အလယ်သံကျော်၊ လေယာဉ်ကွင်း ရွာမှ ဒေသခံများ အများအပြား ငွေသိန်းချီ ညှစ်ခံရ

(၁) ဦးနော်ဘီဟူစိန်း၏ အသက် (၁၄) နှစ်အရွယ် သားဖြစ်သူ မောင်ဂျော်နာလ် သည် တက်သည့် ရောဂါရှိသူ တစ်ဦး ဖြစ်ပြီး၊ ဇူလိုင်လ (၁၅) ရက်နေ့က ကျွဲကျောင်းနေစဉ် ရုတ်တရက် ရောဂါဖောက်လာပြီး ရေနစ် သေဆုံးခဲ့သည်။ ထိုသို့ သေဆုံးမှုကို အကြောင်းပြု၍ အလယ်သံကျော် အုပ်ချုပ်ရေးမှူး၏ တပည့်ရင်း ဖြစ်သူ၊ လေယာဉ်ကွင်း ရွာမှ လူကုန်ကူးမှု၊ လက်နက်မှုဖြင့် ထောင်ဒဏ် (၁၃) နှစ် ကျခံနေရာမှ အယူခံဝင်ပြီးနောက် လွှတ်လာခဲ့သူ ဦးလာလူးက အုပ်ချုပ်ရေးမှူး အတွက်ဟု ပြောဆိုကာ ငွေကျပ် သုံးသိန်းငါးသောင်း ညှစ်ယူခဲ့ကြောင်း ဒေသခံတစ်ဦးက RB News သို့ပြောသည်။ 

(၂) ဇူလိုင်လ (၁၈) ရက်နေ့တွင် ဦးကံဖူရာ (အသက် ၅၅ နှစ်) သည် ၎င်း၏ အိမ်ဝရံတာ ဆေးသုတ်နေသည်ကို ဦးလာလူးက အိမ်ပြုပြင်နေသည်ဟု စွပ်စွဲ၍ ငွေကျပ် ၅ သောင်း ညှစ်ယူခဲ့သည်။ 

(၃) လေယာဉ်ကွင်းရွာမှ ဦးရော်ဟီမူလ္လာ (ဘ) ဦးဒေါလိလ် (အသက် ၅၃ နှစ်) ၏ သမီးဖြစ်သူသည် တဖက်နိုင်ငံသို့ တရားမ၀င် သွားရောက်၍ ဆေးကုသမှု ခံယူပြီး ပြန်လာသည်ဟု ဦးလာလူးက ဇူလိုင်လ (၁၉) ရက်နေ့တွင် မဟုတ်မမှန် စွပ်စွဲပြီး ငွေကျပ် တစ်သိန်းငါးသောင်း ညှစ်ယူခဲ့သည်။ 

(၄) ဇူလိုင်လ (၂၇) ရက်နေ့တွင် ဦးလာလူးက လေယာဉ်ကွင်း ရွာမှ ဦးဟူစိန်းဂျူဟာရ် (ဘ) ဦးဖော်ဇော်လောက် အား နေအိမ်တွင် အသက် (၁၂) နှစ် အရွယ် နွားကျောင်းသား တစ်ဦးကို ဧည့်စာရင်း မတိုင်ဘဲ ထားရှိသည်ဟု စွပ်စွဲ၍ ငွေကျပ် ၃ သောင်း ညှစ်ယူခဲ့သည်။ 

(၅) ဇူလိုင်လ (၂၀) ရက်နေ့တွင် အမှတ် (၄) နယ်ခြားစောင့် တပ်ခွဲ လက်အောက်ခံ အလယ်သံကျော် နယ်ခြားစောင့် ရဲတပ်ဖွဲ့ စခန်းမှ စခန်းမှူး အပါအ၀င် တပ်ဖွဲ့ဝင် (၃၀) ဦးနှင့် ကျော်ဇေယျာဦး တို့သည် လေယာဉ်ကွင်း ရွာသို့ ည ၁၁း၃၀ နာရီတွင် ရောက်ရှိလာပြီး ဦးအဒူမာလိခ် (ဘ) ဦးဆုလ်တာန်၏ နေအိမ်ကို ၀င်ရောက် ရှာဖွေပြီး တရားမ၀င် ဆင်းမ်ကဒ် မိသည်ဟု စွပ်စွဲ၍ ငွေကျပ် ၁၀ သိန်း ညှစ်ယူခဲ့သည်။ ထို့နောက် ည ၁၂ ကျော်ခန့်တွင် ဦးမျာဟူစိန်း (ဘ) ဦးနော်ဇိရ်အာမတ် နေအိမ်သို့ သွားရောက်ရာ အိမ်ရှင်က ဓါးပြဟု ထင်မှတ်ပြီး အနီးအနား ပတ်ဝန်းကျင် အိမ်များကို အော်ဟစ် အကူအညီတောင်းနေသောကြောင့် နယ်ခြားစောင့်ရဲ များကို မိုးပေါ်သို့ သေနတ် (၃) ချက် ပစ်ဖောက်ပြီး၊ အိမ်တံခါးကို ချိုးဖျက်၍ အထဲသို့ ၀င်ရောက်ကာ အိမ်ရှင် ဖြစ်သူ ဦးမျာဟူစိန်း၏ ခေါင်းကို သေနတ်ဖြင့် ရိုက်ခဲ့သည်။ သေနတ်ဖြင့် ရိုက်နှက်မှုကြောင့် ရရှိသည့် ဒဏ်ရာမှ သွေးအလွန် ထွက်နေသဖြင့် ဆေးရုံသို့ ပို့ဆောင်ခဲ့ပြီး နှစ်ရက်အကြာတွင် တရားမ၀င် လက်ထပ်ခဲ့သည်ဟု စွပ်စွဲ၍ အရေးယူရန် ဘူးသီးတောင် အကျဉ်းထောင်သို့ ပို့ဆောင်ခဲ့သည်။ 

