ဘူးသီးတောင်၊ ဆေးအိုးကျ ကျေးရွာ ဥက္ကဌဟောင်း ဓါးဖြင့် ခုတ်ခံရ
MYARF
RB News
14.4.2016
ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် ဆေးအိုးကျ ကျေးရွာမှ ဥက္ကဌဟောင်း ဦးအီမာန်ဟူစိန်း ဓါးဖြင့် ခုတ်ခံခဲ့ရကြောင်း သတင်း ရရှိပါသည်။
ဘူးသီးတောင် မြို့နယ် တောင်ပိုင်း၊ ဆေးအိုးကျ ကျေးရွာမှ အမှတ် (၇) ရပ်ကွက်သို့ ပြောင်းရွှေ့ နေထိုင်သူ ဥက္ကဌဟောင်း ဦးအီမာန်ဟူစိန်း (အသက် ၆၀ နှစ်) သည် ဧပြီလ (၁၃) ရက်နေ့တွင် ၎င်း၏ နေရပ်ဟောင်း ဆေးအိုးကျ ကျေးရွာသို့ သွားရောက်ပြီး ညအိပ်ကာ နောက်နေ့ ဧပြီလ (၁၄) ရက်နေ့ နံနက် စောစော အချိန်တွင် နမားဇ် ၀တ်ပြုရန် (ဘုရားရှိခိုးရန်) ဗလီသို့ သွားရောက်၍ ရေကန်သို့ ဆင်းပြီး မျက်နှာသစ် နေချိန်တွင် ၎င်းနှင့် ရန်ငြိုးရှိသူ ယင်းကျေးရွာသား အတွင်းရေးမှူးဟောင်း ဦးဘာဆဲရ် (ဘ) မော်လ၀ီအီလီယာစ် (အသက် ၅၀ နှစ်) ၏ ညီဖြစ်သူက ၎င်း၏ ပုခုံးကို ဓါတ်ဖြင့် နှစ်ချက်တိတိ ခုတ်ဖြတ်၍ ထွက်ပြေး သွားခဲ့သည်။ ဓါးဖြင့် ခုတ်ခံရသူ ဦးအီမာန်ဟူစိန်းကို ရွာသားများက ဘူးသီးတောင် ဆေးရုံသို့ ပို့ဆောင် ပေးခဲ့ကြောင်း ဒေသခံများက RB News သို့ပြောပါသည်။
ဘူးသီးတောင် မြို့နယ်၊ အမှတ် (၇) ရပ်ကွက်တွင် နေထိုင်ခဲ့သူ ယခင် ထောက်လှမ်းရေး (၁၈) ၏ သတင်းပေး ဦးလှမြင့်က ထောက်လှမ်းရေး (၁၈) အာဏာရှိစဉ် ထောက်လှမ်းရေး အားကိုးဖြင့် ဦးဘာဆဲရ်ပိုင် ပုဇွန်ကန် တစ်ကန်ကို အတင်းအဓမ္မ သိမ်းယူပြီး ဦးလှမြင့် အမည်ဖြင့် ပြေစာထုတ်ကာ နှစ်အတန်ကြာ လုပ်စားပြီးနောက် ၂၀၁၃ ခုနှစ်တွင် ဦးလှမြင့်က အဆိုပါ ပုဇွန်ကန်ကို ဥက္ကဌဟောင်း ဦးအီမာန်ဟူစိန်းထံ ရောင်းချပြီး အိန္ဒိယနိုင်ငံသို့ ထွက်ပြေး ပြောင်းရွှေ့ သွားခဲ့သည်။
ယခုနှစ် နှစ်ဆန်းပိုင်းတွင် ဆေးအိုးကျ ကျေးရွာအုပ်စု ၀ါရကျွန်းရွာမှ ကင်းစခန်း၏ သတင်းပေး ဦးအဒူဆော်လမ်က ဦးဘာဆဲရ် အားခေါ်ယူ၍ ပုဇွန်ကန် ပြန်ရအောင် လုပ်ပေးမည်ဟု ကတိပေးကာ ငွေအမြောက်အမြား ယူခဲ့သည်။ ဦးဘာဆဲရ်ကလည်း ဦးအီမာန်ဟူစိန်း ၀ယ်ယူလိုက်သည့် ပုဇွန်ကန်သည် ၎င်း၏ ပုဇွန်ကန် ဖြစ်သောကြောင့် ဘူးသီးတောင် မြို့နယ် တရားရုံးမှ တဆင့် တရားစွဲဆိုခဲ့သည်။ တရားရုံးက အမှု စီရင် စစ်ဆေးပြီး ဦးအီမာန်ဟူစိန်းသာ ပိုင်ဆိုင်ကြောင်း ဆုံးဖြတ် ပေးခဲ့သည်။ ဦးဘာဆဲရ်က ၎င်း၏ ပုဇွန်ကန် ပြန်ရရေး အတွက် ငွေကြေး အမြောက်အမြား ဆုံးရှုံးခံရသော်လည်း ပုဇွန်ကန် ပြန်မရသည့် အပေါ် ဒေါ်သထွက်နေသည်ကို အကြောင်းပြု၍ ဦးဘာဆဲရ်၏ ညီဖြစ်သူက ဦးအီမာန်ဟူစိန်းကို ဓါးဖြတ် ခုတ်ခဲ့ခြင်း ဖြစ်သည်။
