မောင်တောမြို့နယ်၏ သားသတ်လိုင်စင်ကြေးမှာ သိန်းပေါင်း ၆၅၀၀ ထိ မြင့်တက်သွားခြင်းကြောင့် လိုင်စင်သည်များ၏ ငွေကြေး ကောက်ခံမှုများပြားလာ

RB News

9.4.2017

မောင်တော ။ ။ ရခိုင်ပြည်နယ်၊ မောင်တောခရိုင်တွင် ၂၀၁၇ - ၂၀၁၈ ခုနှစ် ဘဏ္ဍာနှစ်အတွက် သားသတ်လိုင်စင်ခ အဆမတန် ကြီးမြင့်သွားကြောင့် ဒေသတွင်း အသားဈေးနှုန်းများ မြင့်တက်လာသည့် အပြင် လိုင်စင်သမားကို ပေးနေရခြင်း၊ ကျွဲ၊ နွားခိုးယူမှုများ ရှိနေခြင်းကြောင့် မတည်မငြိမ်မှုများ ဖြစ်ပွားလျက် ရှိကြောင်း သတင်းရရှိပါသည်။

မောင်တောမြို့နယ်တွင် ၂၀၁၇ - ၂၀၁၈ ခုနှစ် ဘဏ္ဍာနှစ်အတွက် သားသတ်လိုင်စင်ခသည် ကျပ်သိန်းပေါင်း ၅၅၀၀ ဖြစ်ပြီး၊ အကျိုးဆောင်ခ သိန်း ၅၀၀၊ ဌာနဆိုင်ရာ ရန်ပုံငွေများ၊ အလှူငွေများ၊ လက်ဆောင်ပေးရငွေများကြောင့် သိန်းပေါင်း ၆၅၀၀ ထိမြင့်တက်သွားကြောင်း သိရှိရသည်။ လိုင်စင်ရရှိထားသူသည် ၎င်း၏ အရင်းအနှီးနှင့် အကျိုးအမြတ် ရရှိနိုင်ရေးအတွက် အမဲသားတစ်ပိဿာကို မြို့ပေါ်တွင် ငွေကျပ် ၁၄၀၀၀၊ နယ်ပိုင်းတွင် ငွေကျပ် ၁၂၀၀၀ ထိ တင်ရောင်းခြင်း၊ မင်္ဂလာပွဲနှင့် ဘာသာရေးပွဲတော်များတွင် နွားတစ်ကောင် ဖော်လျှင် ငွေကျပ် ၅၀၀၀၀ စီကောက်ခံခြင်း၊ အိမ်မွေး တိရိစ္ဆာန်များ လယ်ယာသုံး လုပ်ငန်း၌ အသုံးပြုရန် အတွက် အရောင်းအ၀ယ် လုပ်လျှင် ရောင်းသူနှင့် ၀ယ်သူ နှစ်ဦးစလုံးထံမှ ငွေကျပ် ၂၀၀၀၀ စီ ကောက်ခံခြင်း၊ လယ်သမားများ၏ လယ်ယာစိုက်ပျိုးရေးသုံး ကျွဲ၊ နွားများ ပိန်ချုံးလာ၍ လဲနေလျှင် အသားရောင်း၍ မည်မျှ ရသည်ဖြစ်စေ လိုင်စင်ခဟု ဆိုကာ တစ်ကောင်လျှင် ငွေကျပ် ၅၀၀၀၀ စီ ကောက်ခံခြင်း စသည်ဖြင့် တရားလက်လွှတ် ငွေများကောက်ခံနေခြင်းကြောင့် ဒေသတွင်း တည်ငြိမ်မှု ပျက်ပြားလာနေကြောင်း ဒေသခံများက RB News သို့ပြောပါသည်။

ဘူးသီးတောင်မြို့နယ် တစ်ခုလုံး၏ သားသတ်လိုင်စင်ခမှာ ငွေကျပ်သိန်းပေါင်း ၁၄၀၀ ဖြစ်ပြီး၊ ဘူးသီးတောင်မြို့နယ် တောင်ဘက် ညောင်ချောင်းနယ်မြေပိုင် ကျေးရွာအုပ်စု (၇) ခုကို ငွေကျပ် သိန်း ၁၃၀ ဖြင့် ဘုရားပြင်အောင်ပ ကျေးရွာမှ ဦးရွှေမောင်က ရယူထားသည်။ ၎င်းသည် အကျိုးအမြတ် နှစ်ဆဖြင့် ကျေးရွာအုပ်စု အလိုက် တစ်ဆင့်ခံ ကိုယ်စားလှယ်များကို ရောင်းချခဲ့သည်။ အဆိုပါ တစ်ဆင့်ခံ ကိုယ်စားလှယ်များသည် ၎င်းတို့၏ အရင်းများ ငွေပေါ်လာအောင် မောင်တောမြို့နယ် ပုံစံအတိုင်း နည်းမျိုးစုံဖြင့် ငွေကောက်ခံလျက် ရှိသည့်အပြင် အရင်းများ ပြန်မရမည်ကို စိုးရိမ်၍ ကျေးရွာအတွင်းများ နွားများ ခိုးယူပြီး၊ သမီးလှကျေးရွာနှင့် အာဂါတောင် ကျေးရွာများရှိ သားသတ်လိုင်စင်သမားများထံ ပြန်လည်ရောင်းချလျက် ရှိကြောင်း ဒေသခံများက ပြောပါသည်။

လွန်ခဲ့သည့် မတ်လ (၂၅) ရက်နေ့မှ ယခု ဧပြီလ (၇) ရက်နေ့ အတွင်း ဖရုံချောင်းကျေးရွာမှ ဦးအစ္စမိုင်လ် (ဘ) ဦးလာလ်မျာ၏ နွားနှစ်ကောင်၊ ဦးရှောမ်ရှု (ဘ) ဦးဆယာဒ်အာမီးန်၏ နွားထီးတစ်ကောင်၊ မော်လ၀ီအဒူဂေါ်နီ (ဘ) ဦးဆယာဒ်ကော်ရီးမ်၏ နွားငါးကောင် ပျောက်ဆုံးသွားခဲ့ပြီး၊ အလားတူ ဖြစ်ရပ်များ အခြားကျေးရွာများတွင်လည်း ဖြစ်ပေါ်လျက် ရှိကြောင်း၊ အချို့နွားများကို ဘုရားပြင်အောင်ပ ကျေးရွာမှ သားသတ်လိုင်စင် တစ်ဆင့်ကိုယ်စားလှယ် ဦးအဒူလ်ဟာရှိမ်းက ခိုးယူရောင်းချခဲ့သည်ကို ဖော်ထုတ်သိရှိရကြောင်း၊ အချို့နွားအုပ်များကို အချိန်မှီ သတင်းရရှိမှုကြောင့် သူခိုးများ ယူဆောင်သွားနေစဉ် လမ်းတစ်ပိုင်းမှ ပြန်လည် ရယူနိုင်ခဲ့ကြောင်း၊ လိုင်စင်တစ်ခုရယူ၍ ဥပဒေဘောင်ကျော်ပြီး တရားလက်လွှတ် လုပ်ဆောင်ကာ ပြည်သူများ အဘက်ဘက်က နစ်နာအောင် ဒေသတစ်ခုလုံး မတည်မငြိမ်ဖြစ်လာအောင် ပြုလုပ်နေမှုများကို သက်ဆိုင်ရာမှအမြန်ဆုံး အရေးယူဆောင်ရွက် ပေးစေလိုကြောင်း ဒေသခံများက RB News သို့ပြောပါသည်။