အဆိုပါ နယ်ခြားစောင့် ရဲတပ်ဖွဲ့ စခန်းမှူး ဇူလိုင်လ (၂၂) ရက်နေ့ ညပိုင်းတွင် ဈေးကုန်တန်းရွာမှ ဈေးခေါင်း ဦးအာနိုဝါရ် (ဘ) ဦးဟာမိတ် ကို ၂၀၁၂ ခုနှစ် မီးရှို့မှုတွင် ပါဝင်သည်ဟု လုပ်ကြံ စွပ်စွဲ၍ ဖမ်းဆီးသွားခဲ့သည်။ နောက်နေ့တွင် အလယ်သံကျော် ကျေးရွာ အုပ်ချုပ်ရေးမှူး ဦးဇော်ထူးက စခန်းမှူးထံ လိုက်သွား၍ ၂၀၁၂ ခုနှစ်တွင် အလယ်သံကျော်၌ ပဋိပက္ခ တစ်စုံတစ်ရာ ဖြစ်ပွားခဲ့ခြင်း မရှိခဲ့ကြောင်း၊ မိမိလည်း ရခိုင်လူမျိုးတစ်ဦး ဖြစ်ကြောင်း၊ အလယ်သံကျော်တွင် မီးရှို့မှု၌ ပါဝင်သူ လုံးဝ မရှိကြောင်း သက်သေခံ ပြောဆိုခဲ့သည်။ ထို့နောက် စခန်းမှူးက ဦးအာနိုဝါရ်ကို လွှတ်ပေးမည်ဟု ပြောဆိုပြီး မိသားစုထံမှ ငွေကျပ် (၆) သိန်း ညှစ်ယူခဲ့ကြောင်း ဒေသခံတစ်ဦးက RB News သို့ပြောသည်။ 

(၆) ဇူလိုင်လ (၂၉) ရက်နေ့ မွန်းတည့် (၁၂) နာရီအချိန်တွင် လေယာဉ်ကွင်းရွာသို့ ကျော်ဇေယျာဦး အပါအ၀င် နယ်ခြားစောင့် ရဲတပ်ဖွဲ့ အချို့ ရောက်ရှိလာပြီး ဦးအာဘူလ်ဖော်ယာစ် (ဘ) ဦးဒူဒူမျာ (အသက် ၅၆ နှစ်) ၏ နေအိမ်ကို ၀င်ရောက် ရှာဖွေခဲ့ရာ ၉ ပေ သစ်ဖြူတိုင် (၁၂) လုံး တွေ့သောကြောင့် ငွေကျပ် လေးသိန်းငါးသောင်း ညှစ်ယူခဲ့သည်။ 

အထက်ဖော်ပြပါ ငွေညှစ်မှုများတွင် ကျေးရွာ အုပ်ချုပ်ရေးမှူး ဦးဇော်ထူး ကိုယ်တိုင် ပါဝင်ခြင်း မရှိသောလည်း ၎င်း၏ တပည့်များနှင့် ရာအိမ်မှူးများ ကျူးလွန်ခြင်း ဖြစ်သည်။ ရာအိမ်မှူးများ၊ ၎င်း၏ တပည့်များ ကျူးလွန်ခြင်းကို ၎င်းအနေဖြင့် အရေးယူရန် တာဝန်ရှိသော်လည်း အရေးယူခြင်း မရှိသည်ကို တွေ့မြင်ရသည်။ ထို့ကြောင့် အုပ်ချုပ်ရေးမှူး ဦးဇော်ထူး အနေဖြင့် ဝေစုရနေသောကြောင့် နှုတ်ဆိတ်နေခြင်း ဖြစ်သည်ဟု ဒေသခံများက ဝေဖန် ပြောဆိုနေကြသည်။