတ်ပေးမည်ဟု ဆိုကာ နယ်ခြားစောင့်ရဲ များက ငွေကျပ် သိန်းနှစ်ရာ တောင်းခံခဲ့သည်။ ညနေပိုင်းတွင် ဒုကွပ်ကဲရေးမှူးနှင့် ခင်မင် ရင်းနှီးသူ ကြိမ်ချောင်း အလယ်ရွာမှ မော်လ၀ီအာနိုဝါရ်က ဒုကွပ်ကဲရေးမှူး၊ ငါးခူရ အခြေစိုက် တပ်ရင်းမှူး တို့နှင့် တွေ့ဆုံပြီး ငွေကျပ် (၈၅) သိန်း ပေးပြီးနောက် ဦးရဇောဘူလ်ဟိုရ် တစ်ဦးတည်း လွတ်မြောက်လာခဲ့ကြောင်း ဒေသခံများက RB News သို့ပြောပါသည်။ အဆိုပါ ငွေကျပ် (၈၅) သိန်းကို ကြိမ်ချောင်း စခန်းမှ နယ်ခြားစောင့်ရဲများ၊ ဒုကွပ်ကဲရေးမှူး၊ တပ်ရင်းမှူး၊ စခန်း (၂၄) မှာ စခန်းမှူး ရဲအုပ်ကျော်သူရတို့ ခွဲဝေယူခဲ့ကြောင်း သိရှိရသည်။
ချုပ်နှောင် ခံထားရသည့် လူငယ် မုခ်တာရ်ဟူစိန်းကို WY ဆေးပြား ၈၀၀ နှင့်အတူ မောင်တော တရားရုံးသို့ ပို့ဆောင်ပြီး ထိုမှတဆင့် ဘူးသီးတောင် အကျဉ်းထောင် ခြံဝင်းရှိ နယ်ခြားစောင့် ရဲတပ်ဖွဲ့ အချုပ်ခန်းသို့ ပို့ဆောင်ခဲ့သည်။ ဦးရဇောဘူလ်ဟိုရ် ပြန်လွှတ်လာသည်နှင့် ကြိမ်ချောင်း အခြေစိုက် စ.ရ.ဖ က ဆင့်ခေါ်ပြီး ငွေကျပ် တစ်သိန်းငါးသောင်း ညှစ်ယူခဲ့သည်။ ထို့နောက် သတင်းတပ်ဖွဲ့ (SB) က ဆင့်ခေါ်၍ ငွေကျပ် ၅ သိန်း ညှစ်ယူခဲ့သည်။ ကြိမ်ချောင်း နယ်ခြားစောင့် ရဲတပ်ဖွဲ့ စခန်းမှ မှုခင်းစာရေး (ဂိတ်စာရေး) ကလည်း ငွေကျပ် နှစ်သိန်းငါးသောင်း ညှစ်ယူခဲ့သည်။ အဆိုပါ မှုခင်း စာရေးသည် WY လုပ်ငန်းရှင် များ၏ WY ဆေးပြားများ သယ်ဆောင် ပေးသူ တစ်ဦး ဖြစ်သည်။
ယခုအခါ ကြိမ်ချောင်း ကျေးရွာ အုပ်ချုပ်ရေးမှူး ဦးကိုကိုအောင် (ခ) ဘုန်းကံနိုင် ကလည်း ငွေကျပ် သိန်း ၅၀ တောင်းခံနေသည်ဟု ဒေသခံများက ပြောပါသည်။ ဦးကိုကိုအောင် “တကယ်လို့ ငါတောင်းတဲ့ငွေ မပေးဘူးဆိုရင် ထောင်ကျအောင် လုပ်မယ်” ဟု ပြောဆို ခြိမ်းခြောက် နေသည်ဟု ဆိုသည်။
မုခ်တာရ်ဟူစိန်းကို ဖမ်းဆီးစဉ်က WY ဆေးပြား တစ်သောင်းဖြင့် ဖမ်းမိခဲ့သော်လည်း တရားရုံးသို့ ဆေးပြား ၈၀၀ သာ စာရင်းပြခြင်းမှာ ကျန်သည့် ဆေးပြားများကို နယ်ခြားစောင့် ရဲတပ်ဖွဲ့ ပြန်လည် ရောင်းချရန် ဖြစ်သည်မှာ ပေါ်လွင် နေသည်။ ထို့အပြင် ပြစ်မှု ကျူးလွန်သူကို တရား ဥပဒေနှင့် အညီ အရေးယူ ဆောင်ရွက်ခြင်း မပြုလုပ်ဘဲ ဌာနဆိုင်ရာများက တစ်ဖွဲ့ပြီးတစ်ဖွဲ့ ငွေညှစ်ခဲ့သည်။ အဆိုပါ ဌာနဆိုင်ရာ များသည် နိုင်ငံတော်မှ ပုံမှန် လစာယူလျက် ရှိသော ၀န်ထမ်းများ ဖြစ်ပါလျက် ဥပဒေကို လေးစား လိုက်နာခြင်း မရှိဘဲ၊ နိုင်ငံတော်ကို ကာကွယ် စောင့်ရှောက်ခြင်း မရှိဘဲ ကိုယ်ကောင်းစားရေး အတွက် ငွေကိုသာ မက်မောလျက် ရှိသည့် နိုင်ငံတော်ကို ဖျက်ဆီးနေသည့် သစ္စာဖောက်များ ဖြစ်သည်ဟု ဒေသခံများက ပြောပါသည်။
