ဇင်ပိုင်ညာ၊ ဖုတ်ခါလီမှ ရိုဟင်ဂျာနှစ်ဦးကို နယ်ခြားစောင့်ရဲများက သေနတ်ဖြင့်ပစ်၊ ၃ ဦးကို ဖမ်းဆီး
MYARF
RB News
3.11.2016
မောင်တော ။ ။ ရခိုင်ပြည်နယ်၊ မောင်တောမြို့နယ် ဇင်ပိုင်ညာ ကျေးရွာအုပ်စု၊ ဖုတ်ခါလီရွာမှ ဒေသခံ ရိုဟင်ဂျာ နှစ်ဦးကို နယ်ခြားစောင့်ရဲများက သေနတ်ဖြင့် ပစ်ခတ်ခဲ့ပြီး၊ သုံးဦးကို ဖမ်းဆီး ခေါ်ဆောင် သွားကြောင်း သတင်း ရရှိပါသည်။
ယနေ့ နိုဝင်ဘာလ (၃) ရက်နေ့ ညနေ ၅ နာရီအချိန်ခန့်တွင် ကျောက်လှေကား ကျေးရွာ အခြေစိုက် အမှတ် (၆) နယ်မြေ နယ်ခြားစောင့်ရဲတပ်ဖွဲ့မှ နယ်ခြားစောင့်ရဲ အချို့သည် ဇင်ပိုင်ညာ ကျေးရွာအုပ်စု၊ ဖုတ်ခါလီရွာမှ လမ်းလျှောက်သွားနေသည့် ဒေသခံ ရိုဟင်ဂျာ နှစ်ဦးကို တစ်စုံတစ်ရာ မေးမြန်းခြင်း မပြုလုပ်ဘဲ အကြောင်းမဲ့ သေနတ်ဖြင့် ပစ်ခတ်ခဲ့ပြီး၊ ဒေသခံ သုံးဦးကို ဖမ်းဆီးသွားကြောင်း ဒေသခံတစ်ဦးက RB News သို့ပြောသည်။
သေနတ်ဖြင့် ပစ်ခတ်ခံရသူနှစ်ဦးတွင် တစ်ဦး၏ အခြေအနေမှာ အလွန်ဆိုးရွားနေပြီး အသက်အန္တရာယ် စိုးရိမ်ရသည်ဟု ဆိုသည်။
သေနတ်ဖြင့် ပစ်ခတ်ခံရသူနှစ်ဦးမှာ --
(၁) ဦးအာမိရ်အုလ္လာ (ဘ) ဦးမာမတ်ရှော်ရိဖ် (အသက် ၆၀ နှစ်) - ပေါင်၌ ကျည်ဆံထိမှန်
(၂) ဦးဇော်ကိရ်အာမတ် (ဘ) ဦးမာမတ်အာမီးန် (အသက် ၄၀ နှစ်) - ၀မ်းဗိုက်၌ ကျည်ဆံထိမှန် (အသက် စိုးရိမ်ရ) -- တို့ဖြစ်သည်။
ဖမ်းဆီးခံရသူ သုံးဦးမှာ --
(၁) ဦးအဒူရှော်ရိဖ် (အသက် ၆၅ နှစ်)
(၂) ဦးဇော်ဖော်ရ် (ဘ) ဦးဟာဘဲစ်အာမတ် (အသက် ၄၀ နှစ်)
(၃) ဦးဆာဘဲရ် (ဘ) ဦးမာမတ် (အသက် ၃၅ နှစ်) -- တို့ဖြစ်သည်။
