ဒုအိုးသည်မ ကျေးရွာ တာဝန်ခံက မုဆိုးမ တစ်ဦးကို ရိုက်နှက်၍ ငွေညှစ်
MYARF
RB News
1.4.2016
ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် တောင်ပိုင်း၊ ဒုအိုးသည်မ ကျေးရွာတွင် ကျေးရွာ တာဝန်ခံ (အုပ်ချုပ်ရေးမှူး) ဖြစ်သူ ဦးအီနုစ်က မုဆိုးမ တစ်ဦးကို လူမဆန်စွာ ရိုက်နှက်၍ ငွေကျပ် (၃) သိန်း ညှစ်ယူခဲ့ကြောင်း သတင်း ရရှိပါသည်။
ဘူးသီးတောင် မြို့နယ် တောင်ပိုင်း၊ ဒုအိုးသည်မ ကျေးရွာအုပ်စု ဘော်လီ (၂) ရွာမှ မုဆိုးမ ဖြစ်သူ ဒေါ်နူရုဇ္ဖန် (ဘ) ဦးမော်ဂုလ်အာမောတ် (အသက် ၃၅ နှစ်) သည် လွန်ခဲ့သည့် နှစ်ပေါင်းများစွာ ကတည်းက အိုးအိမ် အခက်အခဲနှင့် ရင်ဆိုင်နေခဲ့ရသဖြင့် ယခုအပတ်အတွင်းတွင် ၎င်း၏ ခင်ပွန်း ပိုင်ဆိုင်ခဲ့သည့် ခြံဝင်း၌ ၀ါးထရံကာ၊ ဓနိမိုးဖြင့် တဲငယ် တစ်လုံး ဆောက်လုပ်ခဲ့သည်။ ထိုတဲငယ် ဆောက်လုပ်ရာတွင် ပြိုင်းတောင် ကျေးရွာမှ ၎င်း၏ အစ်ကိုရင်းများ ဖြစ်သည့် ဦးနူရ်အစ္စလာမ်နှင့် ဦးဆွေယာဒ်ဟူဆောင်း တို့က ၀ိုင်းဝန်း ကူညီ ဆောက်လုပ် ပေးခဲ့သည်။
ဒုအိုးသည်မ ကျေးရွာ တာဝန်ခံ ဖြစ်သူ ဦးအီနုစ်က တဲငယ် ဆောက်လုပ်သည့် သတင်းကို ကြားသိပြီး မုဆိုးမနှင့် တကွ ၎င်း၏ အစ်ကိုနှစ်ဦးကို မတ်လ (၂၄) ရက်နေ့တွင် ရုံးသို့ ဆင့်ခေါ်ကာ ချုပ်နှောင်ပြီး “ဘင်္ဂလီ အမည်ခံယူပြီး ဒီအုပ်ချုပ်ရေးမှူး တာဝန်ယူထားတာ မင်းတို့ကို သနား ညှာတာဖို့ မဟုတ်ဘူး၊ မင်းတို့ကို ရက်စက်ဖို့ပဲ” ဟု ပြောဆို၍ လူမဆန်စွာ ရိုက်နှက်ကာ ငွေကျပ် (၃) သိန်း ညှစ်ယူခဲ့ကြောင်း ဒေသခံ တစ်ဦးက RB News သို့ပြောသည်။
မုဆိုးမဖြစ်သူ ဒေါ်နူရုဇ္ဖန်သည် ဦးဖော်ဇော်လ်အာမောတ် (ကွယ်လွန်) ၏ ဒုတိယမြောက် ဇနီး ဖြစ်ပြီး၊ ၎င်း၏ ခင်ပွန်း သေဆုံးပြီးနောက် ခင်ပွန်း၏ ပထမဇနီး၊ သားနှစ်ဦးနှင့် အတူ တစ်အိမ်တည်းတွင် နေထိုင်ခဲ့ပြီး၊ သူများအိမ်တွင် နေ့စား အလုပ်လုပ်၍ အသက်မွေးဝမ်းကျောင်း နေရသူ ဖြစ်သည်။ ယခုအခါ သားအရင်း မဟုတ်သူ နှစ်ဦးက နေအိမ်မှ နှင်ထုတ်လိုက်သဖြင့် အိုးအိမ် စွန့်ခွာခဲ့ရပြီး နေစရာ မရှိတော့၍ တဲငယ် တစ်လုံး ဆောက်လုပ်ပြီး နေထိုင်ရခြင်း ဖြစ်သည်ဟု အဆိုပါ ဒေသခံက ပြောပါသည်။
ကျေးရွာ အုပ်ချုပ်ရေးမှူးက ယခုကဲ့သို့ ရိုက်နှက်၍ ငွေညှစ်ခြင်းမှာ သားနှစ်ဦး၏ ပကောဂ ကြောင့်သာ ဖြစ်ကြောင်း၊ မုဆိုးမကို ခြံဝင်း အတွင်းကပါ နှင်ထုတ်ရန် ကြိုးစား အားထုတ် နေခြင်းသာ ဖြစ်ကြောင်း အဆိုပါ ဒေသခံက ဆက်လက်၍ ပြောပါသည်။ သက်ဆိုင်ရာ မြို့နယ် အုပ်ချုပ်ရေး တာဝန်ရှိသူများ အနေဖြင့် ယခုကိစ္စကို စုံစမ်း စစ်ဆေး၍ ဖြစ်ရပ်မှန်ကို ဖော်ထုတ်ပြီး၊ မရှိဆင်းရဲသည့် မုဆိုးမ တစ်ဦးထံမှ ငွေညှစ်သည့် ကျေးရွာ တာဝန်ခံကို အရေးယူ ဆောင်ရွက်ပေးရန် ဒေသခံများက လိုလားနေကြသည်။
