နောက်ဆုံးသတင်း/ဆောင်းပါးများ

မီဒီယာအဖွဲ့ကို ကိုယ်တွေ့ဖြစ်စဉ်များ ပြောပြခဲ့သည့် အမျိုးသမီး (၃) ဦးကို နယ်ခြားစောင့်ရဲများက ဖမ်းဆီးသွား



MYARF
RB News
30.3.2017

မောင်တော ။ ။ ရခိုင်ပြည်နယ်၊ မောင်တောခရိုင်သို့ ရောက်ရှိနေသည့် ပြန်ကြားရေးဝန်ကြီးဌာနမှ စေလွှတ်လိုက်သော မီဒီယာအဖွဲ့နှင့် တွေ့ဆုံ၍ လူ့အခွင့်အရေးချိုးဖောက်မှုများကို ပြောကြားခဲ့သည့် ရိုဟင်ဂျာ အမျိုးသမီး (၃) ဦးကို နယ်ခြားစောင့်ရဲများက ဖမ်းဆီးခေါ်ဆောင် သွားကြောင်း သတင်းရရှိပါသည်။ 

ယနေ့ မတ်လ (၃၀) ရက်နေ့တွင် မောင်တောခရိုင်သို့ ရောက်ရှိနေသည့် မီဒီယာအဖွဲ့သည် မောင်တောမြို့နယ် မြောက်ပိုင်း ကျားခေါင်းတောင် ကျေးရွာအုပ်စုသို့ နေ့လည် ၂ နာရီအချိန်ခန့်တွင် သွားရောက်ခဲ့ပြီး၊ နယ်ခြားစောင့်ရဲများ အသင့်စောင့်နေသည့်ကြားက ရွာထဲသို့ ၀င်ရောက်ကာ ရွာသူရွာသား အချို့နှင့် တွေ့ဆုံ မေးမြန်းခဲ့သည်။ 

ထိုသို့ မေးမြန်းစဉ် အမျိုးသမီးအချို့နှင့် တွေ့ဆုံခဲ့ပြီး၊ အမျိုးသမီးများက၂၀၁၆ ခုနှစ် အောက်တိုဘာလနှင့် နိုဝင်ဘာလတွင် ၎င်းတို့ ကိုယ်တိုင် ကြုံတွေ့ခဲ့ရသည်များကို သတင်းထောက်များအား ပြောကြားခဲ့သည်။ 

ဖြေကြားခဲ့သူ အမျိုးသမီးများထဲမှ ဦးနူရ်ဘော်ရှော်ရ်၏ ဇနီး မဇော်မီလာ၊ ဦးဟာဘီဘုလ္လာ၏ ဇနီးနှင့် သမီးဖြစ်သူ ဖာတေမာတို့ (၃) ဦးကို မီဒီယာအဖွဲ့ ပြန်သွားချိန် နေ့လည် (၃) နာရီ အချိန်တွင် ရွက်ညိုတောင် နယ်ခြားစောင့်ရဲတပ်ဖွဲ့ စခန်းမှ ရဲမှူးနှင့် အဖွဲ့က လာရောက်ပြီး ဖမ်းဆီးကာ ငါးခူရ ဒေသရုံး (နယ်ခြားစောင့်ရဲတပ်ဖွဲ့ စခန်း) သို့ ခေါ်ဆောင် သွားကြောင်း ဒေသခံများက RB News သို့ပြောပါသည်။ 


Comment ရေးရန်

Rohingya Exodus