ကြိမ်ချောင်းမှ ဒုရဲအုပ်နှင့် အဖွဲ့က ဒေသခံများထံမှ မတရားသဖြင့် ငွေညှစ်
MYARF
RB News
27.3.2016
မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း၊ ကြိမ်ချောင်း ကျေးရွာ အခြေစိုက် နယ်ခြားစောင့် ရဲတပ်ဖွဲ့ စခန်း (ယခင် ရဲစခန်း) သို့ လွန်ခဲ့သည့် (၃) ရက်ခန့်က အသစ်ရောက်ရှိလာသည့် ဒုရဲအုပ် တစ်ဦးနှင့် ဒုတပ်ကြပ် တစ်ဦးတို့သည် ရောက်ရောက်ချင်း ကြိမ်ချောင်း မြောက်ရွာမှ သတင်းပေး အာဘူဇာဖောရ်နှင့် ပူးပေါင်း၍ ညအချိန်မတော် ရွာထဲသို့ ၀င်ကာ ရွာသားများကို အကြောင်းမဲ့ ရိုက်နှက်ခြင်း၊ ငွေညှစ်ခြင်းများ ပြုလုပ်လျက် ရှိသည်။
မတ်လ (၂၂) ရက်နေ့ ည ၉ နာရီခန့် အချိန်တွင် အဆိုပါ ဒုရဲအုပ်နှင့် ဒုတပ်ကြပ် တို့သည် သတင်းပေး အာဘူဇာဖောရ်နှင့် အတူ ကြိမ်ချောင်း မြောက်ရွာသို့ သွားရောက်၍ လမ်းဘေးတွင် ထိုင်၍ စကားပြောနေသည့် လူငယ် အချို့ကို အကြောင်းမဲ့ ရိုက်နှက်ခဲ့သည်။ ထို့နောက် လူငယ်နှစ်ဦးကို ဖမ်းဆီး၍ ငွေကျပ် တစ်သိန်း ညှစ်ယူခဲ့သည်။ မတ်လ (၂၃) ရက်နေ့ ည ၉ နာရီကျော်ခန့် အချိန်တွင် အဆိုပါ နယ်ခြားစောင့်ရဲ နှစ်ဦးနှင့် တပည့်တို့သည် ကြိမ်ချောင်း မြောက်ရွာသို့ သွား၍ ကွမ်းယာဆိုင်တွင် ကွမ်းယာ ၀ယ်နေသည့် ဦးဂူရာမျာ (ဘ) ဦးရှော်ရိဖ်ဟူစိန်း (အသက် ၆၅ နှစ်) နှင့် လူငယ်နှစ်ဦးကို အကြောင်းမဲ့ ရိုက်နှက်ခဲ့သည်။ ထို့နောက် လူငယ်တစ်ဦးကို ဖမ်းဆီးက ငွေကျပ် ငါးသောင်း ညှစ်ယူခဲ့ကြောင်း ဒေသခံ တစ်ဦးက RB News သို့ပြောသည်။
ထို့နောက် ကြိမ်ချောင်း ဈေးဟောင်း အနီးသို့ သွားရောက်၍ လမ်းလျှောက် သွားနေသည့် လူတစ်ဦးကို ဖမ်းဆီးပြီး ငွေကျပ် ငါးသောင်း ညှစ်ယူခဲ့သည်။ အဆိုပါ ဒုရဲအုပ်နှင့် အဖွဲ့သည် ဖမ်းဆီးသမျှ လူများကို သေနတ်ပြ ခြိမ်းခြောက်ပြီ ည ၁၂ နာရီထိ ကြိမ်ချောင်း တောင်ရွာထဲတွင် သောင်းကျန်းခဲ့သည်။
အဆိုပါ ဒုရဲအုပ်က “ငါဘယ်သူ့ကိုမှ မကြောက်ဘူး။ တပ်ရင်းမှူး မပြောနဲ့ ရဲမှူးချုပ်ကိုတောင် မကြောက်ဘူး။ တပ်ရင်းမှူးက အရင် နယ်ခြားစောင့်ရဲ တွေကိုသာ ရိုက်နှက်နိုင်ခဲ့တာ .. ငါ့ကိုတော့ မရဘူး။ သူ့မှ ပစ္စတိုရှိသလို ငါ့မှာလည်း ရှိတယ်။ ငါ့ကို တစ်ခုခု လာလုပ်ရင် ငါလည်း ပြန်လုပ်တတ်တယ်” ဟု ပြောဆိုခဲ့ကြောင်း အဆိုပါ ဒေသခံက ပြောပါသည်။
အဆိုပါ ဒုရဲအုပ် မပြောင်းရွှေ့လာမှီ အဆိုပါ စခန်းမှ နယ်ခြားစောင့်ရဲ များသည် သူရိုင်း ကျေးရွာအုပ်စု၊ ရခိုင်ရွာ အပြင်ဘက်တွင် စောင့်ဆိုင်း၍ လမ်းသွားလမ်းလာ ရိုဟင်ဂျာများကို စစ်ဆေးပြီး ရိုက်နှက်ခြင်း၊ ငွေနှင့် ပစ္စည်းများ လုယက်ခြင်း၊ မတရား ဖမ်းဆီး ငွေညှစ်ခြင်းများ နေ့စဉ်နှင့် အမျှ ပြုလုပ်နေသည်ကို ငါးခူရ အခြေစိုက် နယ်ခြားစောင့် ရဲတပ်ဖွဲ့ တပ်ရင်းမှူး ဦးကျော်တေဇာက သိရှိသွားပြီးနောက် ဖေဖော်ဝါရီလ နောက်ဆုံးပတ်တွင် တပ်ရင်းမှူး ကိုယ်တိုင် သူရိုင်း ကျေးရွာသို့ သွားရောက်၍ လမ်းသွားလမ်းလာ များကို မတရားသဖြင့် ပြုလုပ်နေသည့် နယ်ခြားစောင့်ရဲ များကို ကိုယ်တိုင် ရိုက်နှက်၍ အရေးယူခဲ့ပြီးနောက် အခြေအနေ တစ်မျိုး ပြောင်းလဲသွားခဲ့သည်။
အသစ်ပြောင်းရွှေ့လာသည့် နယ်ခြားစောင့်ရဲ နှစ်ဦးက ထိုသို့ သောင်းကျန်းနေသည်ကို ကြိမ်ချောင်း နယ်ခြားစောင့် ရဲတပ်ဖွဲ့ စခန်းမှ စခန်းမှူးနှင့် ကြိမ်ချောင်း အခြေစိုက် စခန်း (၂၄) မှ ရဲအုပ်ကျော်သူရက အမှန်တကယ် မသိခြင်းလား၊ သို့မဟုတ် ဒုရဲအုပ်နှင့် အဖွဲ့က မတရားသဖြင့် ညှစ်ယူနေသည့် ငွေမျာမှ ဝေစု ရယူပြီး မသိဟန်ဆောင် နေခြင်းလား ဟူ၍ ဒေသခံများက မေးခွန်းထုတ် နေကြသည်။ သောင်းကျန်းနေသည့် ဒုရဲအုပ်နှင့် အဖွဲ့ကို သက်ဆိုင်ရာ အာဏာပိုင် အကြီးအကဲများက တရား ဥပဒေနှင့် အညီ ထိရောက်စွာ အရေးယူ ပေးရန် တောင်းဆိုသည်ဟု ဒေသခံများက ပြောပါသည်။
