ဌာနဆိုင်ရာများ၏ ငွေညှစ်မှုများ အားလုံးက ဒေသခံများအတွက် ၀န်ထုပ်ဝန်ပိုး ဖြစ်နေ

RB News

24.3.2017

မောင်တော ။ ။ ရခိုင်ပြည်နယ်၊ မောင်တောမြို့နယ်တွင် ကျေးရွာ၊ ရပ်ကွက် အုပ်ချုပ်ရေးမှူးများက ဌာနဆိုင်ရာများကို ငွေကြေးတောင်းခံသလောက် ပေးနေရပြီး၊ ရွာသူရွာသားများက ကျေးရွာအုပ်ချုပ်ရေးမှူးများ တောင်းခံသလောက်ပေးနေရကြောင်း သတင်းရရှိပါသည်။ 

မောင်တောမြို့နယ်ရှိ ရပ်ကွက်၊ ကျေးရွာ အုပ်ချုပ်ရေးမှူးများကို မြို့နယ် အုပ်ချုပ်ရေးမှူးရုံးတွင် တစ်လလျှင် နှစ်ကြိမ် အစည်းအဝေး ခေါ်ယူလေ့ရှိပြီး၊ အစည်းအဝေး တက်ရောက်ရာတွင် အဆိုပါရုံးမှ စာရေးများက တောင်းခံသောငွေများကို ပေးရသည့်အပြင် မြန်မာ့အလင်း သတင်းစာများကို အတင်းဝယ်ခိုင်းသဖြင့် တစ်ကြိမ် အစည်းအဝေး တက်ရောက်လျှင် ငွေကျပ် ငါးသောင်းကျော် ကုန်ကျလေ့ရှိသည်ဟု ကျေးရွာအုပ်ချုပ်ရေးမှူး တစ်ဦးထံမှ သိရှိရသည်။ ထို့အပြင် အခြားဌာနဆိုင်ရာများက တောင်းခံသည့် ငွေကိုလည်း မဖြစ်မနေ ပေးရသဖြင့် ကုန်ကျစရိတ် အလွန်များပြားကြောင်း အဆိုပါ ကျေးရွာအုပ်ချုပ်ရေးမှူးက ပြောပါသည်။ 

မောင်တောမြို့နယ် တောင်ပိုင်း၊ မြင်းလွတ်မြို့နယ်ခွဲတွင် ရပ်ကွက် (၈) ခု ရှိပြီး၊ ရပ်ကွက်တစ်ခုလျှင် အိမ်ထောင်စု နှစ်ရာခန့်သာ ရှိသည်။ မတ်လ (၂၀) ရက်နေ့တွင် အင်းဒင် ကျေးရွာ အခြေစိုက် နယ်ခြားစောင့်ရဲတပ်ဖွဲ့ နယ်မြေ (၉) မှ နယ်မြေမှူး ဒု-ရဲမှူးကြီး အဆင့်ရှိသူအတွက် ကွန်ပျူတာတစ်လုံး ၀ယ်ပေးရမည်ဟု ဆိုကာ ရပ်ကွက် အုပ်ချုပ်ရေးမှူးများက ဒေသခံများထံမှ ငွေကောက်ခံလျက် ရှိကြောင်း ဒေသခံများက RB News သို့ပြောပါသည်။ 

လွန်ခဲ့သည့် ဖေဖော်ဝါရီလမှ စ၍ မြင်းလွတ်မြို့နယ်ခွဲရှိ ရပ်ကွက် အုပ်ချုပ်ရေးမှူးများက လက်ထပ်ခွင့် လျှောက်လွှာတစ်စောင်လျှင် ငွေကျပ် တစ်သိန်းစီ အတင်းအဓမ္မ တောင်းခံလျက် ရှိကြောင်း၊ ရပ်ကွက်များတွင် အများစုမှာ ဆင်းရဲသားများ ဖြစ်သဖြင့် သက်ဆိုင်ရာ ရပ်ကွက်အုပ်ချုပ်ရေးမှူးများထံမှ လက်ထပ်ရန် ခွင့်ပြုမိန့် ယူရန် အခက်ကြုံနေကြောင်း ဒေသခံများက ပြောပါသည်။ 

“သန့်ရှင်းတဲ့အစိုးရ၊ အဂတိတရား ကင်းရှင်းတဲ့ အစိုးရတစ်ရပ် ဖြစ်ရမယ်ဆိုပြီး ကြွေးကြော် တက်လာတဲ့ အစိုးရလက်ထက်မှာလည်း အရင်လို အဂတိလိုက်စားမှုတွေ ရှိနေတယ်။ ရပ်ကွက်၊ ကျေးရွာ အုပ်ချုပ်ရေးမှူးတွေက ဌာနဆိုင်ရာတွေကို ပေးရတဲ့ ငွေတွေကို သူတို့အိတ်ထဲကနေ ပေးနေတာ မဟုတ်ဘူး။ ဟိုမှာ ပေးရသမျှ ရွာသားတွေဆီက နည်းမျိုးစုံနဲ့ အဆပေါင်းများစွာ ပြန်ရအောင် ယူတာ။ အဲဒါကြောင့် ၀န်ထုပ်ဝန်ပိုး အားလုံးကို ရွာသားတွေက ထမ်းရတယ်။ ပြည်နယ်အစိုးရ၊ ပြည်ထောင်စုအစိုးရက မြေပြင်ရဲ့ အခြေအနေကို သေချာစုံစမ်းပြီး မတရားသဖြင့် လုပ်နေတာတွေကို ဟန့်တားဖို့ လိုပါတယ်။ အဲလိုလုပ်ရင် ဆင်းရဲမွဲတေမှုကိုပါ တိုက်ဖျက်ရာ ရောက်ပါမယ်” ဟု လူ့အခွင့်အရေး အခြေအနေ စောင့်ကြည့်နေသူတစ်ဦးက RB News သို့ပြောပါသည်။