နောက်ဆုံးသတင်း/ဆောင်းပါးများ

ဥဒေါင်းကျေးရွာ အုပ်ချုပ်ရေးမှူး ဦးတင်မောင် က ရွာသားများကို ရိုက်နှက် ညှဉ်းပန်းနှိပ်စက်၊ ငွေညှစ်ခြင်းများ အဆက်မပြတ် ပြုလုပ်လျက်ရှိ

ဥဒေါင်းကျေးရွာ အုပ်ချုပ်ရေးမှူး ဦးတင်မောင်


RB News
4.3.2017

မောင်တော ။ ။ ရခိုင်ပြည်နယ်၊ မောင်တောမြို့နယ် တောင်ပိုင်း ဥဒေါင်းကျေးရွာအုပ်စု အုပ်ချုပ်ရေးမှူး ဦးတင်မောင်သည် ရွာသူရွာသားများကို မတရားသဖြင့် ရိုက်နှက် ညှဉ်းပန်းနှိပ်စက်ခြင်း၊ ငွေညှစ်ခြင်းများ အဆက်မပြတ်ပြုလုပ်လျက် ရှိကြောင်း သတင်းရရှိပါသည်။

မောင်တောမြို့နယ် တောင်ပိုင်း ဥဒေါင်းကျေးရွာအုပ်စု အုပ်ချုပ်ရေးမှူး - ဥဒေါင်း န.တ.လ ရွာသား ဦးတင်မောင်သည် လွန်ခဲ့သည့် ၃ လခန့်က သက်ဆိုင်ရာမှ ခွင့်ပြုချက်ဖြင့် တရားဝင် ဆောက်လုပ်ပြီးစီးခဲ့သည့် ဥဒေါင်း ကိုယ်ပိုင် ဈေးဆိုင်ခန်း ၂၅ ခန်းမှ တစ်ခန်းကို ပိုင်ရှင်ဖြစ်သူ ဦးအဇီဇူလ္လာ ထံမှ ဖေဖော်ဝါရီလ ၁၇ ရက်နေ့ ည ၆ နာရီ အချိန်တွင် အလကားပေး၍ တောင်းခံခဲ့သည်။ ပိုင်ရှင်ဖြစ်သူက “သိန်း ၃၀ လောက်တန်တဲ့ ဆိုင်ခန်းကို ဘာကြောင့် အလကားပေးရမှာလဲ” ဟု ပြန်မေးသဖြင့် ဦးအာဇီဇူလ္လာနှင့် ဇနီးဖြစ်သူ ဒေါ်ဟာမီဒါ တို့ကို လူမဆန်စွာ ရိုက်နှက်၍ ဈေးဆိုင်ခန်း တံခါးကို သံတုတ်ဖြင့် ရိုက်ချိုးခဲ့ကြောင်း ဒေသခံများက RB News သို့ပြောသည်။ ထို့နောက် ဦးတင်မောင်က ဆိုင်ခန်းကို သော့ခတ်လိုက်ပြီး၊ ဆိုင်ခန်းဖွင့်လျှင် ဖမ်းဆီး ထောင်ချမည်ဟု ခြိမ်းခြောက်သဖြင့် ပိုင်ရှင်ဖြစ်သူက ယနေ့ထိ ဆိုင်ဖွင့်နိုင်ခြင်း မရှိသေးကြောင်း ဒေသခံများက ဖြည့်စွက်ပြောသည်။

ဖေဖော်ဝါရီလ (၁၆) ရက်နေ့တွင်လည်း ဥဒေါင်းအရှေ့ရွာမှ ဦးဆီရာဇူလ္လာ (ဘ) ဦးမာမတ်၏ နေအိမ်၌ မြင်းလွတ်မှ သားမက်ဖြစ်သူ ရောက်ရှိလာခဲ့ပြီး၊ ကျေးရွာတာဝန်ခံဖြစ်သူထံ ဧည့်စာရင်းတိုင်ကြားခဲ့သော်လည်း ည ၁၀ နာရီကျော် အချိန်တွင် ဦးတင်မောင်နှင့် တပည့် (၈) ဦးတို့သည် တုတ်၊ ဓါးများ ကိုယ်စီကိုင်ဆောင်၍ ဦးဆီရာဇူလ္လာ၏ အိမ်သို့ ရောက်ရှိလာပြီး၊ အိမ်တံခါးများ ရိုက်ချိုးကာ အိမ်ထဲသို့ အတင်းဝင်ရောက် ရှာဖွေပြီးနောက် ဧည့်သည်ကို မတွေ့သဖြင့် အိမ်ရှင်ဖြစ်သူကို အိမ်ထဲမှာ ဆွဲထုတ်၍ မတရားသဖြင့် ၀ိုင်းဝန်း ရိုက်နှက်ခဲ့သည်။ ထိုသို့ ရိုက်နေစဉ် အိမ်နီးချင်းများက မခံမရပ်နိုင်ဖြစ်ပြီး စုရုံးရောက်ရှိလာခဲ့ရာ ပြဿနာကြီးထွားလာမည်ကို စိုးရိမ်၍ ဘာသာရေးကျောင်းမှ ပါမောက္ခချုပ် မော်လာနာ ဦးဇူဘိုင်ရ်မှ လာရောက်ထိန်းသိမ်း ပေးခဲ့ရကြောင်း ဒေသခံများက ပြောပါသည်။

