စစ်သားက ရွာသား တစ်ဦးကို ဆိုင်ကယ်ဖြင့် တိုက်မိသော်လည်း မတောင်းပန်ဘဲ ရိုက်နှက်
Rohingya Eye
RB News
5.8.2016
မောင်တော ။ ။ ရခိုင်ပြည်နယ်၊ မောင်တော မြို့နယ် တောင်ပိုင်း မြင်းလွတ် ကျေးရွာ အခြေစိုက် တပ်မတော် စခန်းမှ တာဝန်ခံသည် သြဂုတ်လ (၁) ရက်နေ့ နေ့လည် ၃ နာရီ အချိန်ခန့်တွင် မော်တော်ဆိုင်ကယ်ဖြင့် သွားနေစဉ် လမ်း၏ တဖက်တွင် မတ်တပ်ရပ်နေသည့် မောရီချောင်း ရွာသား ဦးဖေရုစ် (ဘ) ဦးနူရူဆလာမ် (အသက် ၃၅ နှစ်) ကို တိုက်မိခဲ့သည်။
တိုက်မိသည့် တပ်မတော်သားက အတိုက်ခံရသူ ရွာသားကို တောင်းပန်၍ လိုအပ်သည့် ဆေးကုသမှုများကို တာဝန်ယူပေးရမည့် အစား ဆိုင်ကယ်ပေါ်မှ ဆင်း၍ လက်သီးဖြင့်ထိုး၊ ခြေထောက်ဖြင့် ကန်ကျောက်ခြင်း တို့ကို လူအများရှေ့မှောက်တွင် လူမဆန်စွာ ပြုလုပ်ခဲ့ကြောင်း မျက်မြင် သက်သေ တစ်ဦးက RB News သို့ပြောသည်။
ဆိုင်ကယ် အတိုက်ခံရသူ ဦးဖေရုစ်သည် မျက်နှာပေါ်တွင် ပြင်းထန်စွာ ဒဏ်ရာရရှိသွားခဲ့ကြောင်း အဆိုပါ မျက်မြင်သက်သေက ပြောပါသည်။
