နောက်ဆုံးသတင်း/ဆောင်းပါးများ

မောင်တော တောင်ပိုင်းမှ နေအိမ်ပြုပြင်သူ တစ်ဦးနှင့် ရွာသား အချို့ ငွေညှစ်ခံရ



MYARF
RB News
1.6.2016

မောင်တော ။ ။ ရခိုင်ပြည်နယ်၊ မောင်တောမြို့နယ်၊ တောင်ပိုင်း ဂေါ်ရခါလီ ကျေးရွာမှ ဦးအဒူဂေါ်နီအား နေအိမ် ပြုပြင်ခဲ့သည်ဟု ဆိုကာ ကျေးရွာ အုပ်ချုပ်ရေးမှူး၏ ကိုယ်ရံတော် ဦးအဒူလ်ကူဒူစ်က ငွေကျပ် နှစ်သိန်း ညှစ်ယူခဲ့သည်ဟု သတင်း ရရှိပါသည်။

ဦးအဒူဂေါ်နီ (ဘ) ဦးဖူတူန္နား (အသက် ၃၀ နှစ်) သည် မုန်တိုင်းဒဏ်ကြောင့် ပျက်စီးခဲ့သည့် ၎င်း၏ နေအိမ်အား ငွေကြေး အကျပ်အတည်းကြောင်း ပြင်ဆင်နိုင်ခြင်း မရှိခဲ့ဘဲ အပျက်အစီး အတိုင်း နေခဲ့သည်။ ယခုအခါ မိုးရာသီ ကျရောက်လာသဖြင့် ၀မ်းစာအတွက် ရှာဖွေရရှိသည်ကို စားသောက်ရေး အတွက် ဒုက္ခမျိုးစုံခံကာ ချွေတာ စုဆောင်း၍ နေအိမ်၏ အမိုးအကာများကို ပြုပြင်ခဲ့သည်။ မေလ (၂၄) ရက်နေ့တွင် ဦးအဒူကူဒူစ် (ဘ) ဦးမူအာဒါရာန်က ၎င်းကို ခွင့်ပြုချက် မရှိဘဲ နေအိမ်ပြုပြင်ခဲ့သည်ဟု ဆိုကာ ခြိမ်းခြောက်၍ ငွေကျပ် နှစ်သိန်း ညှစ်ယူခဲ့ကြောင်း ဒေသခံ တစ်ဦးက RB News သို့ပြောသည်။

ဦးအဒူကူဒူစ်ကို ၂၀၁၄ ခုနှစ်မှစ၍ ကျေးရွာ အုပ်ချုပ်ရေးမှူး၊ အလယ်သံကျော်၊ ဥဒေါင်း၊ မြင်းလွတ်နှင့် ကျောက်ပန္ဒူ အခြေစိုက် နယ်ခြားစောင့် ရဲတပ်ဖွဲ့ စခန်းများမှ တာဝန်ရှိသူများက ၎င်းတို့၏ လက်ကိုင်တုတ် အဖြစ် အသုံးပြုပြီး ဆင်းရဲသား ရိုဟင်ဂျာများထံမှ ငွေညှစ်စေခဲ့သည်။ ထို့ကြောင့် ၎င်းသည် ဒေသခံ ရိုဟင်ဂျာများထံမှ နည်းမျိုးစုံဖြင့် ငွေညှစ်ခြင်း၊ လုယက်ခြင်းများ ပြုလုပ်လျက် ရှိသည်ဟု ဒေသခံများက ပြောပါသည်။

ဂေါ်ရခါလီမှ ငွေညှစ်ခံရသူ အချို့မှာ --

(၁) ဦးမာမတ်နော်ဆိမ် (ဘ) ဦးရော်ဘိဇ်အာမတ် (အသက် ၂၈ နှစ်) -- ညှစ်ခံရငွေကျပ် ၃ သိန်း
(၂) ဦးအာဘူဘော်ကော်ရ် (ဘ) ဦးအဒူရှကူရ် (အသက် ၂၇ နှစ်) -- ညှစ်ခံရငွေကျပ် ၂ သိန်း

အလယ်သံကျော်၊ မြင်းလွတ်နှင့် ကျောက်ပန္ဒူ တို့မှ ငွေညှစ်ခံရသူ အချို့မှာ --

(၁) ဦးအဒူ (ဘ) ဦးမူဇာဖောရ် (အသက် ၅၆ နှစ်) -- ညှစ်ခံရငွေကျပ် ၅ သိန်း
(၂) ဦးရာဘီအူလ္လာ -- ညှစ်ခံရငွေကျပ် နှစ်သိန်းငါးသောင်း
(၃) ဒေါ်ဆူရာခါတူ (မုဆိုးမ) -- ညှစ်ခံရငွေကျပ် ၁ သိန်း
(၄) ဦးဂူရာမျာ -- ညှစ်ခံရငွေကျပ် ၅ သောင်း -- တို့ဖြစ်သည်။

၎င်းသည် ၀မ်းစာပင် လုံလောက်စွာ မရှိသည့် ဆင်းရဲသား ရိုဟင်ဂျာများကို အနိုင်ကျင့်၍ ငွေညှစ်နေခြင်း ဖြစ်ပြီး၊ အစိုးရသစ် အနေဖြင့် ယခုကဲ့သို့ မတရားသဖြင့် လုပ်ဆောင်နေခြင်း များကို အရေးယူ ဆောင်ရွက်ပေးရန် ဒေသခံများက တောင်းဆိုနေကြသည်။

Comment ရေးရန်

Rohingya Exodus