ဖေဖော်ဝါရီလ (၂) ရက်နေ့တွင် ဥဒေါင်းကျေးရွာအုပ်စု အနောက်ရွာမှ ဦးဆော်လာမတ်၏ သမီးဖြစ်သူ မရိုကီယာသည် ၀မ်းပျက်ဝမ်းလျှော ရောဂါဖြင့် သေဆုံးခဲ့သည်ကို အိမ်နီးချင်းဖြစ်သူ အေဘာဒူလ္လာ (ဘ) ဦးအလီအာမတ်နှင့် တရားမ၀င် ပေါင်းသင်းပြီး ကိုယ်ဝန်ဖျက်ချ၍ သေဆုံးသည်ဟု လုပ်ကြံစွပ်စွဲ၍ ဖမ်းဆီးချုပ်နှောင်၍ ငွေကျပ် ၂၅ သိန်း ညှစ်ယူခဲ့သည်။

ဦးတင်မောင်သည် ၂၀၁၆ ခုနှစ် နိုဝင်ဘာလတွင် ရပ်မိရပ်ဖ အချို့ကို အစည်းအဝေး ခေါ်ယူပြီး ခမရ ၅၃၆ နှင့် ၅၃၅ တို့ကို ငွေမပေးလျှင် နယ်မြေရှင်းလင်းရေး လုပ်မည်၊ အကယ်၍ မလုပ်စေချင်လျှင် တစ်ရွာလုံးမှ ငွေကျပ် သိန်း ၁၅၀ ကောက်ပေးရမည်ဟု ပြောဆိုပြီး စားဝတ်နေရေး အဆင်ပြေနေသူများထံမှ ငွေကျပ် နှစ်သောင်းမှ ငါးသောင်းထိ အမြန်ဆုံး ကောက်ခံပေးရန် ခွဲတမ်းချပေးခဲ့သည်။

ငွေကောက်ခံပေးခဲ့ရသူများမှာ -- အရှေ့ရွာမှ ဦးဆော်လီမူလ္လာ အပါအ၀င် (၅) ဦး၊ မြောက်ရွာမှ ဦးမာမတ်အာယုပ် အပါအ၀င် (၅) ဦး၊ အနောက်ရွာမှ မော်လ၀ီ ဖောယာဇူလ္လာ အပါအ၀င် (၅) ဦး၊ ကုန်တန်းရွာမှ ဦးအီဗြာဟိမ်း အပါအ၀င် (၅) ဦး၊ ဇုံမာရွာမှ ဦးနူရ်မာမတ် အပါအ၀င် (၅) ဦးနှင့် ပါစ်ကရီရွာမှ မော်လ၀ီ အာဘူတာလတ် အပါအ၀င် (၅) ဦးတို့ ဖြစ်ကြသည်။

နှစ်ရက်အတွက် ငွေကျပ် ၈၅ သိန်း ကောက်ခံရရှိခဲ့ပြီး ဦးတင်မောင် ကို အပ်နှံခဲ့ပြီး၊ ခွဲတမ်းအရ ကောက်ခံရန် ကျန်ရှိငွေများ အတွက် ဖိအားပေးသဖြင့် တစ်ပတ်အတွင်း ငွေကျပ် သိန်း ၃၀ ထပ်မံကောက်ခံရရှိခဲ့သည်။ အဆိုပါ ငွေများကို တပ်ရင်းများသို့ ပေးခြင်းမရှိခဲ့ဘဲ၊ ဦးတင်မောင် က ကိုယ်ပိုင်ငွေအဖြစ် သုံးစွဲကြောင်း ဒေသခံများ၏ ပြောကြားချက်များအရ သိရှိရသည်။

ဖေဖော်ဝါရီလတွင် တူရကီနိုင်ငံမှ လှူဒါန်းသော ဆန်များကို အိမ်ခြေများ အလိုက်ခွဲဝေပေးရာတွင် ဆန်တစ်အိတ်ချင်းစီမှ တစ်ပြည်စီ ထုတ်ယူခဲ့သည့်အပြင် ဆန်အိတ် ၂၀ ကို ရောင်းစားရန် အိမ်တစ်အိမ်၌ ယခုအချိန်ထိ ၀ှက်ထားကြောင်း သိရှိရသည်။

ထို့အပြင် နေအိမ်များနှင့် ဆိုင်ခန်းများ ဖြိုဖျက်ခံရမည့် စာရင်းတွင်ပါရှိသည်ဟု ပြောဆို၍ သိန်းပေါင်းများစွာ ညှစ်ယူခဲ့ကြောင်း ဒေသခံများက ပြောပါသည်။

ဦးတင်မောင်သည် အစွန်းရောက်တစ်ဦးဖြစ်ပြီး လွန်ခဲ့သည့် နှစ်နှစ်ခန့်က ရွာသူရွာသားများကို မတရား ညှဉ်းပန်းနှိပ်စက်ခြင်း၊ သိန်းရာပေါင်းများစွာ ငွေညှစ်ခဲ့ခြင်း တို့ကြောင့် ကျေးရွာအုပ်ချုပ်ရေးမှူး တာဝန်မှ ရပ်စဲခံခဲ့ရသော်လည်း၊ ၎င်းကို ရိုဟင်ဂျာရွာကို အုပ်ချုပ်ရန် ရိုဟင်ဂျာများ၏ မဲဆန္ဒမပါဘဲ မြို့နယ် အဆင့် အာဏာပိုင်များက လာဘ်ငွေယူ၍ ပြန်လည်ခန့်ထားခြင်း ဖြစ်သည်ဟု စုံစမ်းသိရှိရသည်။


Comment ရေးရန်

Rohingya Exodus