ကြိမ်ချောင်းတောင်ရွာမှ ငါးဖမ်းသမားများ ငါးဖမ်းနေစဉ် နယ်ခြားစောင့်ရဲများက ဖမ်းဆီး ရိုက်နှက်ပြီး ငါးဖမ်းပိုက်များနှင့် လှေတစ်စီး သိမ်းဆည်းလိုက်
MYARF
ငါးဖမ်းပိုက်များ သိမ်းဆည်းခံရသည့် ပိုင်ရှင်များမှာ --
RB News
21.2.2017
မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်း ကြိမ်ချောင်း တောင်ရွာမှ ငါးဖမ်းသမားများ ပြူးမချောင်းတွင် ငါးဖမ်းနေစဉ် နယ်ခြားစောင့်ရဲများက ဖမ်းဆီး၍ ရိုက်နှက်ပြီး ငါးဖမ်းပိုက်များနှင့် လှေတစ်စီး သိမ်းဆည်းလိုက်ကြောင်း သတင်းရရှိပါသည်။
ဖေဖော်ဝါရီလ (၁၉) ရက်နေ့တွင် မောင်တောမြို့နယ် မြောက်ပိုင်း၊ ကြိမ်ချောင်း တောင်ရွာမှ ငါးဖမ်းသမား (၁၀) ဦး၏ လှေငါးစီး (လှေတစ်စီးလျှင် လူနှစ်ဦးစီ) ဖြင့် ပြူးမချောင်း၌ ငါးဖမ်းနေစဉ် အထက်ပြူးမ ကျေးရွာ အခြေစိုက် နယ်ခြားစောင့်ရဲများက ခေါ်ယူ၍ “မင်းတို့ကို ငါးဖမ်းဖို့ ဘယ်သူက ခွင့်ပြုလဲ” ဟု ဆိုကာ ငါးဖမ်းသမား အချို့ကို ရိုက်နှက်ခဲ့သည့်အပြင် လှေများပေါ်ရှိ ငါးဖမ်းပိုက် (မျောပိုက်) များကို လှေတစ်စီးပေါ်သို့ ပြောင်းတင်ပြီးနောက် လှေ လေးစီးဖြင့် ငါးဖမ်းသမားများကို ပြန်လွှတ်လိုက်သည်။ ထို့နောက် ပိုက်များတင်ထားသည် လှေကို နယ်ခြားစောင့်ရဲများက စခန်းသို့ ယူဆောင်သွားခဲ့ကြောင်း ဒေသခံများက RB News သို့ပြောပါသည်။
နယ်ခြားစောင့်ရဲများ သိမ်းယူသွားသည့် ငါးဖမ်းပိုက်များ၏ တန်ဖိုးမှာ ငွေကျပ် ဆယ်သိန်းကျော် ရှိပြီး၊ လှေ၏ တန်ဖိုးမှာ ငွေကျပ် သုံးသိန်းကျော် ရှိကြောင်း သိရှိရသည်။
ငါးဖမ်းပိုက်များ သိမ်းဆည်းခံရသည့် ပိုင်ရှင်များမှာ --
(၁) ဦးနူရ်ဆော်လာမ် (ဘ) ဦးဆူလေမန် (အသက် ၃၇ နှစ်)
(၂) ကော်ဘိရ်အာမတ် (ဘ) ဦးဖူးရုခ်အာမတ် (အသက် ၂၅ နှစ်)
(၃) ဒေါလိလ်အာမတ် (ဘ) ဦးဖူးရုခ်အာမတ် (အသက် ၁၈ နှစ်)
(၄) နူရ်လာမီးန် (ဘ) ဦးမာမတ်အီဆုပ် (အသက် ၁၆ နှစ်)
(၅) ဦးရော်ရှိဒူလ္လာ (ဘ) ဦးဆွေတာမတ် (အသက် ၃၀ နှစ်) -- တို့ဖြစ်ကြသည်။
ပိုင်ရှင်များနှင့် အတူ ငှားရမ်းထားသည့် အလုပ်သမား တစ်ဦးစီ ပါသည့် အတွက် လှေငါးစီး ငါးဖမ်းသမား ၁၀ ဦး ဖြစ်နေရခြင်း ဖြစ်သည်ဟု ဒေသခံများက ပြောပါသည်။
နယ်ခြားစောင့်ရဲများ သိမ်းယူသွားသည့် လှေမှာ ဦးနူရ်ဆော်လာမ်၏ လှေဖြစ်သည်။
